එසැණ පුවත්

කෝටි දෙකක කහ රේගු බාරයට

වියළි මිදි යැයි හඟවමින් ඉන්දියාවෙන් ආනයන කළ රුපියල් කෝටි දෙකකට අධික වටිනාකමින් යුත් වියළි කහ කිලෝ 7,110 ක් අත්අඩංගුවට ගත් බව රේගු මාධ්‍ය ප්‍රකාශක, නියෝජ්‍ය රේගු අධ්‍යක්‍ෂ (නීති කටයුතු) සුදත්ත සිල්වා මහතා අද (21) පස්වරුවේ පැවසීය.

21 April 2021

කොවිඩ් සංකූලතා ගැන කියන්න අංකයක්

කොවිඩ් එන්නත ලබා ගැනීමෙන් පසු සංකූලතා ඇතිවුවහොත් ඒ පිළිබඳව 011-3415985 අංකය ඔස්සේ දැනුම් දිය හැකි බව සෞඛ්‍ය අමාත්‍ය පවිත්‍රා වන්නිආරච්චි මහත්මිය සඳහන් කළාය.

21 April 2021

කොවිඩ් දැඩි අවදානමක් :‍සෞඛයෙන් තද නීති

අලුත් අවුරුදු උත්සව කාලයේ දී ජනතාව නොසැලකිලිමත් ලෙස කටයුතු කිරීමෙන් කොවිඩ් -19 වසංගතය තදින්ම පැතිරයාමේ දැඩි අවදානමක් හට ගැනීම නිසා දැඩි තීන්දු ක්‍රියාත්මක කිරීමට සෞඛ්‍ය අමාත්‍යංශය තීරණය කළේය.

21 April 2021

‘වේදනාවට සැනසුම ඉල්ලා‘

දෙවසරකට ඉහත පාස්කු ඉරිදා සිදු වූ ත්‍රස්ත ප්‍රහාරයෙන් මරණයට පත්වූ 269 දෙනා වෙනුවෙන් සාධාරණය ඉටු කරන ලෙස ඉල්ලා පියතුමන්ලාගේ හා කන්‍යා සොහොයුරියන්ගේ සහභාගිත්වයෙන් පැවති පා ගමන අද (21) පස්වරු 6ට පමණ කටුවපිටිය ශාන්ත සෙබස්තියන් දේවස්ථානය කරා ළඟා වූයේය.

21 April 2021

පරීක්ෂණයක් ඉල්ලා පොදුජන පෙරමුණේ මන්ත්‍රීවරු පිරිසක් සී අයි ඩීයට යති

පාස්කු ප්‍රහාරය සහ එයට සම්බන්ධ පුද්ගලයන් පිළිබඳව සමගි ජන බලවේගයේ මන්ත්‍රිවරුන් වන හරීන් ප්‍රනාන්දු හා මනුෂ නානායක්කාර යන මන්ත්‍රිවරුන් කරන ප්‍රකාශ සම්බන්ධයෙන් පරීක්ෂණයක් පවත්වා සිද්ධියට වගකිවයුත්තන් අත්අඩංගුවට ගන්නා ලෙසට ඉල්ලා පොදුජන පෙරමුණේ නවක මන්ත්‍රි කණ්ඩායමක් අද (21) අපරාධ පරීක්ෂණ දෙපාර්තමේන්තුව පැමිණිල්ලක් ඉදිරිපත් කළහ.

21 April 2021

බංග්ලාදේශය - කඩුලු 2 ට 302 යි

ශ්‍රී ලංකාව සහ බංග්ලාදේශය අතර මහනුවර පල්ලෙකැළේ ක්‍රීඩාංගණයේදී පැවැත්වෙන පළමු ටෙස්ට් තරගයේ පළමු දිනය වූ අද (21 වැනිදා) සවස ක්‍රීඩාව නතර කරන විට බංග්ලාදේශ කණ්ඩායම සිය මුල් ඉනිම වෙනුවෙන් කඩුලු 2 ක් දැවී ලකුණු 302 ක් ලබා සිටියේය.

