එසැණ පුවත්

කොරෝනා රෝගීන්ගේ අඩුවක් අද පෙන්නයි

කොවිඩ් ආසාදිත රෝගීන් තවත් 479 දෙනකු අද(28) අලුතින් හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

28 December 2021

දුම්රිය ස්ථානාධිපති වර්ජනය අවසන්

දුම්රිය ස්ථානාධිපතිවරු ක්‍රියාත්මක කර තිබූ වැඩ වර්ජනය අවසන් කළ බව දුම්රිය ස්ථානාධිපති සංගමයේ ලේකම් කසුන් චාමර මහතා අද (28) පස්වරුවේ තීරණය කළ පැවසීය.

28 December 2021

කොරෝනා මරණ 20 පනී

කොවිඩ් ආසාදිත වූ තවත් රෝගීන් 22 දෙනකු ඊයේ (27) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (28) තහවුරු කළේය.

28 December 2021

ලෝක වර්තාවක් තියන්න යන සාරා රත්මලානට

මයික්‍රෝ ලයිට් තනි එන්ජින් ගුවන්යානයකින් ලෝකය වටා තනිව පියාසර කල ලාබාලතම ගුවන් නියමුවරිය ලෙස ලෝක වාර්ථාවක් තැබීමට සූදානම් වන්න බෙල්ජියම් ජාතික දහනවහැවිරිදි තරුණියක වන සාරා රදර්ෆර්ඩ් (Zara Rutherford) මෙනවිය රත්මලාන ගුවන් තොටුපලට අද දහමල් පැමිණියාය.

28 December 2021

ජනපතිට ඕනෑම වේලාවක ඉවත් කරන්න පුළුවන්

අවධානම දනිමින් සහ අවදානම ගනිමින් යුගදනවි ගිවිසුම පිළිබඳ ඇත්ත උසාවියට සහ රටට හෙළිකිරීමට තීරණය කළ බවත් ජනාධිපතිවරයාට ඕනෑම අවස්ථාව ඇමති ධූරවලින් ඉවත් කළ හැකි යැයි හොඳන් දන්නා බවත් බලශක්ති අමාත්‍ය උදය ගම්මන්පිල මහතා අද ‘ලංකාදීප’යට පැවසීය.

28 December 2021

තෙල් ප්‍රවාහන දුම්රිය 4 ක් අවලංගු කරයි

දුම්රිය ස්ථානාධිපතිවරු තෙල් ප්‍රවාහන රාජකාරිවලින් ඉවත්වීමෙන් මේ දක්වා තෙල් දුම්රිය ගමන් වාර හතරක් අවලංගු කිරීමට සිදුවූ බවත් එයින් දුම්රිය දෙපාර්තමේන්තුවට විශාල මූල්‍ය පාඩුවක් වූ බවත් දුම්රිය සාමාන්‍යාධිකාරී ධම්මික ජයසුන්දර මහතා අද (28) පස්වරුවේ පැවසීය.

28 December 2021

හල්දුම්මුලේදී අතුරුදන්වු දරුවා කොටුවෙන් මතු වෙයි

හල්දුම්මුල්ල බත්ගොඩින් අතුරුදන්වූ දස හැවිරිදි දරුවකු අද කොළඹ පිටකොටුවෙන් හමුවූ බව හපුතලේ පොලිසිය කියයි.

28 December 2021

දිමුත් වසරේ ටෙස්ට් ක්‍රීඩක සම්මානයට නිර්දේශ වෙයි

ශ්‍රී ලංකා ක්‍රිකට් පිලේ නායක දිමුත් කරුණාරත්න අන්තර්ජාතික ක්‍රිකට් සභාවේ වාර්ෂික සම්මාන උළෙලේ වසරේ ටෙස්ට් ක්‍රීඩකය සම්මාන සඳහා නිර්දේශ වී තිබේ.

28 December 2021

ජීවන වියදමට එරෙහිව ආදිවාසීහු මහ පාරට

දිනෙන් දින ඉහළ යන බඩුමිල හේතුවෙන් තමන්ට ජීවත්වීමට අසීරු බව පවසා ඉතා කඩිනමින් විසැඳුමක් දෙන්නැයි ඉල්ලා දිඹුලාගල දලුකාන ආදිවාසී නායීකාව වන කේ. ලිසිනෝනා මහත්මිය ඇතුළු තවත් ආදිවාසී පවුල් හතක් සහ ඔවුන්ගේ දරුවන් දලුකාන ශ්‍රී පෞරාණික පත්තිනි දේවාලය අසල අද විරෝධතාවක නිරත වූහ.

28 December 2021

පස්දරු මව මරා කිඹුලන්ට කන්න දාලා

කිලිනොච්චිය උදයනගර්,අම්බලකුලම් හි පස්දරු මවක ඝාතනය කොට ඇගේ සිරුර කිඹුලන් සිටින ඇළ මාර්ගකට දැමූ තරුණයකු කිලිනොච්චිය ප්‍රදේශයේදී අත්අඩංගුවටගත් බව කිලිනොච්චිය පොලිසිය කියයි.

