දේශපාලන

‘සශ්‍රීක ම යුග ප්‍රජාතන්ත්‍රවාදී යුග නෙමේ’

දේශප්‍රේමී මිනිසකු ජනතාවාදී මිනිසකු අතට බලය එකතුවීම පිළිබඳව ජනතාව කිසිසේත්ම බිය විය යුතු නැතැයි පාර්ලිමේන්තු මන්ත්‍රී එස්. බී. දිසානායක මහතා ප්‍රකාශ කළේය. ශ්‍රී ලංකාවේ සශ්‍රීකම යුග ලෙස සැලකෙන මහා පරාක්‍රමබාහු යුගය හෝ දුටුගැමුණු යුගය ප්‍රජාතන්ත්‍රවාදී යුග නොවන්නේ යැයි ද හෙතෙම සඳහන් කළේය.

27 September 2020

‘අගමැතිව නිකමෙක් කර-පාර්ලිමේන්තුව රබර් මුද්‍රාවක් කරගන්න යනවා’

අගමැතිවරයාව නිකමෙකු කර, පාර්ලිමේන්තුව රබර් මුද්‍රාවක් බවට පත්කරන 20 වැනි සංශෝධනය පරාජය කිරීමට ප්‍රජාතන්ත්‍රවාදය අගය කරන සියලු දෙනා පෙළ ගැසිය යුතු බව පාර්ලිමේන්තු මන්ත්‍රී මනූෂ නානායක්කාර මහතා කොළඹදී අද (25) පැවසීය.

25 September 2020

ආණ්ඩුවේ වැරැදි ආර්ථික සැලසුමෙන් එන වසරේදී රැකියා දස ලක්ෂයක් අවදානමේ

ආණ්ඩුවේ වැරැදි ආර්ථික සැලසුම් හේතුවෙන් ඉදිරි වසර තුළ රැකියා දස ලක්ෂයක් අහිමිවීමේ අවදානම තිබෙන බව’’ සමගි ජනබලවේගය ජාතික සංවිධායක, පාර්ලිමේන්තු මන්ත්‍රී තිස්ස අත්තනායක මහතා කොළඹදී ඊයේ (21) පැවසීය.

22 September 2020

ආණ්ඩුව වියත් මගින් රට හදනවා වෙනුවට කියත් මගින් පරිසරය විනාශ කරනවා

‘‘ජාතික ආරක්ෂාව තහවුරු කර සුරක්ෂිත දේශයක් වෙනුවෙන් කැපවන බවට පැවසූ ‘වියත් මගින්’ රට හදනවා වෙනුවට ‘කියත් මගින්’ පරිසර විනාශය කරන බව’’ සමගි ජන බලවේගය නායක, විපක්ෂ නායක සජිත් ප්‍රේමදාස මහතා පැවසීය.

22 September 2020

ලොවම ප්‍රජාතන්ත්‍රවාදය ශක්තිමත් කරද්දී මාතෘ භූමිය ගෝත්‍රික පාලනයකට ඇද දාන්න එපා

මුළු ලොවම ප්‍රජාතන්ත්‍රවාදය ශක්තිමත් කරන අවධියක ශ්‍රී ලංකා මාතෘ භූමිය ගෝත්‍රික වහල් පාලනයකට ඇද දමන්නට එපා යැයි ආණ්ඩුවෙන් ඉල්ලා සිටින බව ද රැවටිලිකාරී දේශපාලනයට එරෙහිව ජනතාව සමඟ භූමියේ සටනට එක්සත් ජාතික පක්ෂය නායකත්වය ලබා දෙන බව ද එජාප නියෝජ්‍ය නායක රුවන් විජයවර්ධන මහතා නිවේදනයක් නිකුත් කරමින් සඳහන් කරයි.

