සයුරෙන් එතෙර

ලාහෝරයට කෘත්‍රිම වැසි

පාකිස්තානයේ ලාහෝර් නුවරට කෘත්‍රිම වැසි ඇද හැලීමට සැලැස්වීමට නගර බලධාරීන් සහ කාලගුණ විද්‍යාඥයන් කටයුතු කර තිබේ. පාකිස්තාන කාලගුණ විද්‍යාඥයන්, එරට කෘත්‍රිම වැසි නිර්මාණය කළ පළමු අවස්ථාව මෙය යැයි මාධ්‍ය වාර්තා කර තිබේ.

චීන භූමි කම්පාවෙන් 100 ක් මරුට

වයඹදිග චීනය ප්‍රබල භූමි කම්පාවකින් කැලැඹිණි. මියගිය ගණන 100 ඉක්මවා ඇතැයි එරට මාධ්‍ය පවසයි.

වැස්සට කිඹුල්ලු ඇවිල්ලා

මහ වැසි හේතුවෙන්, ඔස්ට්‍රේලියාවේ ක්වීන්ස්ලන්ත ප්‍රාන්තයේ දරුණු ගංවතුර තත්ත්වයක් වාර්තා වෙයි. ක්වීන්ස්ලන්ත ප්‍රාන්තය මුහුණ දෙන දරුණුතම ජල ගැලීම් තත්ත්වය මෙය යැයි පැවැසෙයි.

නත්තල් සාදයක වෙඩි තැබීමක්

මෙක්සිකෝවේ නත්තල් සාදයක් අතරතුරේ සිදුවුණු වෙඩි තැබීමකින් 12 දෙනෙක් ජීවිතක්ෂයට පත්වූහ. තවත් 12 දෙනකු තුවාල ලබා රෝහල්ගත කළ බව ද පැවැසෙයි.

ආසියාවේ ජනප්‍රිය පුද්ගලයන් අතරේ පළමු තැන ෂාරුක්ට

2023 වසරේ, ආසියාවේ ජනප්‍රියතම පුද්ගලයන්ගේ ලැයිස්තුවේ, අංක එක ස්ථානයේ සිටින්නේ බොලිවුඞ් සුපිරි නළු ෂාරුක් ඛාන් බව විදෙස් මාධ්‍ය වාර්තා කර තිබේ.

තමිල්නාඩුවට මහ වැසි: චෙන්නායි ජලයෙන් යටවෙයි

තමිල්නාඩුට මහ වැසි ඇද හැලෙයි. චෙන්නායි අගනුවර ද මේ වනවිට ජලයෙන් යටවී ඇති අතර ගමනාගමන කටයුතුවලට බාධා එල්ල වී තිබේ.

ආජන්ටිනාවට සුළි කුණාටුවක් කඩා වදී

පැයට කිලෝ මීටර් 150 ක වේගයකින් ප්‍රචණ්ඩ සුළි කුණාටුවක් ආජන්ටිනාවට කඩා වැදුණි. සුළි කුණාටුවෙන් හානි සිදුවූයේ බහියා බ්ලන්කා වරාය නගරයටය.

ගාසා සරණාගත කඳවුරකට ප්‍රහාරයක්

ගාසා තීරයේ, ජබාලියා නගරයේ පිහිටි සරණාගත කඳවුරට ඊශ්‍රායල හමුදාව එල්ල කළ ප්‍රහාරයකින් සරණාගත කඳවුරේ සිටි 90 දෙනෙක් ජීවිතක්ෂයට පත්වූහ. එම පිරිස අතර කුඩා දරුවන් සහ කාන්තාවන් ද සිටින බව පැවැසෙයි. ඊශ්‍රායල ප්‍රහාරයෙන් තුවාල ලැබූ ගණන 100 කි.

අභ්‍යවකාශයේ අතුරුදන් තක්කාලි ගෙඩි හමුවෙලා

ජාත්‍යන්තර අභ්‍යවකාශ නැවැතුම්පොළේ අතුරුදන් තක්කාලි ගෙඩි දෙකක් වසරකට පසු යළි හමුවුණු බව ඇමෙරිකාවේ නාසා ආයතනය පවසයි.

ඉන්දියාවේ කොරෝනා ප්‍රභේදය බිහිසුණුයි

ඉන්දියාවේ කේරළ ප්‍රාන්තයෙන් ආරම්භ වුණු නව කොරෝනා වයිරසය සම්බන්ධයෙන් ලෝක සෞඛ්‍ය සංවිධානය විමසිල්ලෙන් පසුවෙයි.