28 December 2021

පොහොර මිටියක් 10,000 පනී

රසායනික පොහොර තහනමට පෙර රුපියල් 1500 ත් 2000 ත් අතර මිලට අළෙවි වූ කිලෝ 50 පොහොර මිටියක් මේ වන විට රුපියල් 10,000 කට ආසන්න මිලකට අළෙවි කරන බව පොහොර ලේකම් කාර්යාලයේ උසස් නිලධාරියෙක් ‘ලංකාදීප’යට පැවසීය.

28 December 2021

මට්ටක්කුලියේ බෝට්ටු අංගනයක ගින්නක්

මට්ටක්කුලිය බෝට්ටු නිෂ්පාදන අංගනයක ගින්නක් හටගෙන ඇති බව ගිනි නිවන හමුදාව කියයි.

28 December 2021

බුද්ධංගල ආනන්ද හිමියෝ අපවත් වෙති

ගිහි ජීවිතයේදී මේජර් ජෙනරාල් ආනන්ද වීරසේකර ලෙස රාජකාරි කළ බුද්ධංගල ආනන්ද හිමියෝ අද (28) උදෑසන අපවත් වූහ.

28 December 2021

‘ඇමැතිවරුන්ට රට යන්න ඩොලර් කොහෙන්ද’

රටේ කිරි දරුවන්ට කිරිපිටි පැකට්ටුවක් ගෙන්වන්නට ඩොලර් නැති තත්ත්වයක් තිබුණත් ආණ්ඩුවේ මැති ඇමතිවරුන්ට බුරුතු පිටින් විදේශ ගත වන්නට ඩොලර් කොහෙන්දැයි වහාම රටට හෙළි කළ යුතු බව එක්සත් ජාතික පක්ෂ මහ ලේකම් පාලිත රංගේ බණ්ඩාර මහතා පැවසීය.

28 December 2021

බෝලයෙන් ආ මරුවා දරුවා ඩැහැ ගනී

මැදිරිගිරිය කුසුම්පොකුණ ප්‍රදේශයේ වයස අවුරුදු නවයක පිරිමි දරුවකු අනාරක්ෂිත ළිඳකට වැටී මියගොස් ඇතැයි මැදිරිගිරිය පොලිසිය කියයි.

28 December 2021

පූනරින් ඝාතනයට සිවි දෙනෙකු අත්අඩංගුවට

ඩිංගි යාත්‍රාවකින් පැමිණ කිලිනොච්චිය , පුනරින් කෞදාරිමුනෙයි මුහුදේ දියනා විනෝදවෙමින් සිටි තරුණයකු කපා කොට ඝාතනය කිරීමේ සිද්ධිය සම්බන්ධයෙන් කාන්තාවක හා තවත් පුද්ගලයින් තිදෙනකු අද (28) යාපනය ගුරුනගර් ප්‍රදේශයේදී අත්අඩංගුවටගත් බව පුනරින් පොලිසිය කියයි.

28 December 2021

‘මිත්‍යා මත නිසා ‘බූස්ටර් එන්නත’ගැනීම පසුබැහැලා’

විවිධ මාධ්‍ය ඔස්සේ පැතිරෙන යම් යම් මිථ්‍යා මත නිසා කොවිඩ් තුන්වෙනි මාත්‍රාව ලබා ගැනීමේ සැලකියයුතු පසුබෑමක් දක්නට ලැබෙන බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පැවැසීය.

28 December 2021

‘සන්ෂයින් සුද්දා’ ඝාතනයේ වෑන් රියැදුරු අල්ලයි

සංවිධානාත්මක අපරාධ කරුවකු වන අමිල ප්‍රසංග හෙට්ටිහේවා නොහොත් සන්සයින් සුද්දා ඝාතනය කිරීමේ ප්‍රධාන සැකකරු වන ටින්කර ලසන්ත යන අය සමග වෑන් රථයකින් ගමන් කළ සැකකරු තඹුත්තේගම ප්‍රදේශයේදී අත්අඩංගුවට ගත් බව මනුෂ්‍ය ඝාතන හා සංවිධානාත්මක අපරාධ විමර්ශන කොට්ඨාසය කියයි .

28 December 2021

පොහොර සොරාගත් පුද්ගලයෙක් අත්අඩංගුවට

පුස්සැල්ල යටගම ප්‍රදේශයේ පොල් වත්තක තිබූ යූරියා පොහොර මිටි විස්සක් සොරා ගෙන ගිය සොරෙකු අද (28) අලුයම අත් අඩංගුවට ගත් බව වේයන්ගොඩ පොලීසිය පැවසීය.

28 December 2021

අදත් වැස්ස නෑ

රට පුරා බොහෝ ප්‍රදේශවල අදත් (28) වැසි රහිත කාලගුණයක් පවතින බව කාලගුණ විද්‍යා දෙපාර්තමේන්තුව පවසයි.

