කාක් කූඩුවකින් වැටුණු කාක් පැටියෙකි. ඌට පියෑඹීමට නොහැකි නිසා කාක්කි සහ කාක්කා උගේ ආරක්‍ෂාවට අසලට වී සිටියහ. ඒ අසලින් ගමන් ගන්නා සෑම දෙනාටම කාක්කෝ දෙදෙනා කොටන්නටවූහ. කාක්කන්ගේ පහරකෑමට ලක්වූ පාරේ ගමන් කරන්නෝ හිස හැරුණු අත දුවන්නට වූහ. මෙම දසුන අසල තරුණයින් හට විනෝදය ගෙන දෙන්නක් විය.

තරුණයින් කාක්කන් කොටන බව කිසිවෙකුට පැවසුවේ නැත. මේ අතර ඒ අසලින් යෑමට පැමිණි මවක් සහ දරුවෙකි. ඔවුනට එතැනින් ගමන් කරන අයට කාක්කන් කොටන අයුරු දැකගන්නට ලැබිණි. තරුණයෙක් කුඩා දරුවා අමතා, ”පුතා ඒ මයින් පැටියෙක් කාක්කෝ ඌට කොටනවා” යනුවෙන් පැවසීය. කුඩා දරුවා එය විශ්වාස කර, ”අම්මේ අපි ඌව ගෙදර අරන් යමු” යි පිංසෙන්ඩු විය.

පිස්සුද පුතා අපි ඌ අල්ල ගත්තොත් කාක්කෝ ටික අපට කොටයි. යනුවෙන් පැවසූ මව දරුවාද රැුගෙන අනෙක් පසින් ගමන් කළාය. පැය භාගයක් ගතවිය. දරුවා තම පියා සමඟ එතැනට පැමිණ ”අර ඉන්නේ මයින් පැටියා” යැයි පවසා කාක් පැටියා පියාට පෙන්වීය. පුතා පාරේ එහා පැත්තෙන් ඉක්මනට ගෙදර දුවන්න. යැයි පැවසූ පියා කාක් පැටියා තම දෑතට රැුගෙන යන්නට විය. කාක්කන් කෑ ගසන ශබ්දයක් ඇසිණි. කාක්කෝ විසි පහකට අධික සංඛ්‍යාවක් පැමිණ කාක් පැටියා අල්ලාගත් අයට කොටන්නට වූහ. කාක්කන්ගේ ප‍්‍රහාරය මැද ඔහු කාක් පැටියා ද රැුගෙන වේගයෙන් ඉදිරියට දුවගොස්  හිතවතෙකුගේ මෝටර් රථයකට නැගී නොපෙනී ගියේය. නාරාහේන්පිට නගරයෙන් අසන්නට ලැබිණි.