හීලෑ අලි ඇතුන් වෙනුවෙන් උපදේශන සංග්‍රහයක්

ඇමැතිතුමෝ, ඔය උපදේශන මාලාව හදන්න කළින් අලින්ගෙන් උපදෙස් පැතීම හින්දයි. ඒ වගේම උපදෙස් මාලාව අලි භාෂාවෙන් ප්‍රින්ට් කරන්න.

මමත් බෞද්ධයෙක්. ඒත්, මේ රටේ බොහෝ පෙරහරවල් වල අලියා ඇතා කියන මේ දැවැන්ත සත්වයා විලංගු වලින් බැඳ බොහෝ අපහසුතා මැද්දේ ඇත්ගොව්වන් පිරිවරාගෙන බුදු පුදට යන හැටි දකින විට සිතට දැනෙන්නේ මහා දුකක්. අද අප සම්මා සම්බුදු පියාණන් වහන්සේ ජීවමානව වැඩ සිටියානම්, මේ සත්ව හිංසාව කිසිසේත්ම අනුමත නොකරනු ඇත. ඒ තරමටම පෙරහරවල් වල දී මේ දැවැන්තයින් අනන්ත දුක් කන්දරා විඳිනා බව පෙනේ. අපගේ සංස්කෘතිය රැකගැනීමට මේ දැවැන්තයින්ට මෙලෙස වද විඳීමට සිදුවී ඇත. බුදුපියාණන් වහන්සේගේ දළදා වහන්සේලා හා සර්වඥ ධාතූන් වහන්සේලා වැඩමවීමට අලි ඇතුන් යොදාගත්තත් දිවයිනේ පිහිටි බොහෝ පන්සල් සඳහා මෙවන් සතුන් මෙසේ හිරිහැරයට පාත්‍ර කිරීම් මොනතරම් දුක්බර කතාවක්දැයි සිතා බැලීමට කාලය පැමිණ ඇත. මේ වනසතුන් ඉපදුනේ මිනිසාගේ විලංගු වලට මැදිවී හෙන්ඩුවෙන් නිය තුවාල කරගෙන, යදම් වලින් සිව්පා තුවාල කරගෙන පෙරහරවල් වල යාමට නොවන බව මිනිසා පසක් කරගන්නා තාක්කල්, මේ සතුන් මෙසේ දුක් විඳිනු ඇත. වනාන්තරයේ ගතකළ යුතු ඔවුන්ගේ සුන්දර දිවිය මිනිසාගේ සිරකාරයන් වී අවසන් වීම මහා ඛේදවාචකයක් නොවන්නේද?