2025 ජුලි මස 17 වන බ්‍රහස්පතින්දා
(ජී ඩබ්ලිව් කේ ප්‍රේමතිලක ද සිල්වා)
ඉදිරියේ දී රට තුළ ඇති විය හැකි ආහාර හිඟයට පිළියම් වශයෙන් ගාල්ල දිස්ත්‍රික්කය තුළ යාන්ත්‍රණයක් සැකසිය යුතු බව අද (01) පැවැති ගාල්ල දිස්ත්‍රික් විශේෂ කෘෂිකර්ම කමිටුවේ දී තීරණය විය.
ඉදිරියේ දී ඉන්දියාව වැනි රට වලින් ආහාර ආනයනය සීමා සහිත වන බැවින් රට තුළ ආහාර සංචිත ඉහළ අගයක පවත්වාගෙන යෑම වැදගත් වන බව ද ඒ සඳහා අවශ්‍ය කඩිනම් පිළියම් යෙදිය යුතු බව ද මෙම කෘෂිකර්ම කමිටු රැස්වීමේදී සාකච්ඡා විය.
මෙහි දී දිස්ත්‍රික්කයේ පවතින පුරන් කුඹුරු අඳුනා ගැනීම එම පුරන් කුඹුරු වල වගා කළ හැකි අතිරේක බෝග හදුනා ගැනීම ප්‍රධාන ඉලක්කයක් බව ද දිස්ත්‍රික් ලේකම් වරයා පැවසීය.
ඉදිරි දින 30 තුලදී මෙම වගා කටයුතු ආරම්භ කළ යුතු බව ද කී දිස්ත්‍රික් ලේකම්වරයා දිස්ත්‍රික්කයේ මේ මොහොතේ ආහාර අවශ්‍යතාව සහ නිෂ්පාදන පරතරය ගණනය කිරීම සිදු කළ යුතු බව ද පැවසීය.
ඉදිරි මාසය තුළ දී වගා කළ හැකි බෝග වර්ග හඳුනා ගෙන ඒ අනුව වගා කටයුතු සිදු කළ යුතු බව ද අනාවරණය විය.
එම කටයුතු සඳහා පුහුණුව සහ උපදෙස් අවශ්‍ය පරිදි ලැබී තිබෙන හෙයින් විශේෂ පුහුණුවක් අවශ්‍ය නොවන බව ද වගා සංග්‍රාමය කඩිනමින් ක්‍රියාත්මක කළ යුතු බව ද ලේකම්වරයා කීය.
මෙම අවස්ථාවට ගොව් ජන සේවා සහකාර කොමසාරිස් , දිස්ත්‍රික් කෘෂිකර්ම අධ්‍යක්ෂ , දිස්ත්‍රික් වාරිමාර්ග අධ්‍යක්ෂක ඇතුළු නිලධාරීන් පිරිසක් එක්ව සිටියහ.
2025 ජුලි මස 15
154
0
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
2025 ජුලි මස 14
359
0
ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු
2025 ජුලි මස 14
157
0
ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
ආහාර නිෂ්පාදනය ඉහළ දැමීම ගැන ගාල්ලේ දී සාකච්ඡාවක්
lalithm Wednesday, 01 April 2020 10:58 AM
පුරන් කුඹුරුවල වෙන දේවල් වවන්න මෙතෙක් කල් ඉඩ දුන්නේ නැහැ. වී ගොවිතැ් කරලා පලක් නැති වුනාම අපි කුඹුරුවල එළවලු වවන්න ගත්ත. තහනම් කලා. පෙත්සම් කාරයෝ හින්ද. දැන්වත් කෘෂිකරුමේ මහා මොළ කාරයින්ට වැටහුනා නම් ලොකු දෙයක්.