21 September 2020

‘ප්‍රජාතන්ත්‍රවාදී බලවේග සමඟ 20 පරාජය කරනවා’

ප්‍රජාතන්ත්‍රවාදී සියලුම බලවේග ඒකරාශී කරගෙන විසි වැනි ව්‍යවස්ථා සංශෝධනය අපි පරාජය කරනවා. පාර්ලිමේන්තුවේ සිටින ප්‍රබල විපක්ෂය හැටියට අපිට ඒක කරන්න පුලුවන්.ප්‍රජාතන්ත්‍රවාදයට ගරු කරන සියලුම දෙනා අපිත් සමඟ එකතු වේවි යැයි සමගි ජන බලවේගයේ නායක පාර්ලිමේන්තු විපක්ෂ නායක සජිත් ප්‍රේමදාස මහතා පැවසීය.

20 September 2020

‘පළාත් සභා අහෝසි කරන්න පක්ෂයේ කිසිම නායකයෙක් තීරණය කරලා නෑ’

පළාත් සභා ක්‍රමය අහෝසි කිරිමට හෝ පළාත් සභා මැතිවරණය කල් දැමීමට තම පක්ෂයේ කිසිම නායකයෙක් තීරණය කර නැතැයි උතුරු මැද හිටපු මහ ඇමැති පොදුජන පෙරමුණ මිහින්තලේ ප්‍රධාන ආසන සංවිධායක එස්.එම්.රංජිත් සමරකෝන් මහතා පැවසීය.

20 September 2020

20 ආවොත් පාර්ලිමේන්තුව තැපැල් කන්තෝරුවක් වනවා

‘දහ නව වැනි සංශෝධනය තුළින් ජනාධිපතිවරයාට රට පාලනය කිරීමේ කිසිදු බාධාවක් නැතැයි ද ඒ නමුත් 20 වැනි සංශෝධනය ගෙන ඒමෙන් පාර්ලිමේන්තුව තැපැල් කන්තෝරුවක් බවට පත්වීමක් යැයිද’ සාධාරණ සමාජයක් සඳහා වූ ජාතික ව්‍යාපාරයේ සභාපති හිටපු කතානායක කරු ජයසූරිය මහතා ඊයේ (17) පැවසීය.

18 September 2020

මන්ත්‍රීලා පඹයන් වෙන්න අකමැති නිසා විස්ස විසිවෙනවා

විසි වැනි සංශෝධනය යටතේ පාර්ලිමේන්තු මන්ත්‍රීවරුන් පඹයන් සේ ඉන්න කැමති නැති නිසා ඊට තුනෙන් දෙකක බලයක් ලැබීම සැක සහිත යැයි විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල මහතා ඊයේ (17) පැවසීය.

18 September 2020

ජේ.ආර්ගේ ස්වර්ණමය යුගය එජාපයට යළි ගේනවා

එක්සත් ජාතික පක්ෂයට නැවත ජේ. ආර්. ජයවර්ධන ස්වර්ණමය යුගය ගෙන එන බව එජාප නියෝජ්‍ය නායක රුවන් විජයවර්ධන මහතා ඊයේ (17) පැවැසීය.

18 September 2020

ප්‍රගතිශීලින්ගේ බලපෑමෙන් විස්සේ කෑලි හැලෙනවා

ප්‍රගතිශීලී ජනතාවගේ සෘජු මැදිහත්වීම නිසා අද ‘‘විස්සේ”‍ කෑලි ගැලවෙමින් තිබෙන්නේ යැයිද විසිවන සංශෝධනය හැදුවේ කවුදැයි රාජ්‍ය බුද්ධි අංශයටවත් සොයා ගන්නට නොහැකි තත්වයක් නිර්මාණයවී ඇතැයි ද සමගි ජන බලවේගය නායක සහ විපක්ෂ නායක සජිත් ප්‍රේමදාස මහතා කොළඹ දී පැවසීය.

