(සුජිත් හේවාජුලිගේ )

ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතා පාස්කු ඉරුදින ප්‍රහාරය සම්බන්ධයෙන් පාර්ලිමේන්තු මන්ත්‍රීවරුන් දැනුවත් කිරීමේ වැඩමුළුවට සහභාගීවී නැතැයි වාර්තා වේ.

පාස්කු ඉරුදින ප්‍රහාරය සම්බන්ධයෙන් කරුණු සොයා බැලීමට පත් කෙරුණු ජනාධිපති කොමිෂන් සභාවේ නම් සඳහන්වූ නිලන්ත ජයවර්ධන මහතා මන්ත්‍රීවරුන් දැනුවත් කිරීමේ වැඩමුලුවට සහභාගි වන්නේ කෙසේදැයි විපක්ෂයේ ප්‍රධාන සංවිධායක නීතිඥ ලක්ෂ්මන් කිරිඇල්ල මහතා ඇතුළු විපක්ෂයේ මන්ත්‍රීවරු පිරිසක් පාර්ලිමේන්තුවේදී කතානායකවරයාගෙන් පෙරේදා(19) ප්‍රශ්න කළහ.

මේ සම්බන්ධයෙන් අප නිලන්ත ජයවර්ධන මහතාගෙන් කළ විමසුමකදී ඔහු පැවසුවේ එවැනි වැඩමුළුවක් සඳහා තමාට ආරාධනයක් හෝ නොලැබුණු බවයි.

කෙසේ වෙතත් ජ්‍යෙෂ්ඨ නියෝජ්‍ය පොලිස්පති නිලන්ත නිලන්ත ජයවර්ධන මහතා බලශක්ති සහ ප්‍රවාහන ආංශික අධික්ෂණ අධික්ෂණ පාර්ලිමේන්තු කාරක සභා රැස්වීමට පෙරේදා (19) සහභාගීවී සිටියේය.

ඔහු එම රැස්වීමට සහභාගි වූයේ පොලිස්පති චන්දන වික්‍රමරත්න මහතා වෙනුවෙනි. එම රැස්වීමට තමාට නොවැළක්විය හේතුවක් මත සහභාගීවීමට නොහැකි වන බව පොලිස්පතිවරයා ආරක්ෂක අමාත්‍යාංශ ලේකම්වරයාට ලිපියකින් දැනුම්දී තිබිණ.

පාස්කු ඉරුදින ප්‍රහාරය සම්බන්ධයෙන් පාර්ලිමේන්තු මන්ත්‍රීවරුන් දැනුවත් කිරීමේ වැඩමුළුව පාර්ලිමේන්තු සංකීර්ණයේදී පැවැත්වූණේද පෙරේදා (19) ය.