21 April 2021

වරාය නගර පනත් කෙටුම්පතට එරෙහි පෙත්සම් ගැන ලිඛිත දේශන ගොනු කරන්න දිනයක්

පාර්ලිමේන්තුවට ඉදිරිපත් කර තිබෙන ’’කොළඹ වරාය නගර ආර්ථික කලාප විශේෂ කොමිසම් සභා පනත් කෙටුම්පත’’ සම්පූර්ණයෙන්ම ආණ්ඩුක්‍රම ව්‍යවස්ථාව ට පටහැනි බවට තීන්දු කරන ලෙස ඉල්ලා ගොනු කර ඇති විශේෂ පෙත්සම් සහ අතර මැදි පාර්ශව පෙත්සම් සම්බන්ධ ලිඛිත දේශන ලබන 23 වන සිකුරාදා දහවල් 12 ට පෙර ගොනු කරන ලෙස ශ්‍රේෂ්ඨාධිකරණය අද (21) නියම කළේය.

21 April 2021

‘‘ආණ්ඩුවේ තහනම අපට අදාල නෑ‘‘

ආණ්ඩුවේ තහනම අපි පිළිගන්නේ නැහැ. ජාත්‍යන්තර කම්කරු දින සැමරුම අපි අනිවාර්යයෙන්ම පවත්වනවා යැයි ජනතා විමුක්ති පෙරමුණේ නායක අනුර කුමාර දිසානායක මහතා පවසයි.

21 April 2021

හරීන් - ජානක මැති සබේදී ගුටි ඇනගනී

සමගි ජන බලවේගයේ පත්කළ මන්ත්‍රී හරීන් ප්‍රනාන්දු සහ බදුලු දිස්ත්‍රික් මන්ත්‍රී ජානක තිස්ස කුට්ටිආරච්චි යන මහත්වරුන් අතර පාර්ලිමේන්තු සංකීර්ණයේ වෛද්‍ය මධ්‍යස්ථානය අසල දී අද (21 )දහවල් ගුටිබැට හුවමාරුවක් සිදු වී ඇතැයි එහි ආරංචි මාර්ගවලින් පැවසේ.

21 April 2021

මහජන ආරක්ෂාවට ත්‍රිවිධ හමුදාව කැඳවයි

රටපුරා මහජන ආරක්ෂාව පවත්වාගෙන යාම සඳහා ජනාධිපතිවරයා විසින් ත්‍රිවිධ හමුදාව කැඳවනු ලැබීය

21 April 2021

කොරෝනා රෝගීහු 150 අයි.ඩි.එච්.රෝහලට

සිංහල හා හින්දු අලූත් අවුරුද්දෙන් පසු අයි ඞී එච් රෝහලට කොරෝනා රෝගීන් ඇතුළත් වීමේ වැඩිවීමක් සිදුව ඇතැයි එම රෝහලේ අධ්‍යක්ෂ වෛද්‍ය හසිත අත්තනායක මහතා පවසයි.

21 April 2021

බිරිඳ සහ අම්මා යන උතුම් පදවි අහිමි පටාචාරාවක්

මීට දෙවසරකට පෙර සැමියා හා දරුවන් සමඟ පාස්කු ඉරිදා දේව මෙහෙයට කටුවාපිටිය පල්ලියට ආ නිරංජලී යසවර්ධන මහත්මිය අද සිය පවුලම අහිමි වූ පටාචාරාවකි.

21 April 2021

කොරෝනා කුලියාපිටිය සතිපොළ වහයි

දිනෙන් දින වැඩි වන කොරෝනා ආසාදිතයින් සංඛ්‍යාව සලකා හෙට (22) පැවැත්වීමට නියමිත කුලියාපිටිය සතිපොල අවලංගු කිරීමට කුලියාපිටිය නගරසභාව තීරණය කළ බැව් සභාපති ලක්‍ෂමන් අධිකාරි මහතා පැවසීය.

21 April 2021

ඕමල්පේ සෝභිත හිමිගෙන් සී.අයි.ඩිට පැමිණිල්ලක්

පාස්කු ප්‍රහාරයේ වින්දිතයනට සහන සැලසීමට විදේශ රටවලින් සහ විවිධ සංවිධානවලින් ලබාදුන් රුපියල් බිලියනක මුදලක් එම වින්දිතයනට ලබා දී නොමැති බැවින් ඒ සඳහා වහා පරික්ෂණයක් කරන්නැයි ඉල්ලා ජාතික විද්වත් සංඝ සභාවේ සභපති ආචාර්ය ඕමල්පේ සෝභිත හිමියෝ අපරාධ පරීක්ෂණ දෙපාර්තමේන්තුවට පැමිණිල්ලක් කළහ.