28 December 2021

එළිමහන් සංගීත ප්‍රසංගවලටත් අවසර

කොවිඩ් වසංගතය හේතුවෙන් වසර දෙකකට ආසන්න කාලයක් අත්හිටුවා තිබූ එළිමහන් සංගීත ප්‍රසංග පැවැත්වීමට අවසරපත් නිකුත් කරන ලෙස පොලිස්පතිවරයා සියලුම පොලිස් ස්ථානවල ස්ථානාධිපතිවරුන්ට දැනුම්දී ඇති බව පොලිස් මාධ්‍ය ප්‍රකාශක ජේෂ්ඨ පොලිස් අධිකාරි නිහාල් තල්දුව මහතා පැවසීය.

28 December 2021

දුම්රිය ස්ථානාධිපතිවරුන් තවත් සේවා රැසකින් ඉවත් වෙති

දුම්රිය ස්ථානාධිපතිවරු තවත් සේවා කීපයකින් ඉවත් වීමට තීරණය කළ බව දුම්රිය ස්ථානාධිපති සංගමයේ ලේකම් කසුන් චාමර මහතා පවසයි.

28 December 2021

සියයට අටට බස් සංගම් අකමැත්තෙන්

සීයට 8ක බස් ගාස්තු සංශෝධනය සහ අවම බස් ගාස්තුව රුපියල් දෙකකින් සංශෝධනය කිරීමට ප්‍රවාහන අමාත්‍යාංශය ගෙන ඇතැයි කියන තීරණය සම්බන්ධයෙන් කිසිසේත්ම සෑහීමකට පත් නොවන බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පැවසීය.

28 December 2021

ජපන් තානාපතිගෙන් පොරොන්දුවක්

ජපානයේ ආයෝජකයන්ට මෙරට ආයෝජන අවස්ථා ලබා ලබාදීම සඳහා අවශ්‍ය වැඩපිළිවල යොදනවා. මෙරට ශ්‍රමිකයන්ට ජපානයේ රැකියා අවස්ථා ලබා දීම සඳහා අවශ්‍ය ප්‍රමුඛතාවය දි වැඩ කටයුතු කරනවා යැයි ජපාන තනාපති මිෂුකොෂි හයිඩියැකි මහතා පවසයි.

28 December 2021

ඇමැති තිදෙනාගේ ක්‍රියාකලාපය ජනපතිගේ විවේචනයට

වාසුදේව නානායක්කාර, විමල් වීරවංශ සහ උදය ගම්මන්පිල යන අමාත්‍යවරුන් කැබිනට් මණ්ඩලයේ සාමාජිකයන් ලෙස සිටිමින් ,කැබිනට් තීරණයකට එරෙහිව අධිකරණයට යාම සහ කැබිනට් තීන්දුව ප්‍රසිද්ධියේ විවේචනය කිරීම වැරදි බව ජනාධිපති ගෝඨාභය රාජපක්ෂ මහතා පුවත්පත් කතුවරුන් සමඟ අද පැවති සාකච්ඡාවක දී ප්‍රකාශ කළේය.

27 December 2021

දිල්ලියට යළි ඇඳිරිය පනවයි

දෛනිකව වාර්තා වන නව කොරෝනා වයිරස ආසාදිතයන්ගේ ගණන වේගයෙන් වැඩි වීමත් සමඟ අද (27) සිට ක්‍රියාත්මක වන පරිදි රාත්‍රී කාලයේ ඇඳිරි නීතිය පැනවීමට දිල්ලිය තීරණය කර ඇත.

27 December 2021

රටවල් තුනක කාර්යාල තුනක් වහයි

රටවල් තුනක රාජ්‍ය තාන්ත්‍රික කාර්යාල තුනක් දෙසැම්බර් 31 වැනිදා සිට ක්‍රියාත්මක වන පරිදි වසා දැමීමට තීරණය කර ඇතැයි විදේශ සම්බන්ධතා අමාත්‍යාංශය නිවේදනයක් නිකුත් කරමින් සඳහන් කරයි.

27 December 2021

සකුරායි ඒවියේෂන් සමාගමේ ගුවන් මෙහෙයුම් නවතයි

ගුවන් මෙහෙයුම් කටයුතුවල නිරත වෙමින් සිටියදී හදිසි කාර්මික දෝෂයක් ලක්ව කටුනායක කිඹුලාපිටිය වෙල්යායකට හදිසියේ ගොඩබැස්සවීම සිදු කළ සෙස්නා 172 දරණ සැහැල්ලු ගුවන් යානය අයත් මෙරට අභ්‍යන්තර ගුවන් සේවා සිදු කරන සකුරායි ඒවියේෂන් සමාගමේ ගුවන් මෙහෙයුම් කටයුතු අද සිට නැවත දැනුම් දෙනතුරු අත්හිටුවා ඇති බව සිවිල් ගුවන් සේවා අධිකාරිය පවසයි.

27 December 2021