එසැණ පුවත්

විනිසුරු ගිහාන් පිලපිටිය අත්අඩංගුවට ගැනීමට උපදෙස්

පාර්ලිමෙන්තු මන්ත්‍රී රන්ජන් රාමනායක මහතා සමඟ එක්වී බොරු සාක්කි සෑදීම සඳහා කුමන්ත‍්‍රණය කළැයි කියන සිද්ධියක් සම්බන්ධයෙන් ඇඹිලපිටිය මහාධිකරණ විනිසුරු ගිහාන් පිළපිටිය මහතාට එරෙහිව වරෙන්තුවක් ලබාගෙන ඔහු අත්අඩංගුවට ගැනීමට පියවර ගන්නා ලෙස නීතීපතිවරයා කොළඹ අපරාධ කොට්ඨාශයේ අධ්‍යක්‍ෂවරයාට අද (23) නියම කළේය.

23 January 2020

රෝහින්ග්‍යා මුස්ලිම් ඝාතන වළක්වන්නැයි ජාත්‍යන්තර අධිකරණයෙන් නියෝ‍ග

මියන්මාරයේ රෝහින්ග්‍යා මුස්ලිම්වරුන් සමූල ඝාතනය කිරීම වැළැක්වීමට පියවර ගන්නා ලෙස ජාත්‍යන්තර අධිකරණය නියෝග කර තිබේ.

23 January 2020

මේජර් අජිත් ප‍්‍රසන්නට නොතිසි

අධිකරණයේ විභාග කරන නඩුවක් සම්බන්ධයෙන් මාධ්‍ය හමුවකදී වැරදි සහගත ප‍්‍රකාශයක් කර අධිකරණයට අපහාස කළැයි කියන සිද්ධිය සම්බන්ධයෙන් කරුණු දැක්වීම සඳහා හෙට (24) අධිකරණය හමුවේ පෙනී සිටින්නැයි කොළඹ ප‍්‍රධාන මහාධිකරණ විනිසුරු විකුම් කළුආරච්චි මහතා විශ‍්‍රාමික මේජර් නීතීඥ අජිත් ප‍්‍රසන්න මහතාට අද (23) නියම කරමින් නොතිසි නිකුත් කළේය.

23 January 2020

ඕස්ට්‍රේලියාවේ ලැව්ගිනි නිවීමට ගිය හෙලිකොප්ටරය කඩා වැටී 3ක් මරුට

ඕස්ට්‍රේලියාවේ නිව් සවුත් වේල්ස් ප්‍රාන්තයේ ලැව්ගිනි නිවීමට යොදාගත් හෙලිකොප්ටරයක් කඩා වැටීමෙන් එහි සිටි තිදෙනකු මියගොස් ඇතැයි වාර්තා වේ.

23 January 2020

බඹරුන් ඇනීමෙන් වතු කම්කරුවෙක් මරුට

පතන, කෙලීවත්තේදී බඹරුන් ඇනීමෙන් වතු කම්කරුවෙකු අද (23) මියගොස් ඇතැයි දිඹුල- පතන පොලීසිය පවසයි.

23 January 2020

‘අජිත් ප්‍රසන්නගේ පැමිණිල්ල ද්වේෂසහගතව ගොතපු පුවතක්’

පාස්කු ප්‍රහාරයට සම්බන්ධ සහරාන් හෂීම්ගේ සහෝදරයකු වන රිල්වාන් නමැත්තා රෝහල් ගතකර සිටියදී ඔහුගේ සුව දුක් විමසීමට ගිය බව සඳහන් කරමින් පුවත්පත්වල පළවූ වාර්තා සහ ඊට මූලික වූ මේජර් අජිත් ප්‍රසන්න නමැත්තාගේ පොලිස් පැමිණිල්ල සත්‍යයෙන් තොර ද්වේෂ සහගත ලෙස ගොතන ලද ප්‍රවෘත්තියක් යැයි ශ්‍රී ලංකා මුස්ලිම් කොංග්‍රසයේ නායක පාර්ලිමේන්තු මන්ත්‍රී රවුෆ් හකීම් මහතා අද(23) පාර්ලිමේන්තුවේදී පැවසීය.

