(ඩයනා උදයංගනී)

පාස්කු කොමිෂන් සභා වාර්තාවේ නිර්දේශ ක්‍රියාත්මක කිරීමට අසමත් නීතිපතිවරයා ඒ සම්බන්ධව යුක්තිය ඉල්ලා සටන් කරන අයව අත්අඩංගුවට ගැනීමට ක්‍රියාකරමින් සිටින බව මැල්කම් කාදිනල් රංජිත් කොළඹ අගරදගුරුතුමෝ පැවසූහ.

නීතිපතිවරයෙක්, පොලිස්පතිවරයෙක් සිටින්නේ දේශපාලනකයගේ ඕනෑ එපාකම් පිරිමසන්නට නොව සමාජයේ ජනතාවට සේවය කරන්න සහ නීතියේ ආධිපත්‍යය ආරක්ෂා කිරීමට බවත්, ඔවුන් ඒ වගකීම ඉටුනොකිරීම ගැන ලැජ්ජා වන බවත් කී කාදිනල්තුමෝ ඉදිරියේදී පුරවැසි අයිතීන් සහ මහජන ආරක්ෂාව සම්බන්ධයෙන් අපි අධිකරණයේ පිහිට පැතීමට බලාපොරොත්තු වන බව ද සඳහන් කළහ.

රජයේ කුමන්ත්‍රණකාරී කටයුතු හඳුනාගෙන අවශ්‍ය වෙලාවේ සුදුසු ප්‍රතිචාරය දක්වන්නැයි තමන් ජනතාවගෙන් ඉල්ලා සිටින බව ද අගරදගුරුතුමෝ කීහ.

කාදිනල්තුමන් මේ බව පැවසුවේ කොළඹ පිහිටි අගරදගුරු නිල නිවසේදී අද (15) පැවති මාධ්‍ය හමුවක් අමතමිනි.