මෝදිගේ රිය පෙරහැර ගිලන් රථයකට ඉඩ දීලා

ඉන්දීය අග්‍රාමාත්‍ය නරේන්ද්‍ර මෝදි, උත්තර ප්‍රදේශ් ප්‍රාන්තයේ වරණාසි නුවර සංචාරයක නියැලුණි. ඒ, නගර වැසියන් හමු වී ඔවුන්ගේ සුව දුක් විමසමින්, නගරයේ සංවර්ධන ව්‍යාපෘති රැසක් ද ආරම්භ කරමිණි.

වෙඩි තැබුවේ සුදු කොඩි අරන් එද්දී

ඊශ්‍රායල හමුදා කළ වෙඩි තැබීමකින් හමාස් අත්අඩංගුවේ සිටි ඊශ්‍රායල ප්‍රාණ ඇපකරුවන් තිදෙනා මියයෑමේ සිද්ධිය මුල්කොට ගනිමින් ඊශ්‍රායල අග්‍රාමාත්‍ය බෙන්ජමින් නෙදන්යායු ප්‍රමුඛ රජයටත්, ඊශ්‍රායල හමුදාවටත් දොස් අහන්න සිදුවී ඇත.

ඊශ්‍රායලයට එරෙහිව නඩු කියනවා - අල් ජසීරා

ඊශ්‍රායල හමුදා ඩ්‍රෝන ප්‍රහාරයකින් සිය මාධ්‍ය ආයතනයේ කැමරා ශිල්පියෙකු ඝාතනය වීම සම්බන්ධයෙන් ජාත්‍යන්තර අපරාධ අධිකරණයේ නඩුවක් ගොනු කිරීමට අල්ජසීරා මාධ්‍ය ආයතනය තීරණය කර ඇත.

මෝදි ලොකුම කාර්යාල ගොඩනැගිල්ල විවෘත කරයි

ලොව විශාලතම කාර්යාලය සංකීර්ණය ඉන්දීය අග්‍රාමාත්‍ය නරේන්ද්‍ර මෝදි අතින් විවෘත විය. ‘සූරත් දියමන්ති හුවමාරුව’ යන නමින් නම් කළ මෙම ගොඩනැගිල්ල ඇමෙරිකාවේ වොෂින්ටන් අගනුවර පිහිටි එරට යුද දෙපාර්තමේන්තුව හෙවත් පෙන්ටනය අභිබවා යයි.

කුවේට් රාජ්‍යයේ දින 40 ක ශෝක කාලයක්

කුවේට් නායක එමීර් ෂෙයික් නවාෆ් අල් අහ්මද් අල් ජබාර් අභාවප්‍රාප්ත විය. ඔහු 86 හැවිරිදි වියෙහි පසුවිය.

ඊශ්‍රායල හමුදා ප්‍රහාරයකින් ප්‍රාණඇපකරුවන් මැරිලා

නව කොරෝනා ප්‍රභේදයක් ඉන්දියාවේ

ඉන්දියාවේ නව කොරෝනා වයිරස ප්‍රභේදයක් පැතිර යමින් පවතින බව එරට සෞඛ්‍ය බලධාරීහු පවසති.

අංක එකේ ධනවතා ඉලොන් මස්ක්

ලොව ඉහළම ධනවතුන්ගේ ලැයිස්තුවේ තව දුරටත් ප්‍රමුඛස්ථානයට පත්වීමට ඇමෙරිකන් බිලියනපති ඉලොන් මස්ක් සමත් වී සිටී.

ප්‍රබල කැබිනට් ඇමැතිවරු සිවුදෙනෙක් ඉල්ලා අස්වෙති

ජපානයේ කැබිනට් අමාත්‍යවරුන් සිවු දෙනකු ඔවුන්ගේ ධුරවලින් ඉල්ලා අස්වී ඇතැයි විදෙස් මාධ්‍ය පවසයි.

යුක්රේනයට එරෙහි සටන දැන්ම නවත්වන්නේ නෑ

රුසියාව, යුක්රේනයට එරෙහිව හමුදාමය ක්‍රියාමාර්ගයක් අනුගමනය කරන්නේ, ඉලක්ක රැසක් සම්පූර්ණ කර ගැනීමේ අරමුණින් බවත්, යුක්රේන රුසියන් යුද්ධය අවසන් වී, සාමය පවතිනු ඇත්තේඑම ඉලක්ක සම්පූර්ණ වීමෙන් පසුව බවත් රුසියන් ජනාධිපති ව්ලැදිමීර් පුටින් පවසයි.

