එසැණ පුවත්

රේල් පිලී කොටස් සමඟ අයෙක් අල්ලයි

දුම්රිය දෙපාර්තමේන්තුවට අයත් බවට සැක රේල් පිලි කොටස් 132ක් සහ ඒවා ප්‍රවාහනයට යොදාගත් ලොරි රථයක් සමග සැකකරුවෙක් වැලිගම පොලිසිය විසින් අද අත් අඩංගුවට ගත් බව දකුණු පළාත් බාර ජ්‍යෙෂ්ඨ නියෝජ්‍ය පොලිස්පති කාර්යාලය පවසයි

දඹුල්ලේ එළවලු මිල ඉහළට

පරිභෝජනයට සුදුසු තත්ත්වයේ පවතින එළවළු අවම වීම නිසා එළවළු මිල ඉහළ යෑම සිදුවන බව දඹුල්ල ආර්ථික මධ්‍යස්ථාන කළමනාකරණ හාරයේ කළමනාකරු ක්‍රිස්ටි විජේරත්න මහතා අද(12 ) සඳහන් කළේය.

සිදුවන්නට ගිය අනතුර නූලෙන් වැළකෙයි

බදුල්ල සිට අනුරාධපුර බලා ධාවනය වෙමින් තිබූ කැකිරාව ඩිපෝවට අයත් ශ්‍රීලංගම බස් රථයක් අද (12) උදෑසන බදුල්ල මහියංගන ප්‍රධාන මාර්ගයේ දුන්හිඳ පල්ලමේ ධාවනය වෙමින් තිබියදී හදිසියේ ඇතිවූ තිරිංග පද්ධතියේ දෝෂයක් හේතුවෙන් අඩ් දහසක පමණ ප්‍රපාතයකට පෙරලී සිදුවීමට ගිය විශාල මාරක රිය අනතුරක් රියැදුරුගේ දක්ෂතාව නිසාවෙන් බස්‍ රථය ගල්බැම්මකට අල්ලා නවතා ගැනිමෙන් බස්‍ රථය සමග මගීන් පිරිස නිරුපද්‍රිතව බේරා ගෙන ඇතයි බදුල්ල පොලිසිය පවසයි .

රට රැකියා පෙන්වා කෝටි 5ක් වංචා කළ අයෙක් අල්ලයි

රුසියාවේ රැකියා සදහා සදහා පිටත් කරන බවට පවසා රුපියල් කෝටි පහකට වැඩි මුදලක් ලබා ගෙන සැඟව සිටි අධිකරණය කිහිපයකින් වරෙන්තු 88 ක් ලබා සිටි පුද්ගලයෙකු අත් අඩංගුවට ගත් බව අතුරුගිරිය පොලිසිය පවසයි.

ගැඹුරු මුහුදේ මසුන් අල්ලන්න ගිහින් ගල් පරයක සිරවෙයි

ගැඹුරු මුහුදේ කිමිදී විසිතුරු මසුන් ඇල්ලීමේ නිරත ඥාති සහෝදරයන් දෙදෙනෙකුගෙන් අයෙකු ගල් පරයක සිරවී මිය ගොස් ඇතැයි බම්බලපිටිය පොලිසිය කියයි

රැකියා අහිමි අහිමිවූ පෙහෙකම්හල් සේවක දීමනාව වැඩි කරයි

පේෂකර්ම දෙපාර්තමේන්තුව සතුව තිබී 1980-1982 කාලයේදී පෞද්ගලීකරණය කරන ලද බලවේග ව්‍යාපාර වල සේවක සේවිකාවන් සඳහා ගෙවනු ලබන මාසික දීමනාව සංශෝධනය කිරීමට කැබිනට් අනුමැතිය ලැබී ඇත.

හෙරොයින් සමඟ දෙන්නෙක් මාට්ටු

රුපියල් ලක්ෂ 15 කට අධික හොරෝයින් තොගයක් සමග සැකකරුවන් දෙදෙනෙකු අත්අඩංගුවට ගත්බව පල්ලම පොලීසිය කියයි.

මඩොල්සිම පාර අද උදේ යළි විවෘත කරයි

පස්සර - මඩොල්සිම - මැටිගහතැන්න මාර්ගය අද (12) උදෑසන යළිත් වාහන ගමනා ගමනය සදහා විවෘත කල බව මාර්ග සංවර්ධන අධිකාරියේ බදුල්ල විධායක ඉංජිනේරු එස් එස් හෙන්නායක මහතා පැවැසීය.

යුනිසෙෆ්- අගමැතිනිනී හමු වෙයි

යුනිසෙෆ් ආයතනයේ නියෝජිතයින් සහ අග්‍රාමාත්‍ය ආචාර්ය හරිනි අමරසූරිය මෙනවිය අතර හමුවක් අග්‍රාමාත්‍ය කාර්යාලයේදී සිදු විය.

