(යොහාන් භාසුර)
දියර කිරි ලීටරයක් සඳහා ගොවීන්ට ගෙවන මුදල රුපියල් 7 කින් ඉහළ දැමීමට තීරණය කර ඇතැයි මිල්කෝ සමාගමේ උසස් නිළධාරියෙක් ලංකාදීපයට පැවැසීය.
කිරි ගොවීන්ගේ වියදම් පසුගිය කාලය පුරා ඉහළ යාම නිසා කිරි ලීටරයකට ගෙවන මුදල වැඩි කරන ලෙස ඉල්ලීම් කර තිබූ බවත් ඒ හේතුවෙන් කිරි මිලදී ගැනීමේ මිල ඉහල දැමීමට තීරණය කළ බවත් එම නිලධාරියා කීය.
දියර කිරි ලීටරයක් මිලදී ගන්නා මිල ඉහළ දැමීමත් සමග කිරි සැපයුම තවදුරටත් වැඩි වනු ඇතැයි බලාපොරොත්තු වන බවත් එම නිලධාරියා වැඩි දුරටත් පැවසීය.
COMMENTS
Reply To:
Sisira - cb chds hcdsh cdshcsdchdhd
කිරි ගොවියාට ඉහළ මිලක් ගෙවීම සුදුසු නමුත් දේශීයව නිෂ්පාදනය කරනු ලබන කිරිපිටි මිල විශාල ප්රමාණයකින් ඉහළ දැමීම පාරිභෝගිකයාට දැරිය නොහැකිය. දේශීය කිරිපිටි නිෂ්පාදනය කිරීම වැඩි කොට පාරිභෝගිකයාට සහනයක් සැලසීමට බලධාරීන් කටයුතු කළ යුතුයි.
ටෙට්රා පැක් දියර කිරි ලීටරයක මිල රුපියල් 260 -300ත් අතර. ගොවීන්ගෙන් මිලදී ගන්නේ කීයටද? මේ වෙනස අසාධාරණ බව පේන්නේ නැතිද? මීට වඩා අඩු මිලට දියර කිරි බෙදාහැරීම කලොත් පිටිකිරි වෙලඳාම අඩුකළ හැකියි...
හැම එකක්ම වැඩි කරන්න නම් ආණ්ඩුවක් කුමටද? ආණ්ඩුවක් කළ යුත්තේ නිෂ්පාදන වියදම අඩුකරන්න වැඩපිලිවෙළවල් හරහා නිෂ්පාදකයාත්, පාරිභෝගිකයාත් ආරක්ෂා කරන එක නේද?
මිල්කො එකෙ සභාපති මහත්තය කියනවා පිටිකිරි කිලො එකක් හදන්න දියර කිරි ලීටර් 8ක් යනවා කියල. එතකොට පිටි කිරි පැකට් එකක් 1000ක් උනත් ඒක 8න් බෙදුවම 125යි ලීටරයක් වෙන්නෙ. නමුත් පිටි කිලෝව 1000ක් වෙන්නෙ නැ. මිල වැඩි කිරිමට කලින්. මම එතුමාටම කමෙන්ට් එකක් දැම්ම ඔය ටික කියල. එතකොට ගොවියාගෙන් ගන්නෙ මෙයාල 100ට හරිද... 100ට අරගෙන පිටි කිරි හදන්න ලීටරයක් 125ක වගෙ ගානට යොදවන්න පුලුවන්, හැබැයි දියට කිරි මිනිසුන්ට බොන්න කියල එක 290යි. කෙලින්ම රුපියල් 190ක් මෙයාලට.. පැකට් එකටයි බෙදාහැරීම සහ වියදම් සියල්ලට 100ක් තියාගත්තත් ඕක 200ට දෙන්න පුලුවන්. කිරි ගොවියාට රුපියල් 7ක් වැඩිකරල මොකක්ද මේ පෙන්වන්න යන්නෙ පිටි වැඩි කලෙ ගොවියාට වැඩියෙන් දෙන නිසා කියන එකද. නැ. එක්කො මෙයාලත් කරන්නෙ රටින් ගේන පිටි මෙහෙ නම ගහල දෙන එක, එක්කො ආනයනයකරුවන්ට සහ ඒ අදාල් ආයතන වලට වෙලඳපොල තියාගන්න උදව් කරන එක. වෙන මොකක්ද මෙහෙ නිශ්පාදන නම් මිල වැඩි කරන්නෙ ඔය විදියට.. ?