17 September 2020

ගිය ඡන්දයෙන් එජාපය ලැබුවේ පරාජයක් නොව ප්‍රතිසංවිධානයට හොඳ අවස්ථාවක්

ආගමට, ජාතියට, සංස්කෘතියට හිතැති ප්‍රකට බෞද්ධ පවුල් දෙකක නියෝජනයක් වන රුවන් විජයවර්ධන මහතාට දේශීයත්වය ආගම පිළිබඳව අමුතුවෙන් කියා දිය යුතු නැතැයි කැලණිය රජමහා විහාරාධිපති මහාචාර්ය කොල්ලු‍පිටියේ මහින්ද සංඝරක්ඛිත නාහිමියෝ පැවැසූහ.

17 September 2020

19ටත් 20ටත් උඩින් යන වැඩපිළිවෙළක් ගේනවා

ප්‍රජාතන්ත්‍රවාදයට මරු පහරක්වූ විසිවැනි ආණ්ඩුක්‍රම ව්‍යවස්ථා සංශෝධනය වෙනුවට දහ නව වැනි ආණ්ඩු ක්‍රම ව්‍යවස්ථා සංශෝධනයෙන් ඔබ්බට ගිය වැඩපිළිවෙළ ක්‍රියාත්මක කිරීමට බලාපොරොත්තු වන බව විපක්ෂ නායක සජිත් ප්‍රේමදාස මහතා කොළොන්නාවේදී පැවැසීය.

16 September 2020

ජනතාවගේ බදු මුදල් සමග ක්‍රීඩාව පටන් අරන්

ජාතික ආරක්ෂාව සුරක්ෂිත කර ජනතාවාදී පාලනයක් ගෙන යන බවට පම්පෝරි ගසා බලයට පත් වූ වත්මන් ආණ්ඩුව ප්‍රජාතන්ත්‍රවාදයට නිදහසට පයින් ගසා ජනතාවගේ බදු මුදල් සමග ක්‍රීඩා කිරීම ආරම්භ කර ඇතැයි පාර්ලිමේන්තු මන්ත්‍රී ජේ. සී අලවතුවල මහතා කොළඹදී අද(15) පැවසීය.

15 September 2020

දේශපාලන වැඩවලට හවුල්නොවී රජයේ ඉදිරිගමනට සහායවන්න

රජයේ ඉදිරි ගමනට සහය වන්නැයි ජනාධිපති ගෝඨාභය රාජපක්‍ෂ මහතා වියත්මග සංවිධානයේ වියතුන්ගෙන් පෙරේදා (13) ඉල්ලීමක් කළේය.

15 September 2020

ප්‍රේමලාල් දිවුරුම් දීමෙන් අනාගතයේ බරපතළ ප්‍රශ්න ඇතිවේවි

ප්‍රේමලාල් ජයසේකරට පාර්ලිමේන්තු මන්ත්‍රීවරයකු ලෙස කටයුතු කිරීමට දුන් කතානායකවරයාගේ අනීතික තීරණය යළි සලකා බැලීමට අවශ්‍ය වන අතර එසේ නැතිව පූර්වගාමී නියෝග හා පාර්ලිමේන්තුවේ උසස් සම්ප්‍රද‌ාය ඉවතලා කටයුතු කිරීම අනාගතයේදී ත්‍රස්තවාදීන් පවා පාර්ලිමේන්තුවට පත්වීමේ මඟ සකස් කිරීමක් වනු ඇතැයි එක්සත් ජාතික පක්ෂ මහලේකම් අකිල විරාජ් කාරියවසම් මහතා නිවේදනයක් නිකුත් කරමින් සඳහන් කරයි.

14 September 2020

ජනපති විගණකාධිපති පත්කිරීම නඩුත් හාමුදුරුවන්ගේ බඩුත් හාමුදුරුවන්ගේ වාගෙයි

‘‘විසිවැනි සංශෝධනය යටතේ ස්වාධීන විගණන කොමිසම අහෝසි කර ජනපති විසින් විගණකාධිපති පත් කිරීම ‘‘නඩුත් හාමුදුරුවන්ගේ - බඩුත් හාමුදුරුවන්ගේ’’ යන සිංහල කියමන යළි සිහිපත් කරවන ජාතියේ එකක්’’යැයි සමගි ජන බලවේගයේ පාර්ලිමේන්තු මන්ත්‍රී ඉරාන් වික්‍රමරත්න මහතා මාධ්‍ය හමුවේ ඊයේ (13) පැවසීය.

