IMG-LOGO

ඇඳ යට රිංගූ හොර මිනිහට උණු වතුර සංග්‍රහයක්

බිරිඳගේ අනියම් සැමියා තම නිවසේ සිටින බවට ලැබුණු තොරතුරකට අනුව රාජකාරියට නිවාඩු දමා නිවසට ගිය සැමියකු අනියම් සැමියාට යළි නොඑන්නට පාඩමක් ඉගැන්වීමේ පුවතක් කුරුණෑගල දිස්ත්‍රික්කයේ එක්තරා පෙදෙසකින් වාර්තාවේ.


සිද්ධිය මෙසේය.


සැමියා රැකියාවට යන අතරතුර බිරිඳ අනියම් සැමියකු නිවසට ගෙන්වා ගන්නා බවට සැමියාට නිතර නිතර නිර්නාමික දුරකථන ඇමතුම් ලැබුණි. මෙදිනද සැමියා තම කාර්යාලයේ  රාජකාරි කරමින් සිටියේය. ඔහු තම බිරිඳගේ අනියම් සබඳතාව ගැන සොයා බලන ලෙස බාර දී තිබූ මිතුරාගෙන් හදිසි ඇමතුමක් ලැබුණි.


“හරි මචං ඔන්න දැන් පොර ආවා උඹලගේ ගෙදර”


හොඳ පාඩමක් ඉගැන්වීමට සිතූ සැමියා හදිසියේ තමාට අසනීප බවට නිවාඩුවක් දමා ත්‍රිරෝද රථයකින් නිවසට ගියේය. නිවසේ දොරකඩ තිබූ පිරිමි පාවහන් යුගලින් පිටස්තරයකු නිවස තුළ සිටින බව ඔහු අවබෝධ කර ගත්තේය.


ත්‍රිරෝද හඬ ඇසී බිරිඳ වහා ඉදිරිපස දොර විවෘත කරගෙන එළියට ආවේ මහත් කලබලයෙනි. සැමියා හදිසියේ පැමිණීමෙන් අන්ද මන්ද වූ බිරිඳ ඒ බවක් නොඅඟවා සැමියා අසලට මහත් කලබලයෙන් දිව ගියේ සැමියාට අසනීප තත්ත්වයක් ඇති බවක් දැනීමෙනි.


ඇයි බබා මොකද මොකද ඔයාට සනීප නැද්ද” බිරිඳ මහත් දුකෙන් ඇසුවාය.“නෑ... නෑ. ලොකු අමාරුවක් නෑ බබා පොඩි ඇක්සිඩන්ට් එකක් වුණා.


සැමියා නැති අමාරුවක් ආරූඪ කරගෙන කොර ගසමින් නිවසට ඇතුළු වූයේය. ඇඳුම් ද මාරු නොකරම ඇඳට වැටුන සැමියාට ඇඳ යට කිසිවකු සිටින බව දැනුණි. හොඳ පාඩමක් උගන්වන අටියෙන් සැමියා රෝගියකු ලෙසම ඇඳටම වී සිටියේලු.


“බබා අපි යමු ඩොක්ටර් ළඟට ගිහින් බෙහෙත් ටිකක් අරන් එමු” බිරිඳ සැමියාට ඇවිටිලි කළේය.


බබා මගේ මේ කකුලේ තැල්මක් තියෙන්නේ උණුවතුර ටිකක් ගෙනල්ලා කකුල ටිකක් තවලා බලමු අඩුවෙයි. ගේන්න කෝ හොඳ රස්නෙට උණු වතුර එකක්.


සැමියා එසේ කියනවාත් සමග කුස්සියට දිවගිය බිරිඳ සැනෙකින් දුම් දමන උණුවතුර ජෝගුවක් සහ රෙදිකඩක්ද රැගෙන කාමරයට ආවාය. බිරිඳ සැමියාගේ කකුල තැවීමට සූදානම් වූවාය. වහා ක්‍රියාත්මක වූ සැමියා දුම් දමන උණු වතුර ජෝගුව ඇඳ යටට විසිකළේය.


ඇඳ යට සිටි අනියම් සැමියා “අම්මෝ කියාගෙන ඇඳ යටින් එළියට පැන දිව ගියේය.


“මෙන්න හොරෙක්... හොරෙක්... ”කියමින් බිරිඳ කෑගසන්නට වූවාය


“මෙන්න හෙරක් හෙරක්” සැමියාද කෑගැසීය.


එළියේ දමා ගොස් තිබූ අනියම් සැමියාගේ පාවහන් යුගලින් ඔහු කවුද යන්න සැමියා හඳුනා ගත්තේලු.
 (නිකවැරටිය ප්‍රියාණි මංගලිකා)

 



අදහස් (0)

ඇඳ යට රිංගූ හොර මිනිහට උණු වතුර සංග්‍රහයක්

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 52 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 441 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 879 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site