21 April 2021

හම්බන්තොටට ආ නැවක් ගැන සජිත් කියයි

පරමාණුක ද්‍රව්‍ය රැගත් නෞකාවක් හම්බන්තොට වරායට පැමිණ ඇති බවට වාර්තා පළ වන හෙයින් ඒ ගැන වහා සොයා බලා කටයුතු කරන්නැයි තමා රජයෙන් ඉල්ලීමක් කරන බව විපක්ෂ නායක සජිත් ප්‍රේමදාස මහතා පවසයි.

21 April 2021

ගුවන් පිහිනුම් සූරයාට පරිසර තානාපති ධූරයක්

පෝක් සමුද්‍ර සන්ධිය හරහා පිහිනා 1971 දී ශ්‍රී ලාංකිකයෙකු වන කුමාර් ආනන්දන් තැබූ වාර්තාව බිඳිමින් නව ආසියානු වාර්තාවක් තැබූ ගුවන් හමුදාවේ නායක ගුවන්භට රොෂාන් අබේසුන්දරට පරිසර තානාපති ධූරයක් පිරිනැමීමට පරිසර අමාත්‍යංශ්‍ය පියවර ගත්තේය.

21 April 2021

අපේ විරුවෝ 243ක් සාමය රකින්න මාලි බලා යති

එක්සත් ජාතීන්ගේ සාම සාධක කටයුතු වෙනුවෙන් යුද හමුදා 243 දෙනෙක්ගෙන් සමන්විත කණ්ඩායමක් රාති‍්‍රයේ මාලි රාජ්‍ය බලා පිටත් වුහ.

21 April 2021

‘‘කොරෝනා එන්නත් ගත් තුන්දෙනෙක් මැරිලා‘‘

ඇස්ට්‍රාසෙනිකා එන්නත ලබා ගැනීමෙන් පසුව රුධිරය කැටි ගැසුණු මෙරට හය දෙනකුගෙන් තිදෙනකු මරණයට පත්ව ඇතැයි සෞඛ්‍ය ඇමැතිනී පවිත්‍රා වන්නිආරච්චි මහත්මිය පාර්ලිමේන්තුවේ දී අද (21) පැවසුවාය.

21 April 2021

‘‘මා එදා සිටියේ රෝහලේ තිබූ මළමිනී ගොඩේ‘‘

අම්මා රෝහලට එන විට මාව දාල තිබිල තියෙන්නේ මියගිය අයගේ මෘත ශරීර අතරයි. මට පණ තිබෙන බව කියා කෑ ගසා තිබෙන්නේ මගේ අම්මා. ඒ අවස්ථාවේ මට ශරීරය සෙලවීමටත් බැරි වුණ නිසා ඔවුන් මා මියගොස් ඇති බව සිතන්න ඇති.” යැයි පාස්කු ප්‍රහාරයෙන් බරපතල තුවාල ලැබූ මීගමුවේ පදිංචි තිළිණා හර්ෂණීය මහත්මිය කියන්නීය.

21 April 2021

දිනේෂ් කතානායකගෙන් පරීක්ෂණයක් ඉල්ලයි

විපක්ෂයේ මන්ත්‍රීවරුන් පිරිසක් මේ සභාවට ගෙනැවිත් ඇති බැනර් ඇතුළු ද්‍රව්‍ය රැසක් පොලීසිය විසින් අත්අඩංගුවට ගෙන ඇති බැවින් ඒ සම්බන්ධයෙන් විශේෂ පරීක්ෂණයක් පවත්වන්නැයි සභා නායක දිනේෂ් ගුණවර්ධන මහතා කතානායකවරයාගෙන් පාර්ලිමේන්තුවේ දී අද (21) ඉල්ලීමක් කළේය.

21 April 2021

‘‘රන් මාල කඩන්නන් වැඩිවෙලා‘‘

රට පුරා ගෙල බැඳි රන් මාල කැඩීමේ සිද්ධීන්වල ප්‍රවණතාවයක් දක්නට ලැබෙන බවත් මාර්ගයේ ගමන් ගන්නා විට දැඩි අවධානයෙන් සිටින ලෙසට කාන්තාවන් ගෙන් ඉල්ලා සිටින බව පොලිස් මාධ්‍ය ප්‍රකාශක නියේජ්‍ය නියෝජ්‍ය පොලිස්පති අජිත් රෝහණ මහතා පැවසීය.

