(අංජුල මහික වීරරත්න සහ සුජිත් හේවාජුලිගෙ)

එක්සත් ජනපද නියෝජිත මන්ත්‍රී මණ්ඩලයේ ප්‍රජාතන්ත්‍රවාදී එකමුතුවේ  විධායක අධ්‍යක්ෂ ඩෙරෙක් ලුයිටන්  මහතා ඇතුළු සාමාජිකයෝ පාර්ලිමේන්තුවේදී කථානායක වෛද්‍ය ජගත් වික්‍රමරත්න මහතා හමුවූහ. 

මේ අවස්ථාවට ශ්‍රී ලංකාවේ ඇමරිකා තානාපති ජූලි චන්ග්  මහත්මිය ද සහභාගී වූවාය.

ශ්‍රී ලංකා පාර්ලිමේන්තුවේ  දින දෙකක වැඩසටහනකට සහභාගී වී සිටින මෙම  එක්සත් ජනපද නියෝජිත මන්ත්‍රී මණ්ඩලයේ ප්‍රජාතන්ත්‍රවාදී එකමුතුවේ නිලධාරීහු  ඔවුන්ගේ ක්‍රියාකාරීත්වය පැහැදිලි කරමින් ,වර්තමානය වන විට ලොව පුරා  ව්‍යවස්ථාදායක 15 ක් සමග සහයෝගයෙන් කටයුතු කරන බව පැවැසුහ. 

අයවැය අධීක්ෂණය සහ මූල්‍ය වගකීම, ඵලදායී  ලෙස  කාරක සභා  ක්‍රියාත්මක වීම , නීති කෙටුම්පත් කිරීම සහ ක්‍රියා පටිපාටිය, සහ පර්යේෂණ සහ ප්‍රතිපත්ති සකස් කිරීම ආදී විවිධ ක්‍රියාවලින්  සඳහා  ව්‍යවස්ථාදායකයන්ට  අවශ්‍ය  සහාය ලබාදීම   අරමුණ බව  ඔවුහු පැවසුහ.