(සුජිත් හේවාජුලිගේ සහ අංජුල මහික වීරරත්න)

ලංකාව සතොස ආයතනයේ මුල් පුටු අටේම අාරම්භයේ  සිටම කටයුතු කර ඇත්තේ කොන්ත්‍රාත් පදනම මත බඳවාගත් පිරිසක් හෙයින්  හාල් වංචාව සීනි බදු වංචාව වැනි වංචාවලට කිසිවකු වග නොකියන තත්වයක් පවතින බව  පොදු ව්‍යාපාර පිළිබඳ පාර්ලිමේන්තු කාරක සභාවේ (කෝප්)  සභාපති වෛද්‍ය නිශාන්ත සමරවීර මහතා පැවසීය

සමාගමේ ප්‍රධාන විධායක නිලධාරී තනතුර සහ නියෝජ්‍ය සාමාන්‍යාධිකාරි තනතුරු අටක් ආරම්භයේ සිටම කොන්ත්‍රාත්  පදනම මත   බඳවා ගැනීමට කළමනාකරණ  සේවා දෙපාර්තමේන්තුවේ අනුමැතිය  ගෙන තිබුණද එම බඳවා ගැනීමිවලට අදාල පටිපාටී න් අනුමත කරගෙන නොතිබු  බවද කෝප් සභාපතිවරයා කීවේය.

ප්‍රසම්පාදන සහ මෙහෙයුම් යනාදී   සියලු ප්‍රධාන  තනතුරැවල  සිටි අය   කොන්ත්‍රාත් පදනම මත බඳවා ගත් අය බවද හෙතෙම පැවැසීය.

ඉහළ කළමණාකාරිත්වය කොන්ත්‍රාත් පදනම මත තැබීම ශුභදායී නොවන බවද  කෝප් කමිටු සභාපති  වෛද්‍ය  නිශාන්ත සමරවීර මහතා කීය

සතොස  සභාපති ආචාර්ය සමිත පෙරේරා මහතා එ් අදහස  පිළිගත්තේය

මේ අතර පසුගිය වසරේ මැතිවරණ ආසන්නයේදී ලංකා සතොස ආයතනය  සේවකයින් 850ක් නීති විරෝධී ආකාරයට  ස්ථිර කර ඇති බව පොදු ව්‍යාපාර පිළිබඳ කාරක සභාවේදී  (කෝප් කමිටුව) තොරතුරු  අනාවරණය විය.

මෙහිදී අදහස් දැක්වූ ප්‍රධාන  නිලධාරිනියක පැවසූවේ සුදුසුකම් සපුරා නැති කොටසක් එතන සිටින බවයි.

උපදේශන  අනුව  එම තනතුරැ අනුමත කර ගැනීමේ ගැටලුවක් පවතින බවද ඇය කීවාය.

ලංකා සතොස  ජ්‍යෙෂ්ඨ කළමනාකරු සිසිර ගුණවර්ධන මහතා පැවසුවේ එම ස්ථිර කිරීම් ගැටලු සහගත බවයි.

මෙහිදී අදහස් දැක්වූ කෝප් කමිටු සභාපතිවරයා පැවසුවේ අවශ්‍ය අනුමත කිරීම් සහිතව ආයතනය වැඩ කළ යුතු බවයි.

ලංකා සතොස ආයතනයේ ප්‍රධානීන් පොදු ව්‍යාපාර පිළිබඳ පාර්ලිමේන්තු කාරක සභාව හමුවට පසුගියදා කැඳවූ අවස්ථාවේදී මෙම තොරතුරු අනාවරණය විය.