(දයාරත්න ඇඹෝගම)

තෛපොංගල් හා දුරුතු පුර පසළොස්වක පෝ දින නිමිත්තෙන් පැවති දිගු නිවාඩුවට දිවයිනේ නන්දෙසින් අනුරපුර පුදබිමට පැමිණි ලක්ෂ සංඛ්යානත සංචාරකයන් ජයසිරිමා බෝධි පරිශ්රරය ඇතුළු අටමස්ථානය අසල කැළි කසල තැන් තැන්වල දමා පරිසරය වනසා දමා ගොස් ඇති ආකාරය දැකිය හැකිවිය.

ශ්රී  මහා බෝධීන් වහන්සේගේ දකුණු ප්රගවේශ මාර්ගයේ ඓතිහාසික දකුණු දාගැබ ප්රීදේශය කසළ ගොඩක් බවට පත්ව තිබේ. අටමස්ථානයේ අනෙකුත් සිද්ධස්ථාන අසල තත්වය ද එසේමය. 

කොරෝනා වසංගත තත්වය මඳක් සමනය වී ඇති නිසාත් ඒ වෙනුවෙන් පනවා තිබූ සෞඛ්යග නීති රීති යම් තරමකින් ළිහිල්වීමත් නිසා පසුගිය දීර්ඝ සති අන්තයේ දිවයිනේ නන් දෙසින් ලක්ෂ සංඛ්යානත පිරිසක් අනුරාධපුර පුදබිම වෙත පැමිණියහ.

 විශාල හා කුඩා කණ්ඩායම් වශයෙන් වාහනවලින් පැමිණි ඇතැම් “ සැදැහැවතුන් ” තමන් නිවසින් ගෙනා දේ කා බී එම දවටන සියල්ල ඒ ඒ තැන්වල දමා යාමෙන් මෙම තත්වය උදාවී තිබේ. කැළිකසල අදාල බඳුන්වලට පමණක් දමන්න යැයි දැන්වීම් පුවරු සවිකර භාජන තබා තිබුණ ද දේශීය සංචාරකයෝ ඒවා තඹයකට මායිම්කර ඇති බවක් පෙනෙන්නට නැතැයි බොහෝ පිරිස් චෝදනා කරති.