මාලදිවයින් දොස්තරලාට ලංකාවේ පුහුණුව

කොළඹ විශ්ව විද්‍යාලය සහ මාලදිවයින් ජන රජයේ සෞඛ්‍ය අමාත්‍යාංශය අතර ශාස්ත්‍රීය සහයෝගීතාව අරමුණු කර ගනිමින් අවබෝධතා ගිවිසුමකට එළඹීමට කැබිනට් අනුමැතිය ලැබී ඇත.

අල්ලස්ගත් පොලීසියේ දෙන්නෙක් මාට්ටු

නීතිමකින් කටයුතු නොකර සිටීම සඳහා පුද්ගලයකුගෙන් රුපියල් 5000ක අල්ලස් මුදලක් ලබාගත් දිය බෙදුම පොලිසියේ පොලිස් සැරෙන් වරයෙකු සහ කොස්තාපල්වරයෙකු අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.

මන්නාරමට තව සුළං බලාගාර දෙකක්

මන්නාරම, මුල්ලිකුලම් ප්‍රදේශයෙහි මෙගාවොට් 50 බැගින් වන සුළං විදුලි බලාගාර 2ක් ස්ථාපිත කිරීමට කැබිනට් අනුමැතිය ලැබී ඇත.

‘ගම්පොළ නුවරඑළිය පාරේ පමණක් රෑ ගමන් එපා ‘

නුවරඑලියට පිවිසෙන ගම්පොළ නුවරඑලිය මාර්ගයේ පමණක් රාත්‍රි කාලයේ රථවාහන ධාවනය නොකරන ලෙසට නුවරඑලිය දිස්ත්‍රික් ලේකම් තුෂාරි තෙන්නකෝන් මහත්මිය රියදුරන්ගෙන් ඉල්ලා සිටියි.

පෙරහර මාවතේ ආණ්ඩුවේ ඉඩම 99 අවුරුදු බද්දට

කොළඹ 03, කොල්ලුපිටියේ පෙරහර මාවතෙහි නාගරික සංවර්ධන අධිකාරියට අයත් ඉඩම් කොටසක් මිශ්‍ර සංවර්ධන ව්‍යාපෘතියක් සඳහා 99 අවුරුදු බදු පදනම මත බැහැර කිරීමට කැබිනට් අනුමැතිය ලැබී ඇත.

වැඩකට නැති ’’කෝච්චි යකඩ’’ විකුණයි

ශ්‍රී ලංකා දුම්රිය දෙපාර්තමේන්තුව සතුව පවතින අබලි ලෝහ බැහැර කිරීමට කැබිනට් අනුමැතිය ලැබී ඇත.

හිටපු කතානායක ජාතික රෝහලට

සපුගස් කන්ද පොලිස් වසමේදී ඊයේ (11) රාත්‍රී සිදු වූඅනතුරකින් තුවාල ලබා කිරිබත්ගොඩ රෝහලේ ප්‍රතිකාර ලබමින් සිටි ජාතික ජන බලවේගයේ පාර්ලිමේන්තු මන්ත්‍රී හිටපු කතානායක අශෝක සපුමල් රන්වල මහතා කොළඹ ජාතික රෝහල වෙත ඇතුළත්ව ඇතැයි රෝහල් ආරංචි මාර්ග සඳහන් කරයි.

අයවැය හිඟය අඩු වෙලා

මෙම වසරේ පළමු මාස 10 අවසානයේදී මෙරට අයවැය හිඟය නාමික වශයෙන් රුපියල් බිලියන 455.8 දක්වා අඩු වී ඇති බවත් එය පසුගිය වසරේ පළමු මාස 10 ට සාපේක්ෂව සියයට 57 ක අඩු වීමක් බවත් මුදල් අමාත්‍යාංශය පසුගියදා නිකුත් කළ නවතම වර්තාවක දැක්වේ.

ලංකාවට තවත් ණය එපා:එය දරා ගන්න බෑ

දිට්වා සුළි කුණාටුවෙන් සිදුවූ හානිය අලුත්වැඩියා කිරීමට ලබාදෙන මුදල් ප්‍රදානයන් ලෙස ලබා දෙන්නැයි එක්සත් ජාතීන්ගේ සංවිධානය ජාත්‍යන්තර ප්‍රජාවගෙන් සහ හවුල්කරුවන්ගෙන් ඉල්ලා සිටින බවත් ශ්‍රී ලංකාව දැනටමත් ණය බරින් පීඩා විඳිමින් සිටින මේ අවස්ථාවේ තවත් ණය ලබාගැනීම අපහසු කාරණයක් වනු ඇති බවත් එක්සත් ජාතීන්ගේ සංවිධානයේ මෙරට නේවාසික නියෝජිත මාර්ක් ඇන්ඩ්‍රේ ෆ්‍රැන්චේ මහතා ප්‍රකාශ කළේය.

