එසැණ පුවත්

‘සිංහල බෞද්ධ අයිතිවාසිකම් ආරක්ෂා කරනවානම් මාත් එනවා‘

සිංහල බෞද්ධ ජනතාවගේ අයිතිවාසිකම් ආරක්ෂා කළ යුතු බවත් ඒ සම්බන්ධ වගන්තියක් 20වැනි සංශෝධනයට දානවානම් තමන්ද අත ඔසවන බවත් සමගි ජන බලවේගයේ පාර්ලිමේන්තු මන්ත්‍රී සරත් ෆොන්සේකා මහතා අද(22) පාර්ලිමේන්තුවේදී විසිවැනි සංශෝධන විවාදයට එක්වෙමින් කියා සිටියේය.

22 October 2020

එන්නතක් විස වී දකුණු කොරියාවේ 13 ක් මරුට

දකුණු කොරියාවේ සෘතුමය ඉන්ෆ්ලුවෙන්සා රෝගයට එන්නත් කිරීමෙන් පසු 13 දෙනකු මියගොස් ඇතැයි වාර්තා වේ. මේ සම්බන්දව පරීක්ෂණ ආරම්භ කර ඇති අතර වෛද්‍යවරුන් පවසා ඇත්තේ මරණ හා එන්නත අතර සම්බන්දයක් ඇති බවට ඔවුන් විශ්වාස නොකරන බවයි.

22 October 2020

විදේශ අමාත්‍යාංශ කොන්සියුලර් අංශයේ සියලුම සේවා අත්හිටුවයි

කොවිඩ්-19 වයිරසය පැතිරීම වැළැක්වීම පාලනය කිරීමේ ක්‍රියාමාර්ගයක් ලෙස නැවත දැනුම් දෙන තෙක් අමාත්‍යාංශයේ කොන්සියුලර් කටයුතු අංශය විසින් සපයනු ලබන සියලුම සේවාවන් තාවකාලිකව අත්හිටුවා මහජනතාවගේ එක්රැස් වීම සීමා කිරීමට විදේශ අමාත්‍යාංශය අද (22) තීරණය ක⁣ළේය.

22 October 2020

හයිඩ්‍රාමනී ඇඟලුම් කම්හළ 23 වැනිදා තෙක් වසා දමයි

කහතුඩුව හයිඩ්‍රාමනී ඇඟලුම් කර්මාන්ත ශාලාවෙන් කොරෝනා ආසාදිතයින් දෙදෙනෙකු වාර්තා වීම නිසා එම කර්මාන්ත ශාලාව එළඹෙන (23) දා දක්වා වසා දැමීමට ,පියවර ගත් බව කහතුඩුව සෞඛ්‍ය වෛද්‍ය නිලධාරි කාර්යාලය පවසයි .

22 October 2020

රත්නපුර මාළු වෙළඳසැල් 3ක් වසාදමයි

පෑලියගොඩ තොග මාළු වෙළඳසැල්වලින් මාළු මිලදීගනු ලබන රත්නපුර ව්‍යාපාරිකයෙකුට සුළු උණ රෝගී තත්වයක් ඇතිවීම හේතුවෙන් රෝහල්ගත වූ පසු, රත්නපුර නගරයේ ඔහුගේ මාළු වෙළඳසැල සහ සුළු පරිමාණ මාළු වෙළඳසැල් 2ක් සෞඛ්‍ය බලධාරීන්ගේ උපදෙස් මත වසාදැමූ බව රත්නපුර මහ නගර සභාව පවසයි.

22 October 2020

ප්‍රේමලාල් ජයසේකරත් පාර්ලිමේන්තුවට එයි

මරණ දණ්ඩනය ලැබ ඊට අභියාචනයක් ඉදිරිපත් කිරීමෙන් පසු රිමාන්ඩ් භාරයේ සිටින රත්නපුර දිස්ත්‍රික් පොදුජන පෙරමුණු මන්ත්‍රී ප්‍රේමලාල් ජයසේකර මහතාත් ද අද( 22) බන්ධනාගාර රියකින් පාර්ලිමේන්තුවට රැගෙන ආවේය.

