(*** සුජිත් හේවාජුලිගේ)

මෙරටේ විවාහ විය හැකි වයස අවුරුදු 18 දක්වා වැඩි කරන්නැයි යෝජනා කෙරෙන පෞද්ගලික මන්ත්‍රී පනත් කෙටුම්පතක් මාතලේ දිස්ත්‍රික් ශ්‍රී ලංකා පොදුජන පෙරමුණු පාර්ලිමේන්තු මන්ත්‍රී ප්‍රමිත බණ්ඩාර තෙන්නකෝන් මහතා විසින් පාර්ලිමේන්තුවේ මහලේකම් ධම්මික දසනායක මහතාට පාර්ලිමේන්තුවේදී ඊයේ (26) බාරදෙනු ලැබීය.

පාර්ලිමේන්තු ආරංචිමාර්ග සඳහන් කරන අන්දමට නවවැනි පාර්ලිමේන්තුව පිහිටුවීමෙන් පසුව ඊට ඉදිරිපත් කෙරුණු පළමු මන්ත්‍රී පනත් කෙටුම්පත මෙයයි.

මෙරටේ විවාහ රෙජිස්ට්‍රාර් නීතිය ද වෙනස් කරන්නැයි එම පනත් කෙටුම්පත වැඩිදුරටත් යෝජනා කර තිබෙන බව පාර්ලිමේන්තු නිලධාරීහු පවසති.

මේ පනත් කෙටුම්පත මැති සබයේදී නුදුරු දිනෙක විවාදයට ගැනීමට නියමිතය.