23 January 2020

අල්ලස් ගත් කලාප අධ්‍යාපන අධ්‍යක්ෂවරිය වසර 20 ක් සිරගෙට

අභ්‍යාසලාභී ගුරුවරියකගේ සේවය ස්ථිරකරදීම සඳහා අභ්‍යාසලාභී ගුරුවරියගේ ඥාතියකුගෙන් රුපියල් ලක්‍ෂ 2 ක අල්ලසක් ඉල්ලා ලබා ගැනීමේ චෝදනාවට වරදකරු වු නිකවැරටිය හිටපු සහකාර කලාප අධ්‍යාපන අධ්‍යක්‍ෂවරියට කොළඹ මහාධිකරණ විනිසුරු ආදිත්‍ය පටබැඳි මහතා වසර 20 ක බරපතල වැඩ සහිත සිරදඬුවමක් නියම කළේය.

23 January 2020

වෛද්‍ය සිසුවිය ඝාතනය කළ හමුදා සෙබළා රිමාන්ඩ්

යාපනය විශ්ව විද්‍යාලයේ වෛද්‍ය පීඨයේ අධ්‍යපනය ලද වෛද්‍ය සිසුවිය ඝාතනය කිරීම සම්බන්ධයෙන් සැකපිට අත්අඩංගුවට ගත් ඇයගේ සැමියා වන යුද හමුදා සෙබළා පෙබරවාරි 6 වැනිදා දක්වා රික්ෂිත බන්ධනාගාරගත කරන ලෙස යාපනය මහේස්ත්‍රාත් එස්.පීටර් පෝල් මහතා අද (23) නියෝග කළේය.

23 January 2020

වෛද්‍ය සිසුවිය ඝාතනය කළ සෙබළා ගැන හමුදාවෙන් පරීක්ෂණ

යාපනය විශ්ව විද්‍යාලයේ විද්‍යාපීඨයේ අවසන් වසරේ සිසුවියක වන රෝෂීනී කාන්චනා (28) ගෙල කපා ඝාතනය කිරීමේ සිද්ධිය සම්බන්ධයෙන් අත්අඩංගුවට ගෙන සිටි ඇගේ සැමියා වන යුද හමුදා ලාන්ස් කෝප‍්‍රල් එරංග දිලිප් කුමාර (28) නැමැත්තා සම්බන්ධයෙන් මුලික පරීක්ෂණයක් ආරම්භ කර ඇති බව හමුදාව කියයි.

23 January 2020

ලංගමයේ ඩිපෝවල විෂමාචාර සොයන්න කමිටුවක්

ශ්‍රී ලංකා ගමනාගමන මණ්ඩලයේ සහ බස් ඩිපෝවල පසුගිය කාලය තුළ වාර්තා වූ විෂමාචාරයන් සම්බන්ධව පුළුල් විමර්ශනයක් කිරීමට සිව්පුද්ගල විශේෂ විමර්ශන කමිටුවක් පත්කර තිබේ.

23 January 2020

‘ජාතික පාසල්වල විදුහල්පති පුරප්පාඩු සියල්ල පුරවනවා’

ජාතික පාසල්වල විදුහල්පති පුරප්පාඩු සියල්ල ඉක්මණින් සම්පූර්ණ කරන බව අධ්‍යාපන, ක්‍රීඩා හා තරුණ කටයුතු අමාත්‍ය ඩලස් අලහප්පෙරුම මහතා පැවසීය.

23 January 2020

ඉම්රාන් ඛාන් එජා සංවිධානයෙන් උපකාර ඉල්ලයි

මතභේදාත්මක කාශ්මීර ප්‍රදේශය සම්බන්ධයෙන් තිබෙන අර්බුදය විසඳා ගැනීමට උපකාර කරන්නැයි පාකිස්තාන අග්‍රාමාත්‍ය ඉම්රාන් ඛාන් එක්සත් ජාතීන්ගේ සංවිධානයෙන් ඉල්ලා සිටියේය.

