(ආනන්ද ඉ ජයකොඩි)

නිට්ටඹුව පොල්ගහ අගාරවත්තට ව්‍යාජ ඔප්පුවක් සකස් කොට එම වත්ත වංචනිකව අත්පත් කර ගෙන බුක්ති විඳිමින් සිටි බව කියන   සැකකාර වතු පාලකයෙකු මේ මස 22 වනදා දක්වා රිමාන්ඩ් භාරයේ රදවා තැබීමට අත්තනගල්ල අංක 02 මහේස්ත්‍රාත් තරංගා රාජපක්ෂ මහත්මිය නියෝග කළාය.

ඇස් ඒ ඩී යසපාල ධනසිරි නැමැත්තෙකු එසේ රිමාන්ඩ් කෙුණි .

නිට්ටඹුව පොලිස් වසමට අයත් අක්කර තිස් ගණනකින් යුතු පොල්ගහ අගාර  නැමැති පොල් වත්තට ව්‍යාජ ලෙස ඔප්පුවක් සකස් කොට වංචනිකව අත් පත් කර ගෙන සිටි බව කියන සිද්ධියක් පිළිබඳව  අපරාධ පරීක්ෂණ දෙපාර්තමේන්තුවේ වානිජ අපරාධ විමර්ශන අංශ 03 මගින් පරීක්ෂණ  පවත්වා සැකකරු අත් අඩංගුවට ගෙන තිබිණ.

සැකකරු කාලයක් තිස්සේ එම වත්තේ පාලකයා වශයෙන් කටයුතු කරමින් සිටින අතර තුර වත්තේ හිමි කරු කොල්ලුපිටියේදී අභිරහස් ලෙස ඝාතනය කිරීමෙන් පසුව මොහු එම වත්තට ව්‍යාජ ඔප්පුවක් සකස් කොට ගෙන වංචනිකව අත්පත් කර ගෙන සිටි බවද අධිකරණයේදී අනාවරණය විය.

අපරාධ පරීක්ෂණ දෙපාර්තමේන්තුවේ වානිජ අපරාධ විමර්ශන අංශය 03 පොලිස් සැරයන් පෙරේරා මහතා කරුණු දක්වමින් මේ පිළිබඳව කර ගෙන යන පරීක්ෂණ කටයුතු අවසන් වී නැති බව කියා සිටියේය.

නැවත කැඳවීම මේ මස 22 වනදාට කල් තැබිණ.

අපරාධ පරීක්ෂණ දෙපාර්තමේන්තුවේ වානිජ අපරාධ විමර්ශන අංශය 03 පොලිස් සැරයන් පෙරේරා මහතා පැමිණිල්ල මෙහෙය විය.