2000 ජූලි 17, පට්නා ගුවන් අනතුර: ඇලියන්ස් එයාර් ගුවන් සේවයේ අංක 7412 දරණ බෝයිං 737 ගුවන් යානය පට්නා නුවරට ගොඩබාන විට කඩා වැටී 60 කට වැඩි පිරිසක් මිය ගියහ. ගුවන් නියමුවාගේ දෝෂයක් නිසා යානය පාලනයෙන් ගිලිහී මෙම අනතුර සිදුවිය.

1996 නොවැම්බර් 12, චාර්කි දාද්‍රි ගුවනේදී සිදුවූ ගැටුම: සෞදි අරාබියන් ගුවන් සේවයේ බෝයිං 747 යානයක් සහ කසක්ස්තාන් ගුවන් සේවයේ ඉලියුෂින් Il-76 යානයක් දිල්ලි අසලදී එකිනෙක හැපීමෙන් යානා දෙකේ සිටි 349 දෙනාම මිය ගියහ. ගුවන් නියමුවන්ගේ දෝෂයක් සහ ගුවන් ගමන් පාලනය මධ්‍යස්ථානයේ සිදුවුණු සන්නිවේදන දෝෂයක් නිසා යානා දෙක එකිනෙක හැපීම සිදුවිය.

1993 අප්‍රේල් 26, ඖරන්ගාබාද් ගුවන් අනතුර: ඉන්දීය ගුවන් සේවයේ 491 දරණ බෝයිං 737 ගුවන් යානය ඖරන්ගාබාද් සිට ගුවන් ගත වූ පසු ට්‍රක් රථයක සහ විදුලි රැහැන් වල වැදී කඩා වැටීමෙන් 55 දෙනෙක් ජීවිතක්ෂයට පත්වූහ.

1991 අගෝස්තු 16, ඉම්ෆාල් ගුවන් අනතුර: ඉන්දීය ගුවන් සේවයේ 257 දරණ ගුවන් යානය ඉම්ෆාල් අසලදී කඩා වැටී එහි සිටි 69 දෙනාම මිය ගියහ.

1990 පෙබරවාරි 14, බැංගලෝර් ගුවන් අනතුර: ඉන්දියානු ගුවන් සේවයේ 605 දරණ එයාර්බස් 'ඒ320' ගුවන් යානය බැංගලෝර් වෙත ළඟා වෙද්දී, කඩා වැටී අනූ දෙදෙනෙක් ජීවිතක්ෂයට පත්වූහ.

1988 ඔක්තෝබර් 19, අහමදාබාද් ගුවන් අනතුර: ඉන්දීය එයාර්ලයින්ස් ගුවන් සේවයේ අංක 113 දරණ ගුවන් යානය අහමදාබාද් හිදී කඩා වැටී 133 දෙනෙක් මියගියහ.

1982 ජූනි 21, බොම්බේ ගුවන් අනතුර: එයාර් ඉන්දියා ගුවන් සේවයේ අංක 403 ගුවන් යානය මුම්බායි ගුවන් තොටුපළේදී කඩා වැටී 17 දෙනෙක් ජීවිතක්ෂයයට පත්වූහ.