23 January 2020

කල්ලාරු අනවසර ඉදිකිරීම් වළකන පෙත්සම විභාගය 27දා

විල්පත්තු රක්ෂිත වනාන්තර කලාප ආසන්නයේ, කල්ලාරු රක්ෂිත වනාන්තර කලාපය එළිකර අනවසර ඉදිකිරීමේ වැළැක්වීමේ නියෝගයක් නිකුත් කරන්නැයි ඉල්ලා ගොනු කළ පෙත්සම විභාගය ලබන 27 වැනිදා තෙක් කල්තැබීමට අභියාචනාධිකරණ විනිසුරු මහින්ද සමයවර්ධන මහතා අද(23) නියෝග කළේය.

23 January 2020

‘දීගොඩ කුමාර’ රිමාන්ඩ්

විශ්ව ශක්ති බලයෙන් රෝග සුවකිරීමේ වැඩසටහනකදී ලබා දුන් ආහාරයකින් සිසුවකු අසාධ්‍ය තත්වයට පත්කිරීමේ සිද්ධියක් සම්බන්ධයෙන් චෝදනා ලැබ සිටි දීගොඩ කුමාර නමැත්තා මේ මස 31 වැනිදා තෙක් රක්ෂිත බන්ධනාගාර කිරීමට කැස්බෑව මහෙස්ත්‍රාත් රුචිර වැලිවත්ත මහතා අද (23) නියෝග කළේය.

23 January 2020

ශානි සීඅයිඩීයෙන් පිටව යයි

අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂක ශානි අබේසේකර මහතා පැය 5හමාරක ප්‍රකාශයක් ලබාදීමෙන් පසු එම දෙපාර්තමේන්තුවෙන් පිටත්ව ගොස් තිබේ.

23 January 2020

‘බංගලාවේ ඉන්නේ කතානායක-හිටපු අගමැති ඇතුළු රජයේ එකඟත්වයෙන්’

විපක්ෂනායක බංගලාවේ නොකඩවා රැදී සිටින්නේ කථානායකවරයා සහ හිටපු අගමැතිවරයා ප්‍රමුඛ පැවති රජය ගත් පොදු එකඟත්වයට අනුව මිසක තමාගේ ඉල්ලීම හෝ බලකිරීම මත නොවන බව දෙමළ ජාතික සන්ධානයේ නායක පාර්ලිමේන්තු මන්ත්‍රී ආර්.සම්බන්ධන් මහතා අවධාරණය කරයි.

23 January 2020

එජාප කෘත්‍යාධිකාරි මණ්ඩල සාමාජිකයන් පත්කිරීම සඳුදා පසු අවසන්

එක්සත් ජාතික පක්ෂ කෘත්‍යාධිකාරි මණ්ඩලයට සියලු සාමාජිකයන් පත් කිරීම ලබන සදුදා (27) වනවිට අවසන් කෙරේ.

23 January 2020

ලංවිම ඉංජිනේරුවෝ කෝටි 500ක බදු ගෙවීම පැහැර හරිති

රජයේ විගණකාධිපති වාර්තා අනුව 2010 වසරේ සිට ලංවිම ඉංජිනේරුවන් උපයන විට බදුගෙවීම පැහැර හැරීම හේතුවෙන් රුපියල් කෝටි 500කට අධික බදු ආදායමක් රජයට අහිමිව ඇතැයි ද, එම මුදල වහාම ඔවුන්ගෙන් අයකරගෙන එහි සහනය විදුලි පාරිභෝගිකයන්ට ලබාදෙන්නැයිද පාරිභෝගික අයීතින් සුරැකීමේ ව්‍යාපාරය නිවේදනයක් නිකුත් කරමින් රජයෙන් ඉල්ලා සිටියි.

23 January 2020

‘රන්ජන් කිසිදු හඬපටයක් සභාගත කර නෑ’

පාර්ලිමේන්තු මන්ත්‍රී රන්ජන් රාමනායක මහතා ආන්දෝලනාත්මක කිසිදු හඬපටයක් දැනට පාර්ලිමේන්තුවේ සභාගත කර නොමැති බව නියෝජ්‍ය කතානායක ආනන්ද කුමාරසිරි මහතා අද (23) දැනුම් දුන්නේය.

23 January 2020

බන්ධනාගාර බසයක් අනතුරට ලක්වීමෙන් 14 කට තුවාල

අඹන්පොළ කළුවිලපතාන ප්‍රදේශයේ දී බන්ධනාගාර බස් රථයක් අද (23) පෙරවරුවේ අනතුරට ලක්වීමෙන් බන්ධනාගාර නිලධාරීන් ඇතුළු 14 දෙනෙකු තුවාල ලබා රෝහල් ගත කළ ගල්ගමුව පොලිසිය පවසයි.

