IMG-LOGO

2025 ජුලි මස 12 වන සෙනසුරාදා


කානුවක් පොටෝ අරන් පැය 5 ක් කූඩුවේ

(මනෝජ් හර්ෂික)

දකුණු පළාතේ ප්‍රධාන නගරයක සංචාරක හෝටලයක උසස් තනතුරක් හොබවන තරුණයකි. දිනක් ඔහු තම කාර්ය මණ්ඩලයේ මිතුරන් දෙදෙනකු ද සමඟ හෝටලයෙහි කිසියම් රාජකාරී කටයුත්තක් සඳහා නගරය වෙත යාමට තීරණය කළේය. හෝටලයේ සිට නගරයට එතරම් දුරක් නොවූ හෙයින් පා ගමනින්ම නගරය වෙත යාමට මිතුරෝ තිදෙනා පිටත් වූහ. හෝටලයේ සිට නගරය වෙත යාමට ඇති කෙටි මාර්ගය වැටී ඇත්තේ උසාවි සංකීර්ණයක් අසලින් වන අතර එම ප්‍රදේශයේ ජනයා මෙන්ම පොලිස් නිලධාරීහු ද එහි රාජකාරියේ නිරතව සිටියහ.

උසාවි සංකීර්ණය ඉදිරිපිට මාර්ගය අසළින් ගමන් කරන මිතුරන් අතරින් එහි සිටින “අප කතා නායකයා” එක්වරම ගමන නතර කර තම ජංගම දුරකතනයෙන් මාර්ගය අසළ ඇති කානුවේ ඡායාරූප කිහිපයක් සටහන් කර ගත්තේය. හෝටල් ක්ෂේත්‍රයට පැමිධෑමට පෙර මෙම තරුණයා අගනුවර ප්‍රධාන විද්‍යුත් මාධ්‍ය ආයතනයක මාධ්‍යවේදියකු ලෙස කටයුතු කළ හෙයින් ඔහු උසාවි සංකීර්ණය අසළ කානු පද්ධතියේ බෝ වී ඇති මදුරු කීටයින් මෙසේ ඡායාරූප ගතකරගෙන ඇත්තේ පුවත්පතක තම මිතුරකුට එම ප්‍රවෘත්තිය ලබාදීමේ අරමුණෙන්ය. උසාවි සංකීර්ණය ඉදිරිපිට මාර්ගයහි කාණුව ඡායාරූප ගත කරන තරුණයා දුටු අසළ පොලිස් මුර පොළෙහි රාජකාරී කටයුතු කරමින් සිටි පොලිස් නිලධාරියකු පැමිණ ජංගම දුරකතනය ඔහු බාරයට ගෙන තිදෙනාම වැඩිදුර ප්‍රශ්න කිරීම සඳහා පොලිස් ස්ථානය වෙත රැගෙන ගියේය. වැඩිදුර පරීක්ෂණ කටයුතු නිමවන තුරු පොලිස් සිර මැදිරියෙහි පැය පහකට අධික කාලයක් ගෙවීමට මිතුරන්ට සිදු වූ අතර මේ අකරතැබ්බය දැනගත් හෝටලයේ සේවය කළ තවත් මිතුරකු තම සගයන් බැලීමට පොලිස් ස්ථානය වෙත ආවේය. තම මිතුරන් තිදෙනා පොලිස් කූඩුවේ සිටිනු දකින ඔහු මහ හඬින් සිනාසී හෝටලයේ අනෙක් අයට පෙන්වීම සඳහා තම ජංගම දුරකතනයෙන් ඔවුන්ව ඡායාරූප ගත කළේය. මෙම සිද්ධිය දුටු පොලිස් නිලධාරියකු “ෆොටෝ ගහන්න මුන්ට තැනක් නොතැනක් නැහැ” යනුවෙන් පවසා ඔහුවද සිර මැදිරියට දැම්මේය. පසුව තවත් පැය පහක පමණ කාලයක් පොලිස් සිර මැදිරියෙහි සිටීමට මිතුරන් තිදෙනාට සිදු වූ අතර පසුව පැමිණි මිතුරාට පොලිසියෙන් පිටව යාමට හැකි වූයේ පසුදා උදෑසනය.



අදහස් (6)

කානුවක් පොටෝ අරන් පැය 5 ක් කූඩුවේ

sampath Wednesday, 04 September 2019 10:40 AM

තැන නොතැන නොබලා වැඩ කිරීමේ විපාක මේ අධිකරණ භූමියක් හෝ පොලිස් සිර මැදිරියක් අනවසරයෙන් ඡායාරූප ගත කරන්න බෑ...

:       108       38

KumarThursday, 05 September 2019 02:00 AM

එවැනි තහනමක් තිබෙනවා නම් එම මොහොතේම "නඩුකර හාමුදුරවෝ" ඉදිරිපිටට ගෙනෙන්න තිබුණනේ. ලංකාවේ "ප්‍රජාතන්ත්‍රවාදය" කියන්නේ ඕකටද?

:       0       32

rim Wednesday, 04 September 2019 12:47 PM

ඔච්චරටම පොලිසිය නීත්‍යානුකූලද? ඔවුන්ව පරීක්ෂා කරලා කටඋත්තරයක් අරගෙන යවන්න තිබුණා. එ්කට මෙච්චර කාලයක් පොලිසියේ...

:       127       316

raajun Thursday, 05 September 2019 06:57 AM

කාණුවක් පොටෝ ගන්න එක ලංකාවේ මේ තරම් වරදක්ද?

:       0       5

Nandalal DE SILVA - FranceSunday, 08 September 2019 08:00 AM

ඕකට තමා කියන්නේ..."ගොනා කාණුවේ" කියලා !!!

:       0       0

nihal Friday, 06 September 2019 01:02 AM

රීම් ...හරි ..පරීක්ෂ...කරලා කටඋත්තර හා හැදුනුම් පත් විස්තර අරන් යවන්නේ නැතිව ....මහජනයාගේ වටිනා කාලය අපතේ යවනා මෝඩ පොලිසිය

:       0       26

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 327 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 847 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1274 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site