ශ්‍රී ලංකාවේ සංචාරය කරන ඇමෙරිකානු ජාතිකයන් සඳහා ඇමෙරිකන් රාජ්‍ය දෙපාර්තමේන්තුව අනතුරු අගවමින් නිවේදනයක් නිකුත් කර තිබේ.

ආර්ථික අර්බුදයකට මුහුණ දෙන ශ්‍රී ලංකාව තුළ ඉන්ධන සහ ගෘහස්ත ගෑස් මෙන්ම ඇතැම් ඖෂධ සහ අත්‍යවශ්‍ය ආහාර හිඟයකට මුහුණ දෙන බව ඇමෙරිකන් රාජ්‍ය දෙපාර්තමේන්තුව නිකුත් කළ නිවේදනයේ  සඳහන් වෙයි.

අදාළ නිවේදනයේ සඳහන් වන්නේ ශ්‍රී ලංකාවේ ආර්ථික තත්ත්වය සහ ඉන්ධන පිරවුම්හල්, වෙළඳසැල් සහ ෆාමසිවල පෝලිම් සම්බන්ධයෙන්  විරෝධතා පවා හට ගන්නා බවය.

ශ්‍රී ලංකාව පුරා දෛනිකව කල්තියා සැලැසුම් කළ ආකාරයට මෙන්ම සැලැසුම් නොකළ ආකාරයට ද විදුලි කප්පාදු සිදුවිය හැකි බව ඇමෙරිකන් රාජ්‍ය දෙපාර්තමේන්තුව නිකුත් කළ නිවේදනයේ වැඩි දුරටත් සඳහන් වෙයි.