(නිමල කොඩිතුවක්කු)

රටේ පවතින ආර්ථික අර්බුදය සහ ඩොලර් හිඟය හේතුවෙන් අමුද්‍රව්‍ය නොමැතිවීමෙන් කර්මාන්තශා සහ ඉදිකිරීම් පවත්වාගෙන යාම අවදානමකට ලක්ව ඇත.

ඇඟලුම්, විදුලි උපකරණ නිෂ්පාදන, කුළුබඩු ආශ්‍රිත නිෂ්පාදන, බේකරි ඇතුළු කර්මාන්ත ගණනාවක් මේ වන විට වැසී යාමේ අවදානමක් ලක්ව තිබේ.

ඇතැම් භාණ්ඩ නිෂ්පාදනයට අවශ්‍ය අමුද්‍රව්‍ය වලින් 90% ක පමණ ප්‍රමාණයක් අපනයනය කිරීමට සිදුව ඇතැයි නිශ්පාදකයෝ පවසති.

පවතින උග්‍ර ඩොලර් හිඟය හේතුවෙන් අමු ද්‍රව්‍ය අපනයනය කිරීමට නොහැකි වීම නිසා කර්මාණ්ත බොහෝමයක් වැසීයාමේ අවධානමක් පවතින බව ශ්‍රී ලංකා එක්සත් ජාතික ව්‍යාපාරිකයන්ගේ සංසදයේ සභාපති ටානියා අබේසුන්දර මහත්මිය පැවසුවාය.

ක්ෂේත්‍ර ගණනාවකම අමුද්‍රව්‍ය සංචිත මේ මාසය තුළ අවසන් වීමට නියමිත බැවින් මෙරට කර්මාන්ත විශාල ප්‍රමාණයක් වැසී යාමේ අවදානමකට ලක්ව ඇති බවත් අබේසුන්දර මහත්මිය පැවසුවාය.

දළ දේශීය නිෂ්පාදිතයෙන් සියයට 51 ක පමණ ප්‍රමාණයක් සුළු හා මධ්‍ය පරිමාණ ව්‍යවසායකයන් විසින් දරනු ලබයි.

ඉන් සියයට 20ක් පමන ඇගලුම් ක්ෂේත්‍රයෙන් සැපයෙන අතර බිලියන 1000 කට අධික මුදලක් ඉන් ආර්ථිකයට සැපයේ.

නියමිත දිනට ජාත්‍යන්තර ඇනවුම් ලබාදීමට නොහැකිවීම හමුවේ මෙරටට ලැබෙන ඇඟළුම් ඇණවුම් පහත වැටීමෙන් එම කර්මාන්තශාලා ද වැසීයාමේ අවදානමක් මතුව තිබේ.

මෙම තත්ත්වය තුළ ඇඟළුම් කර්මාන්තය බිඳවැටුණහොත්, එහි සෘජු රැකියාවල නිරත ශ්‍රමිකයින් 350,000කට සහ වක්‍ර රැකියාවල නිරත සැපයුම් ක්ෂේත්‍රයේ මිලියනයකට අධික පිරිසකට ආදායම් අහිමිවීමේ අවදානමක් මතුව ඇත.