21 April 2021

විදුලි සේවකයනට පහරදුන් පිය,පුතු,බෑණා අල්ලයි

මහනුවර බහිරවකන්ද ටැංකිය වත්ත ප්‍රදේශයට රාජකාරි කටයුත්තක් සඳහා ගිය ලංකා විදුලි බල මණ්ඩලයේ සේවකයනට පහරදුන් බව කියන පුද්ගලයන් තිදෙනකු අත්අඩංගුවට ගත් බව මහනුවර මූලස්ථාන පොලිසිය කියයි .

21 April 2021

ශානි ඇතුළු පිරිස තවදුරටත් රිමාන්ඩ්

හිටපු ජ්‍යෙෂ්ට නියෝජ්‍ය පොලිස්පති වාස් ගුණවර්ධන මහතා ඇතුළු සැකකරුවන් සම්බන්ධ නඩුවට බොරු සාක්ෂි නිර්මාණය කළේ යැයි කියන සිද්ධිය සම්බන්ධයෙන් රිමාන්ඩ් බන්ධනාගාර ගත කර සිටින අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ශානි අබේසේකර මහතා ඇතුළු තිදෙනා මැයි පස් වැනි දා තෙක් තවදුරටත් රිමාන්ඩ් බාරයේ තබන්නැයි ගම්පහ ප්‍රධාන මහේස්ත්‍රාත් මංජුල කරුණාරත්න මහතා අද (21) නියම කළේය.

21 April 2021

ද්විත්ව කොරෝනාවට අමතරව ඉන්දියාවේ ත්‍රිත්ව කොරෝනාවක්

ද්විත්ව කොරෝනා විකෘති ප්‍රභේදයට අමතරව, ඉන්දියාවෙන් ත්‍රිත්ව කොරෝනා විකෘති ප්‍රභේදයක් ද පැතිර යමින් පවතින බවත්, ඉන්දියාවේ දෛනික ආසාදිතයන් දිනපතා ලක්ෂ දෙකට වඩා වැඩි වන්නේ මෙම ත්‍රිත්ව කොරෝනා විකෘතිය නිසා බවත් සෞඛ්‍ය අංශ අනතුරු අගවයි.

21 April 2021

කොළඹ බන්ධනාගාරයේ හොර අල්ලන්න අලුත් ඇහැක්

කොළඹ රිමාන්ඩ් බන්ධනාගාරය තුළ හා ඉන් පිටත සිදුවන අක්‍රමිකතා මැඩලීමට ආරක්ෂිත කැමරා පද්ධතියක් සවි කිරීම ආරම්භ කළ බව බන්ධනාගාර මාධ්‍ය ප්‍රකාශක, පාලන හා පුනරුත්ථාපන කොමසාරිස් චන්දන ඒකනායක මහතා පවසයි.

21 April 2021

පාර්ලිමේන්තුව උණුසුම්.විනාඩි පහකට කල් තැබේ

ආණ්ඩුවේ හා විපක්ෂයේ මන්ත්‍රීවරුන් අතර ඇති වූ උණුසුම් තත්ත්වයක් හේතුවෙන් මැතිසබේ කටයුතු කතානායක මහින්ද යාපා අබේවර්ධන මහතා විසින් විනාඩි 5 කට කල් තබනු ලැබීය .

21 April 2021

‘‘පාස්කු ප්‍රහාරකයනට බේරුමක් නෑ‘‘

පාස්කු ප්‍රහාරයට සම්බන්ධ වූ සියලු දෙනා නීතියේ රැහැනට හසු කර ගැනීමට කටයුතු කරන බව අගමැති මහින්ද රාජපක්ෂ මහතා පාර්ලිමේන්තුවේ දී අද පැවසීය .

21 April 2021

ජෝර්ජ් ෆ්ලොයිඩ් ඝාතනය: සුදු පොලිස් නිලධාරියා වරදකරු වෙයි

ජෝර්ජ් ෆ්ලොයිඩ් නමැති කළු ජාතිකයාගේ මරණය සම්බන්ධයෙන්, සුදු පොලිස් නිලධාරී ඩෙරික් චෝවින් වරදකරු විය.

21 April 2021