22 October 2020

රිෂාඩ් පාර්ලිමේන්තුවට කැඳවාගෙන එයි

රිමාන්ඩ් බන්ධනාගාරගත කොට සිටින පාර්ලිමේන්තු මන්ත්‍රී රිෂාඩ් බදියුදීන් මහතා මීට සුළු මොහොතකට පෙර බන්ධනාගාර නිලධාරීන් විසින් පාර්ලිමේන්තුවට කැඳවාගෙන එනු ලැබීය.

22 October 2020

මළ ගෙදරකට යාමක් ගැන පාර්ලිමේන්තුව බියෙන්

​සම්පත් අතුකෝරළ මන්ත්‍රීවරයා බලපිටිය ප්‍රදේශයේ මළ ගෙදරකට පසුගියදා සහභාගීවූ බවත්, සම්පත් අතුකෝරළ මන්ත්‍රීවරයා හැර ඒ මළ ගෙදර ගිය සියලු දෙනා මේ වනවිට නිරෝධායනයට යොමු කර ඇති බවත් පාර්ලිමේන්තු මන්ත්‍රී මනූෂ නානායක්කාර මහතා අද (22) පාර් ලිමේන්තුවේ දී කියා සිටියේය.

22 October 2020

රිෂාඩ් පාර්ලිමේන්තු රැස්වීමට ගෙන්වා ගන්න අවසර

අත්අඩංගුවට ගත් පාර්ලිමේන්තු මන්ත්‍රී රිෂාඩ් බදියුදීන් මහතාට අද (22) සහ හෙට (23) පැවැත්වෙන පාර්ලිමේන්තු රැස්වීමට සහභාගී වීමට අවසර ලබාදී තිබේ.

22 October 2020

නරියා ගෙට පැන තරුණයකු හපා කයි

මීවනපලාන කටුහේන ප්‍රදේශයේ දී නිවසක් තුළට පැමිණි නරියකු විසින් ගම්වැසි තරුණයකු සපා කා ඇති අතර, තුවාල ලැබූ තරුණයා හොරණ රෝහලට ඇතුළත්ව ප්‍රතිකාර ලැබූ බව ප්‍රදේශවාසීහු පවසති. තුවාල ලබාඇත්තේ මීවනපලාන කටුහේනේ පදිංචි හසිත හේෂාන් 16 හැවිරිදි තරුණයෙකි.

22 October 2020

කොළඹ ප්‍රදේශ 5කට ඇඳිරි නීතිය

මට්ටක්කුලිය, මෝදර, බ්ලූමැන්ඩල්, ග්‍රෑන්ඩ්පාස් සහ වැල්ලම්පිටිය යන පොලිස් බලප්‍රදේශ සඳහා වහාම ක්‍රියාත්මක වන පරිදි නැවත දැනුම්දෙන තුරු නිරෝධායන ඇඳිරි නීතිය පනවා ඇතැයි කොරෝනා පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

22 October 2020

මාදම්පේ මාළු කඩේ හෙට වසාදමයි

කහවත්ත, මාදම්පේ මාළු වෙළෙද මධ්‍යයස්ථානය හෙට දින (22) වසා දැමීමට තීරණය කළ බව ගොඩකවෙල ප්‍රාදේශීය සභාවේ සභාපති ප්‍රියන්ත බණ්ඩාර මහතා පැවසීය.

21 October 2020

මිනුවන්ගොඩ පොකුරට තවත් ආසාදිතයන් 57 ක්

මිනුවන්ගොඩ කොරෝනා පොකුරට අද (21) රාත්‍රී 9.55 වන විට තවත් ආසාදිතයන් 57 දෙනෙකු එක් වී තිබේ.

21 October 2020

කළුතර ගම්මාන හයක් හුදකලා කරයි

කොරෝනා වසංගත ව්‍යාප්තිය හේතුවෙන් කළුතර දිස්ත්‍රික්කයේ ගම්මාන හයක් වහාම ක්‍රියාත්මක වන පරිදි නැවත දැනුම් දෙන තුරු හුදකලා ගම්මාන ලෙස නම් කර ඇති බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.

