(සුජිත් හේවාජුලිගේ)

රජයේ රස පරීක්ෂක දෙපාර්තමේන්තුවේ   නිලධාරිනියකගේ   වැටුප් රහිත  අධ්‍යයන නිවාඩු  2024 දෙසැම්බර් 26 දිනෙන් අවසන් වීමෙන් පසු  එදින සිට සේවයට  නොපැමිණියද පසුගිය වසරේ ඔක්තෝබර් 15 සිට  සේවය අතහැර යෑමේ  නිවේදනය නිකුත් කර නොතිබූ බව ජාතික විගණන කාර්යාලය  නිකුත් කළ  වාර්තාවක   සඳහන් වෙයි

අනිවාර්ය සේවා කාලය  කිරීමට අපොහොසත් වීම හේතුවෙන් ඇයගෙන් අය කරගත යුතු  පන් ලක්ෂයකට ආසන්න දඩ මුදලද  අය කරගෙන නොතිබූ බව එහි දැක්වේ.

තවද විදේශගත වූ නිලධාරින් සිවු  දෙනකු සංචාරය නියම කර දිවයිනට පැමිණියද මේ වසරේ මැයි 15 වනතුරුම ඊට  අමාත්‍යාංශ අනුමැතිය ලැබී නොතිබුණු බව විගණන අංශය පවසයි.

මෙම තොරතුරු සඳහන් වන්නේ රජයේ රස පරීක්ෂක දෙපාර්තමේන්තුවේ 2025 වාර්ෂික වාර්තාවට ඇතුළත් කරනු ලැබ ඇති විගණන වාර්තාවේය.