14 September 2020

‘ප්‍රජාතන්ත්‍රවාදයට දොර වැසෙන 20 වැනි සංශෝධනය අකුළගන්න’

ප්‍රජාතන්ත්‍රවාදයට, නිදහසට, විගණනයට දොර වැසී ඇති 20 වැනි සංශෝධනය අකුලා ගැනීමට ආණ්ඩුව වහාම කටයුතු කළ යුතුව ඇතැයි පාර්ලිමේන්තු මන්ත්‍රී හර්ෂ ද සිල්වා මහතා කොළඹදී අද(11) පැවසීය.

11 September 2020

ජනතා විරෝධයක් තිබියදී ව්‍යවස්ථා සංශෝධනය ගේන්න හදිසි ඇයි?

නව ව්‍යවස්ථා සංශෝධනය සම්බන්ධයෙන් ජනතා විරෝධතාවයක් එල්ලවී ඇති අවස්ථාවක එය ගෙන ඒමට හදිස්සි වන්නේ ඇයිදැයි රජයෙන් විමසා සිටින බව සාධාරණ සමාජයක් සඳහා වූ ජාතික ව්‍යාපාරයේ සභාපති හිටපු කතානායක කරු ජයසූරිය මහතා කොළඹදී ඊයේ (10) පැවසීය.

11 September 2020

හිටපු ඇමැති වජිර එජාප නායකත්වයට පත්කරන්න

‘එජාප නායකත්වය සඳහා හිටපු අමාත්‍ය වජිර අබේවර්ධන මහතා පත්කළ යුතු බවට ගාල්ල මහ නගර සභාව නියෝජනය කරන එජාප නාගරික මන්ත්‍රීවරුන් 14 දෙනාම ඉල්ලා සිටින බව, ගාල්ල මහ නගර සභාවේ නියෝජ්‍ය නගරාධිපති පවුසල් නියාස් මහතා පැවැසීය.

11 September 2020

‘බලය වෙනුවෙන් දේශපාලන න්‍යායපත්‍ර ක්‍රියාත්මක කිරීම ආණ්ඩුවේ අරමුණයි’

බඩු මිල, ඉන්ධන මිල අඩුකර ජනතාවට සහන දෙනවා වෙනුවට තමන්ගේ බලය තහවුරු කිරීම වෙනුවෙන් දේශපාලන න්‍යාය පත්‍ර ක්‍රියාත්මක කිරීම ආණ්ඩුවේ අරමුණ බව සිවිල් සංවිධාන හා වෘත්තීය සමිති එකමුතුවේ කැඳවුම්කරු හිටපු පාර්ලිමේන්තු මන්ත්‍රී සමන් රත්නප්‍රිය මහතා පැවසීය.

09 September 2020

මගේ අරමුණ පක්ෂ ප්‍රතිසංවිධානය කඩිනමින් ඇරඹීමයි

“තම අරමුණ ජාතික ලැයිස්තු මන්ත්‍රී ධුරයෙන් පාර්ලිමේන්තුවට යෑම නොව හැකි ඉක්මනින් පක්ෂ ප්‍රතිසංවිධාන කටයුතු ඇරඹීම” යැයි එක්සත් ජාතික පක්ෂ නියෝජ්‍ය මහ ලේකම් රුවන් විජයවර්ධන මහතා මාධ්‍ය හමුවේ විශේෂ ප්‍රකාශයක් කරමින් පැවැසීය.

09 September 2020

20 වැනි සංශෝධනය ජනවරම පාවාදීමක් මෙන්ම ජනමතයට පයින් ගැසීමක්

රජය විසින් ඉදිරිපත් කර ඇති 20 වැනි ව්‍යවස්ථා සංශෝධන කෙටුම්පත ජනවරම පාවාදීමක් මෙන්ම ජනමතයට පයින් ගැසූ අවස්ථාවක් බව ජාතික ජනබලවේගයේ පාර්ලිමේන්තු මන්ත්‍රිනී ආචාර්ය හරිනි අමරසූරිය මහත්මිය පෙරේදා (7) පැවසුවාය.

