විශ්ව විද්යාලයට ඇතුළත් වීමේ ඒකායන අරමුණින් 15 වැනි වතාවටත් විශ්වවිද්යාල තරග විභාගයට ඉදිරිපත්වූ 86 වියැති පුද්ගලයෙකු ගැන චීනයෙන් වාර්තා වේ.
වැන්ග් ෂියා නම් වන මෙම පුද්ගලයා චීනයේ විශ්වවිද්යාල සදහා සිසුන් ඇතුළත් කරගැනීමට පැවැත්වෙන ගාවෝකෝ විභාගයට පෙනීසිට ඇත්තේ 1949 වසරේදීය.එතැන් පටන් 14 වතාවක්ම ඔහු නොයෙක් වර විභාගයට පෙනී සිට ඇත.නමුත් ඒ කිසිම අවස්ථාවකදී විභාගයෙන් සමත්වීමට ඔහුට හැකියාවක් ලැබී නොමැත.
මෙවර 15 වැනි වතාවටත් විභාගයට පෙනී සිටි ඔහු මාධ්ය වෙත අදහස් දක්වමින් සදහන් කර ඇත්තේ මෙවර තමන් අනෙක් සියලූ අවස්ථාවලට වඩා සූදානම්ව විභාගයට මුහුණදුන් බවයි.
වැන්ග් ෂියා වෙදකමෙහි දක්ෂයෙකු වන බව පැවසේ. නමුත් ඔහුට වෛද්ය උපාධියක් නොමැත.මෙනිසා ඔහු උත්සාහ කරන්නේ කෙසේ හෝ වෛද්ය උපාධියක් ලබාගැනීමටය.
ඔහුගේ උත්සාහයට ගෞරව කරනු වස් 2007 වසරේදී චීනයේ නැන්ජින්ග් වෛද්ය විද්යාලය ඔහුට ගෞරව උපාධියක් පිරිනමා ඇතත් එයින් සෑහීමකට පත්වීමට ඔහුගේ කැමැත්තක් නැත. වෙසෙවී තමන්ම උපාධිය ලබාගත යුතුයැයි ඔහු දැඩිව අදිටන් කරගෙන සිටී.
ගාවෝකෝ විභාගය චීනයේ අති දුෂ්කරම විභාග අතුරින් එකක් ලෙස සැළකෙන අතර ලක්ෂ 90 ක සිසුන් පිරිසක් විශ්ව විද්යාල වරම් දිනාගැනීමේ අරමුණින් ඊට ඉදිරිපත් වෙති. චීනයේ අධ්යාපන පහසුකම් ඇත්තේ ලක්ෂ 69 ක සිසුන් පිරිසකට පමණක් වන හෙයින් විශ්වවිද්යාල වරම් දිනාගැනීමට සිසුන් අතර පවතින්නේ දැඩි තරගයකි.
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
86 දි සරසවි වරම්
ජනක Wednesday, 10 June 2015 10:28 AM
එකට ලංකාවේ ඔක්කොම මැති ඇමතිවරුන්ට ගෞරව උපාධි තියනවා.(ම)
නිමල් හෙට්ටිආරච්චි - ලන්ඩන් Tuesday, 09 June 2015 10:56 AM
ඉගෙනීමට වයස් සීමාවක් නැත. අප සැමදාම ඉගෙන ගනිමින් උගන්වමින් සිටිමු...(ම)
චමින්ද Thursday, 11 June 2015 03:14 AM
හොඳට ඉගෙනගෙන ලොකු රස්සාවක් කරන්න ලොක්කෙක් වෙන්න වාසනාව ලැබේවායි මම එක සිතින් ප්රාර්ථනා කරනවා (නි)
ඉසුරන්දි Tuesday, 09 June 2015 06:42 AM
උත්සාහවන්තයා ජයගනී කවදා හෝ දවසක. (නි)
ගයාන් Tuesday, 09 June 2015 07:33 AM
ඉසුරන්දි, කතාව ඇත්ත (නි)