පද්මිණී මාතරගේ 
ජාතික ජනබලවේගයට පාර්ලිමේන්තුවේ බහුතර බලයක් සහතික ලෙස ලබාගැනීමට හැකි බවත් ඒ වෙනුවෙන් වංචා දූෂණ කිසිවකට සම්බන්ධ නැති පටු පෞද්ගලික අරමුණු නැති විශිෂ්ටතම කණ්ඩායමක් ඉදිරිපත් කරන බවත් ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා “ඉරිදා ලංකාදීපය”‍ට පැවසීය.
මේ ​ෙවන විටත් එසේ ඉදිරිපත් කරන්නට බලාපොරොත්තු වෙන කණ්ඩායම් ලැයිස්තුව සකස් කර අවසන් වෙමින් පවතින බව ද ඒ මහතා කීය. දෙමළ, මුස්ලිම් නියෝජනය හා කාන්තා නියෝජනය ගැන ජාතික ජනබලවේගය විසින් විශාල සැලකිල්ලකට ලක්කරමින් මෙම ලැයිස්තුව සකස් කරන බව ද ඔහු කීය.
ජාතික ජනබලවේගය ජනාධිපතිවරණය ජයග්‍රහණය කර අවසන් බවත්, විපක්ෂය දුර්වලව පවතින බවත් පැවසූ ඒ මහතා ජනතාව ජාතික ජනබලවේගය විශ්වාස කර තිබෙන අතර එම විශ්වාස කළ වැඩපිළිවෙළ ඉදිරියට ගෙනයාමට පාර්ලිමේන්තුවේ බහුතර බලයක් අවශ්‍ය බව ද කීය.
ජනතාව එම බලය, ජාතික ජනබලවේගයට සහතික ලෙසම ලබා දෙනු ඇතැයි විශ්වාස කරන බව ද ඔහු පැවසීය. මේ ​ෙවන විට පාර්ලිමේන්තුව විසුරුවා තිබෙන අතර, පාර්ලිමේන්තු මැතිවරණය සඳහා නාමයෝජනා කැඳවීම ඔක්තෝබර් 04 වැනිදා ආරම්භකර 11වැනිදායින් අවසන් කිරීමට නියමිතව ඇත.