09 September 2020

විස්සේ භයානකකම ජනතාව තවමත් දන්නේ නෑ

‘‘ශ්‍රී ලංකාවේ ප්‍රජාතන්ත්‍රවාදයට මැර ප්‍රහාරයක් එල්ල කරමින් වර්තමාන ආණ්ඩුව 20 වැනි ව්‍යවස්ථා සංශෝධනය ගෙන ඒමට කටයුතු කරනවා. රාජපක්ෂ පවුලේ පැවැත්මට මෙවැනි සංශෝධනයක් ගෙන ඒමට තුනෙන් දෙකක බලයක් ජනතාව දුන්නාද? ද්විත්ව පුරවැසිභාවය එලෙසම තබා ගැනීමට පාර්ලිමේන්තුවට පිවිසීම අරමුණු කර ගෙන බැසිල් රාජපක්ෂ මහතාගේ අත්‍යවශ්‍යතාව ඉටුකර ගැනීමට රටේ ව්‍යවස්ථාව අද ඉදිරියට ගෙනවිත් තිබෙනවා.

08 September 2020

ආණ්ඩුවට එරෙහිව ජනමතය පෙළගැස්මට කාලය ඇවිත්

‘‘ආණ්ඩුව ජනතා අභිලාෂ පසෙක දමා ජන වරම පෞද්ගලික අභිමතාර්ථ ඉටුකර ගැනීමට යොදවමින් සිටින හෙයින් එකට එක්ව ආණ්ඩුවට විරුද්ධව ජන මතය පෙළ ගසන්න කාලය එළැඹ ඇතැයි’’ සමගි ජන බලවේගය ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා ඊයේ 7 වැනිදා පැවසීය.

08 September 2020

20න් සිද්ධ වෙන්නේ අක්කා පෙන්වා නංගි අරන් දෑවැද්දත් කොල්ලකන වැඩක්

ඇමෙරිකානු පුරවැසිභාවය ඉවත්කර ගැනීමට වඩා ලංකාවේ ව්‍යවස්ථාව වෙනස් කිරීම පහසු බව 20 වන ආණ්ඩුක්‍රම ව්‍යවස්ථාව මගින් බැසිල් රාජපක්ෂ මහතා ඔප්පු කර ඇතැයි පාර්ලිමේන්තු මන්ත්‍රී එස්.එම්. මරික්කාර් මහතා කොළඹදී ඊයේ (06 වැනිදා) පැවසීය.

07 September 2020

එජාපයේ යළි නැගිටීම නියතයි

කඩාවැටීම් පරාජයන් මැද නැගී සිටිය යුතුම යැයි ද වැරැදුණු තැන අවබෝධ කරගනිමින් වඩාත් ශක්තිමත් වෙමින් ඉක්මනින් නැගී සිටිය යුතු යැයි ද එක්සත් ජාතික පක්ෂ නියෝජ්‍ය මහලේකම් රුවන් විජයවර්ධන මහතා පක්ෂයේ 74 වැනි සංවත්සරය වෙනුවෙන් නිවේදනයක් නිකුත් කරමින් සඳහන් කරයි.

07 September 2020

ශ්‍රී ලනිපය මෙරට ගමන්මග වෙනස් කළ පක්ෂයක්

ශ්‍රී ලංකා නිදහස් පක්ෂය මෙරට දේශපාලන, ආර්ථික හා සංස්කෘතික ගමන් මග සම්පූර්ණයෙන් වෙනස් කළ පක්‍ෂයක් යැයි බෙල්ලන්විල රාජමහා විහාරාධිපති ආචාර්ය බෙල්ලන්විල ධම්මරතන නාහිමියෝ පෙරේදා (2) පැවසූහ.

04 September 2020