21 October 2020

චීනයේ ‘කොවිඩ්-19’ එන්නත රටවල් 10ක 60,000කට

‘කොවිඩ්-19’ හෙවත් නව කොරෝනා වයිරසය මර්දනය කිරීම සඳහා සොයාගන්නා ලද එන්නත් මේ වනවිට රටවල් 10ක පුද්ගලයන් 60,000කට ආසන්න පිරිසකට ලබා දී ඇතැයි චීන බලධාරීහු අද (21) ප්‍රකාශ කළහ.

21 October 2020

පිටකොටුව මැනිං වෙළෙඳ සංකීර්ණය දින පහකට වහයි

පිටකොටුව මැනිං වෙළෙඳ සංකීර්ණය හෙට (22) පෙරවරු 9.00 සිට සඳුදා (26) උදෑසන 5.00 දක්වා වසා තබන බව සමස්ත ලංකා ආර්ථික මධ්‍යස්ථාන හා මැනිං මාකට් පොදු වෙළෙඳ සංගමයේ ජාතික සංවිධායක එච්.එම්. උපසේන මහතා ලංකාදීපයට පැවැසීය.

21 October 2020

කොරෝනා ප්‍රතිකාර ඇඳන් තව 154 ක් පමණයි

‘කොවිඩ්-19’ වයිරස ආසාදිත රෝගීන් සඳහා වෙන් කරන ලද ඇඳන් 2,587න් 2,433ක් මේ වනවිට පිරී ඇතැයි සෞඛ්‍ය සේවා නියෝජ්‍ය අධ්‍යක්ෂ ජනරාල් වෛද්‍ය හේමන්ත හේරත් මහතා අද (21) පැවැසීය.

21 October 2020

අද දිනට කොරෝනා ආසාදිතයින් 109 ක්

මිනුවන්ගොඩ කොවිඩ් පොකුරෙන් අද (21) දිනයේ තවත් ආසාදිතයින් 109 දෙනෙකු හඳුනාගෙන තිබේ.

21 October 2020

කොවිඩ්-19 වසංගතය ගැන විවාදය 23 දා

කොවිඩ්-19 වසංගත තත්ත්වය පිළිබඳ පාර්ලිමේන්තු විවාදයක් එළඹෙන සිකුරාදා (23) පැවැත්වීමට පාර්ලිමේන්තු කටයුතු පිළිබඳ කාරක සභාව අද(21) තීරණය කර ඇත. ඒ අද සවස එම සභාව රැස්වීමෙන් පසු ගන්නා ලද තීරණයකට අනුවය.

21 October 2020

විස්ස සංශෝධනයට මාර්තු 12 රහස් ඡන්දයක් ඉල්ලයි

විසිවැනි සංශෝධනය පිළිබඳ ඡන්දය විමසීමේ දී රහස් ඡන්දයක් විමසන ලෙසත්, එහි දී මාතෘකාවෙන් මාතෘකාවට වෙන වෙනම ඡන්ද විමසන ලෙසත් මාර්තු 12 ව්‍යාපාරය කථානායකවරයා ගෙන් ඉල්ලා සිටියි.

21 October 2020

ඥානසාර හිමිට එරෙහි නඩුවේ අධිචෝදනාපත්‍රය බාරදෙයි

කූරගල රජමහා විහාරයේ කළ ප්‍රකාශයකින් මුස්ලිම් ප්‍රජාවගේ ආගමික විශ්වාසවලට නින්දා කළ බවට බොදුබල සේනා සංවිධාධනයේ ලේකම් ගලගොඩඅත්තේ ඥානසාර හිමියන්ට එරෙහි නඩුවේ අධිචෝදනා පත්‍රය කොළඹ මහාධිකරණ විනිසුරු ආදිත්‍ය පටබැඳි මහතා උන්වහන්සේට අද (21) බාර දුන්නේය.