යුක්රේනයත් යුරෝපා සංගමයට එක්වන ලකුණු

යුක්රේනයේ ඉල්ලීම සැලකිල්ලට ගනිමින්, යුක්රේනය යුරෝපා සංගමයේ සාමාජිකයකු කර ගැනීමට යුරෝපා සංගමයේ සාමාජික රටටවල් කැමැත්ත පළ කර තිබේ. ඒ අනුව, ඊට අදාල සාකච්ඡා ඉදිරියේ දී ආරම්භ වනු ඇත.

ෆොසිල ඉන්ධන දහනයෙන් ඉවත් වෙන්න තීරණයක්

ඩුබායි පැවැති ගෝලීය කාලගුණ විපර්යාස සම්බන්ධ COP28 සමුළුව නිමාවට පත්විය. ඒ ෆොසිල ඉන්ධන දහනයෙන් ඉවත්වීම සම්බන්ධයෙන් රටවල් 200කට වැඩි සංඛ්‍යාවක් පොදු එකඟතාවක් පළ කර ගැනීමත් සමගය.

වෙනිසියුලාවේ අනතුරක්: 16 ක් මරුට

වෙනිසියුලාවේ අධිවේගී මාර්ගයක භාණ්ඩ ප්‍රවාහන ට්‍රක් රියක් සහ තවත් මෝටර් රථ කීපයක් එකිනෙක ගැටීමෙන් අනතුරක් සිදුවිය. අනතුරින් මියගිය ගණන 16 කි.

තායිලන්ත මන්ත්‍රීවරියකට සිර දඬුවම්

තායිලන්තයේ පාර්ලිමේන්තු මන්ත්‍රිනියක වන රුක්චනොක් ශ්‍රිනෝක් ට වසර 6ක සිර දඬුවම් නියම විය. ඒ, සමාජ මාධ්‍ය ජාල ඔස්සේ තායිලන්තයේ රාජකීය පෙළපතට අපහාස කිරිමේ චෝදනාවට වරදකරුවීමෙනි.

කූඩුවේ සිටි සිංහයා පහර දීලා

පාකිස්තානයේ පන්ජාබ් ප්‍රාන්තයේ, සත්වෝද්‍යානයක කූඩු කළ සිංහයකු කළ පහරදීමකින් 20 හැවිරිදි තරුණයකු තුවාල ලැබුවේය. එම තරුණයා සිංහ කූඩුවේ සිංහයා අසලට ගොස, සිංහයා පිටුපසින් සිටින ලෙස, සෙල්ෆි ඡායාරූපයක් ගැනීමට උත්සාහ කර තිබේ. සිංහයා පහර දී ඇත්තේ එම අවස්ථාවේදීය.

හමාස් පාලනයක් නැති ගාසා තීරයක් පවතින්න බෑ

තම පාලනයෙන් තොර ගාසා තීරයක් ගැන සිතීමෙන් පලක් නැතැයි හමාස් ප්‍රධානී ඉස්මායිල් හානියේ පවසයි. හමාස් ප්‍රධානියා මෙසේ පැවැසුවේ, ගාසා තීරයේ පැවැතිය යුත්තේ තමන්ට හිතවාදී පාලනයක් යැයි ඊශ්‍රායල අග්‍රාමාත්‍ය බෙන්ජමින් නෙදන්යාහු කළ ප්‍රකාශයකට පිළිතුරු දෙමිනි.

ජාත්‍යන්තර සහාය තිබුණත් නැතත් හමාස් සටන්කාමීන් විනාශ කරනවා

ජාත්‍යන්තර සහාය තමන්ට තිබුණත් නැතත්, ගාසා තීරයට දිගටම පහරදී, හමාස් සංවිධානය මුලිනුපුටා දමන බව ඊශ්‍රායල අග්‍රාමාත්‍ය බෙන්ජමින් නෙදන්යාහු පවසයි.

සිර දඬුවම් විඳින රුසියන් විපක්ෂ නායකයා අතුරුදන්

සිර දඬුවම් විඳිමින් සිටින රුසියන් විපක්ෂ නායක ඇලෙක්සි නෙවල්නි, ඔහු රඳවා ඇති බන්ධනාගාරයෙන් අතුරුදන් වී ඇති බවත්, බන්ධනාගාර බලධාරීන් ඒ සම්බන්ධයෙන් නිහඬව සිටින බවත්, නෙවල්නිගේ නීතීඥවරු චෝදනා නගති.