23 January 2020

කනිෂ්ක විජේරත්න අල්ලස් කොමිසමේ නව අධ්‍යක්ෂ ජනරාල් ධූරයට

අල්ලස් හෝ දුෂණ චෝදනා විමර්ශන කොමිසන් සභාවේ නව අධ්‍යක්ෂක ජනරාල්වරයා ලෙස අම්පාර මහාධිකරණ විනිසුරු කනිෂ්ක විජේරත්න මහතා පත්කරනු ලැබ සිටී.

23 January 2020

රිෆ්ඛාන් බදියුදීන් රිමාන්ඩ්

අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන අධිකරණයට ඉදිරිපත් කළ රිෆ්ඛාන් බදියුදීන් මහතා පෙබරවාරි 6 වැනිදා තෙක් රක්ෂිත බන්ධනාගාරගත කිරීමට කොළඹ මහෙස්ත්‍රාත් ලංකා ජයරත්න මෙනවිය නියෝග කළාය.

23 January 2020

නැවත දැනුම් දෙනතුරු රන්ජන්ගේ හඬ පරීක්ෂණය නවතී

රිමාන්ඩ් බන්ධනාගාරයේ පසුවන පාර්ලිමේන්තු මන්ත්‍රී රන්ජන් රාමනායක මහතාගේ කටහඬ සාම්පල ලබා ගැනීම සඳහා අද (23) රජයේ රස පරීක්ෂක වෙත ඉදිරිපත් කිරීමට නියමිතව තිබුණද එසේ නොකළ බව බන්ධනාගාර දෙපාර්තමේන්තුව කියයි.

23 January 2020

බස්නාහිර බුද්ධි කොට්ඨාසයේ අධ්‍යක්ෂ ඇතුළු පොලිසියේ 28කට මාරුවීම්

බස්නාහිර බුද්ධි කොට්ඨාසයේ අධ්‍යක්ෂකවරයා ඇතුළු පොලිස් නිලධාරීන් 28 දෙනකුට වාහම කි‍්‍රයාත්මක වන පරිදි ස්ථාන මාරුවීම් ලබා දී ඇති බව පොලිස් මූලස්ථාන කියයි.

23 January 2020

රිෆ්ඛාන් බදියුදීන් අත්අඩංගුවට

ඉඩම් වංචාවක් සම්බන්ධයෙන් රිෆ්ඛාන් බදියුදීන් මහතා අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන ඇත.

23 January 2020

රන් බිස්කට්-ආභරණ සමඟ තිදෙනෙකු ගුවන්තොටෙන් අල්ලයි

ගුවන් මගියකු විසින් නීතිවිරෝධී ලෙස රැගෙන එන ලද රුපියල් කෝටි පහකට වැඩි වටිනාකමකින් යුත් රන් අබරණ හා රන් බිස්කට් තොගයක් කටුනායක ගුවන් තොටුපොළින් පිට කිරිමට තැත්කළ තිදෙනෙකු ගුවන්තොටුපොළ පොලිස් මත්ද්‍රව්‍ය නාශක අංශය මගින් අද (23) අත්අඩංගුවට ගනු ලැබීය.

23 January 2020

කුවේට් ගිය ගෘහ සේවිකාවෝ 52 ක් යළි ලංකාවට

කුවේටයේ ගෘහ සේවය සඳහා ගොස් සිටියදී , එරට නිවෙස් හිමිකරුවන් වෙතින් විවිධ හිරිහැර , කරදර වලට ලක් වූ ශ්‍රී ලාංකික ගෘහ සේවිකාවන් 52 ක් අද (23) කටුනායක ගුවන් තොටුපළ වෙත එවා තිබිණි.

23 January 2020

ශානි සීඅයිඩීයට

අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂක ශානි අබේසේකර මහතා ප්‍රකාශයක් ලබාදීම අද (23) අපරාධ පරීක්ෂණ දෙපාර්තමේන්තුවට පැමිණියේය.

23 January 2020