21 October 2020

පාසල් සිසුවෙකුගෙන් ස්වයංක්‍රීය උෂ්ණත්ව මාපක පද්ධතියක්

කොරෝනා වයිරසයේ බලපෑම හේතුවෙන් දිවයිනෙහි මතුව ඇති සෞඛ්‍ය උපකරණවල අවශ්‍යතාව සඳහා, පුද්ගලයෙකුගේ ආධාරයෙන් උෂ්ණත්වය මැනීම වෙනුවට භාවිත කළ හැකි ස්වයංක්‍රීය උෂ්ණත්ව මාපක පද්ධතියක් නිර්මාණය කිරීමට පාසැල් සිසුවෙක් සමත්ව සිටී.

21 October 2020

දුරගමන් සේවා දුම්රිය ගමන් වාර කිහිපයක් අවලංගු කෙරේ

කොරෝනා වසංගතයේ ව්‍යාප්තිය හේතුවෙන් දුර ගමන් සේවා දුම්රිය ගමන් වාර කිහිපයක් නැවත දැනුම් දෙනතුරු අවලංගු කිරීමට තීරණය කර ඇතැයි දුම්රිය සාමාන්‍යාධිකාරී ඩිලන්ත ප්‍රනාන්දු මහතා ලංකාදීපයට පැවසීය.

21 October 2020

රන්ජන් අධිකරණයට අපහාස කළැයි කී නඩුව නොවැම්බර් 6 වැනිදාට කල්යයි

අධිකරණ විනිසුරුවරුන් සහ නීතීඥවරුන් සම්බන්ධ ප්‍රකාශයක් කිරීමෙන් අධිකරණයට අපහාස කළේ යැයි හිටපු අමාත්‍ය හා පාර්ලිමේන්තු මන්ත්‍රී රංජන් රාමනායක මහතාට එරෙහිව ඇති පළමු අධිකරණ අපහාස නඩු විභාගය නොවැම්බර් 6 වැනිදා යළි කැඳවන ලෙස ශ්‍රේෂ්ඨාධිකරණය අද (21) නියම කළේය.

21 October 2020

ගම්පහට ඇදීරිනීතිය

ගම්පහ දිස්ත්‍රික්කයට අද (21) රාත්‍රී 10 සිට සඳුදා (26) උදෑසන 5 දක්වා නිරෝධායන ඇඳිරිනීතිය පනවා ඇති බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කරයි.

21 October 2020

කොට්ටාව මාලු වෙළඳසැලේ සිව්දෙනෙකුට කොරෝනා

වැල්ලවත්ත පෞද්ගලික බැංකුවේ කොරෝනා ආසාදිතයා ගමන් කළ බව කියන කොට්ටාව මාලු වෙළඳසැලේ සේවකයින් සිව් දෙනෙකුට කොරෝනා ආසාදනය වී ඇති බවට අද (21) වාර්තා වූ බව කොට්ටාව මහජන සෞඛ්‍ය පරීක්ෂක පී.තිලකසිරි මහතා පවසයි .

21 October 2020

කුරුණෑගල තැලසීමියා ඒකකය වසාදමයි

කුරුණෑගල ශික්ෂණ රෝහලට අයත් තැලසීමියා රෝග ප්‍රතිකාර ඒකකයේ සේවය කරන උපස්ථායිකාවකට කොරෝනා වයිරසය ආසාදනය වී ඇති බව අනාවරණය වීම හේතුවෙන් එම ඒකකය අද (21) තාවකාලිකව වසා දැමීමට රෝහල් බලධාරීන් පියවර ගෙන ඇත.

21 October 2020

රුසියාව නිපදවූ එන්නත අත්හදා බැලීම ලබන මාසයේදී

කොරෝනා වයිරසයට එරෙහිව තම රටේ නිෂ්පාදනය කළ එන්නත ආසාදිතයින්ට ලබාදීම ලබන මාසයේ මුල සිට ආරම්භ කරන බව රුසියාව පවසයි. එන්නත නිපදවූ පර්යේෂණ ආයතනයේ ප්‍රධානී ඇලෙක්සැන්ඩර් ගින්ස්ට්බර්ග් මහතා මේ බව අනාවරණ කළේය.

21 October 2020