පළාත් රැසකට තරමක තද වැසි

උතුරු සහ උතුරු - මැද පළාත්වලත් පුත්තලම සහ ත්‍රිකුණාමලය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

හිටපු කතානායක රිය අනතුරක

හිටපු කතානායක අශෝක රන්වල මහතා පැදවූූ ජීප් රථය සහ කාන්තාවක පැදවූ මෝටර් රථයක් මුහුණට මුහුණ ගැටීමෙන් කතානායකවරයා ඇතුළු සිව් දෙනකු තුවාල ලබා රෝහල් ගත කර ඇතැයි පොලිස් මාධ්‍ය ප්‍රකාශක සහකාර පොලිස් අධිකාරි නීතිවේදී උදය කුමාර වුට්ලර් මහතා පැවසීය.

මැතිසබය කලින් කැඳවන්න: විපක්ෂය ඉල්ලයි

පාර්ලිමේන්තුව ජනවාරි 6 වැනිදාට පෙර කැඳවන්නැයි අගමැතිනියගෙන් ඉල්ලීමක් කිරීමට සමග ජන බලවේගය ප්‍රමුඛ විපක්ෂය තීරණය කර ඇත.

මහවැලි ගඟ වටේ හොරට හැදු හෝටල් 200ක්

පාතහේවාහැට සුරක්ෂා කඳවුරේ පිරිසක් වෙනත් කඳවුරකට මාරු කරයි

පාතහේවාහැට පස්ගම රජමහා විහාරයට අයත් දහම් පාසල් ගොඩනැගිල්ල පිහිටි භූමිය නායයාමේ තර්ජනයට ලක්වීම හේතුවෙන් එහි ස්ථාපිත කර තිබූ සුරක්ෂා කඳවුරේ පිරිසක් ඉවත්කර මාරස්සන ආදර්ශ ප්‍රාථමික විද්‍යාලය වෙත මාරුකර යැවීමට අද(11දා) පාතහේවාහැට ප්‍රාදේශීය ලේකම් කාර්යාලය මගින් පියවර ගෙන ඇත.

ලංකාවේ සිට ටැන්සානියාවට මත්ද්‍රව්‍ය තොගයක්

පොහොර ලෙස නම්කර ලංකාවේ සිට අඩි 40 කන්ටේනරයක් තුළ ටැංසානියාවට යවා තිබූ මත්ද්‍රව්‍ය කිලෝග්‍රෑම් එක්කෝටි අසු හතරලක්ෂ අටසිය පනස් හයක් සමඟ ශ්‍රි ලාංකික සැකකරුවන් දෙදෙනකු ද ටැංසානියාවේ මත්ද්‍රව්‍ය පාලන සහ නීති බලාත්මක කිරීමේ අධිකාරිය විසින් අත්අඩංගුවට ගෙන තිබේ.

’’සහන ලබා දෙන ක්‍රියාවලිය නිර්දේශපාලනීකරණය විය යුතුයි’’

දිට්වා සුළි කුණාටුව හේතුවෙන් දිවයිනට බලපා ඇති ආපදා තත්ත්වයෙන් විපතට පත් වූවන්ට සහන ලබා දෙන ක්‍රියාවලිය නිර්දේශපාලනීකරණය විය යුතු බව විපක්ෂ නායක සජිත් ප්‍රේමදාස මහතා පැවසීය.

නුවරඑළියෙන් එළවළු කිලෝ ලක්ෂයක් කොළඹට

නුවරඑලිය ආර්ථික මධ්‍යස්ථානයට ලැබුණු ඉල්ලුමකට අනුව කොළඹට එළවළු කිලෝ ලක්ෂයක් එවූ බව නුවරඑලිය ආර්ථාක මධ්‍යස්ථාන කලමනාකාරවරයා පැවසීය.

විපතට පත් රජයේ සේවකයන්ගේ බැංකු ණයට සහනයක් දෙන්න

කාලගුණ ආපදාවෙන් විපතට පත්වූ රාජ්‍ය සේවකයන් ලබාගෙන ඇති ණය මුදල් කපා හැරීමට හෝ පොලිය අඩු කිරීමට හෝ වෙනත් සුදුසු සහනයක් උපරිම මට්ටමින් දෙන ලෙස ශ්‍රී ලංකා නිදහස් රජයේ වෘත්තීය සමිති සම්මේලනය ජනාධිපති අනුර කුමාර දිසානායක මහතාට ලිපියක් යවමින් ඉල්ලීමක් කර ඇත.

උල්හිටියේ වාන් දොරටු තුනක් අරියි

පවතින ධාරානිපාත වර්ෂාව සමඟ ගිරාඳුරුකෝට්ටේ උල්හිටිය ජලාශයේ වාන් දොරටු තුනක් මීටර් 0.2 ක් බැගින් විවෘත කළ බව ජලාශභාර ඉංජිනේරුවෝ පැවසූහ.