දියත

යෝධ නිදිකුම්බා මධ්‍යම පළාත ගිලගැනීමට සැරසෙයි

මධ්‍යම පළාතේ සීඝ‍්‍රයෙන් ව්‍යාප්ත වන ‘‘මී මොසා පිග්රා ’’ යන උද්භිද විද්‍යාත්මක නාමයෙන් හැදින්වෙන යෝධ නිදිකුඹ්බා ශාකය පරිසර පද්ධතියට දැඩි බාධාවක් එල්ල කරන බව පරිසර සංවිධාන පෙන්වා දෙයි.

කෝටියක මත්කුඩු සමග පකිස්තාන ජාතිකයකු අත්අඩංගුවට

ඩුබායි සිට කටුනායකට ගුවනින් රැගෙන එනු ලැබු රුපියල් කෝටියක් පමණ වටිනා බ්‍රව්‍රන් ෂුගර් වර්ගයට අයත් හෙරොයින් මත්කුඩු කිලෝ 01ක් සමග පකිස්තාන ජාතිකයෙකු අද(14) රේගු මත්ද්‍රව්‍ය කාර්යංශය විසින් ගුවන්තොටුපලේදි අත්අඩංගුවට ගනු ලැබිණි.

ඉන්දීය නෞකාවක් දකුණු මුහුදු තීරයේ ජලමාන සමීක්ෂණයක

ශ්‍රී ලංකා-ඉන්දියා නාවික හමුදා අතර පවතින සහයෝගීතාව පිළිබිඹු කරමින් ඉන්දියානු නාවික හමුදාව ශ්‍රී ලංකාවේ වැලිගම මුහුදු බොක්ක හා දකුණු මුහුදු තීරය ආශ්‍රිතව ඒකාබද්ධ ජලමාන සමීක්ෂණයක් පවත්වා ඇත. මාස දෙකක් පුරා කරන ලද මෙම සමීක්ෂණයෙන් නාවික සැතපුම් 7000 ක පමණ ජලමාන සමීක්ෂණ දත්ත එකතු කර තිබේ.

මත්ද්‍රව්‍ය අපරාධකරුවන් අල්ලන්න මහජන සහය පතයි

පොලිස් මත්ද්‍රව්‍ය නාශක කාර්යංශයේ නිලධාරීන් පිරිසකට පිළියන්දලදී වෙඩි තැබූ බවට සැක කරන දෙදෙනකුගේ ඡායාරූප විමර්ශන කණ්ඩායම් විසින් පොලිස් චිත්‍ර ශිල්පියකු ලවා සිතුවම් කරනු ලැබ තිබේ.

දිය පොදක් සොයා තැන තැන යති

වසර 17 කට පසු දරුණු නියඟයකින් තමන් පිඩා විඳින බව ඉඟිනිමිටිය ඇතුළු ගම්මාන 15 ක වැසියෝ පවසති. ඉඳහිට වැසි කිපයක් ලැබුණත් එය කිසි ලෙසකින්වත් ප්‍රමාණවත් නොවු බවත් මේ වන විට පවුල් 5,000ත් 15,000ත් අතර සංඛ්‍යාවකට බිමට ජලය නොමැතිව දැඩි පිඩාවට පත්ව සිටින බවත් ප්‍රදේශවාසීහු කියති.

කැබිනට් සංශෝධනය කරන තුරු කැබිනට් රැස්වීම් අත්හිටුවයි

කැබිනට් සංශෝධනයක් කරන බවට තමන් ජනතාවට පොරොන්දු වී ඇති බැවින් කැබිනට් සංශෝධනයේ පොරොන්දුව ඉටුකරන තුරු සතිපතා කැබිනට් හමු නොපවත්වන බවට ජනපතිවරයා ප්‍රකාශ කර තිබේ. අගමැතිවරයාගේ චීන සංචාරයෙන් පසුව යෝජිත කැබිනට් සංශෝධනය කිරීමට ජනපති මෛත්‍රීපාල සිරිසේන මහතා හා අගමැති රනිල් වික්‍රිමසිංහ මහතා තීරණය කර ඇත.

ගුරු - විදුහල්පති ගැටළුවලට විසඳුම් ඉල්ලා මහ සමුළුවක්

ශ්‍රී ලංකා විදුහල්පති සේවයට අදාළව අධ්‍යාපන අමාත්‍යංශයෙන් මෙතෙක් නොවිසඳූ ගැටළු විසඳීමට බල කරමින් මහ සමුළුවක් පැවැත්වීමට තීරණය කළ බව ගුරු-විදුහල්පති වෘත්තීය සමිති එකමුතුව කියයි.

සයිටම් ආයතනයට සිසුන් බඳවා ගැනීම නවත්වන්නැයි රජය ඉල්ලයි

පෞද්ගලික වෛද්‍ය අධ්‍යාපනය සහ සයිටම් ආයතනය විධිමත් කිරිම සම්බන්ධයෙන් රජය ගෙන ඇති ප්‍රතිපත්තිමය තීරණ ක්‍රියාත්මක කරන තෙක් නවක සිසුන් බඳවා ගැනිම අත්හිටුවන්නැයි සයිටම් ආයතනයෙන් රජය ඉල්ලීමක් කර තිබේ. විශ්ව විද්‍යාල ප්‍රතිපාදන කොමිසම හා උසස් අධ්‍යාපන අමාත්‍යාංශය හරහා රජය මෙම ඉල්ලීම කර තිබේ.

දෙවොල් දෙකක් බිඳ ලක්ෂ 5 ක බඩු සොරකම් කරති

මඩකලපුව කාත්තාන්කුඩි ආරයම්පදියේ දේවාල දෙකක් එකම අවස්ථාවේ කඩා වටිනා පහන් හා දේවාලයේ භාණ්ඩ සොරකම් කර ඇතැයි කාත්තාන්කුඩි පොලිසිය පවසයි.

හෙලිකොප්ටර් යානා ගොඩබැස්වීමේදී ඇතිවූ දේපළ හානිය ගැන පැමිණිලි 10 ක්

ඉන්දියානු අගමැති නරේන්ද්‍ර මෝදි මහතා සමග පැමිණි එම්අයි-17 වර්ගයේ හෙලිකොප්ටර් යානා ගොඩබැස්වීමේදී හැටන් ඩන්බාර් ක්‍රීඩාංගණයේ තාප්පයක් කඩා වැටිමෙන් නිවාස වලට සිදුවු අලාභය සම්බන්ධයෙන් සමනළගම ගම්වාසින් 10 දෙනකු හැටන් පොලිසියට පැමිණීළි 10 ක් ඉදිරිපත් කර ඇතැයි හැටන් මුලස්ථාන පොලිස් පරික්‍ෂක පුෂ්පකුමාර හෙට්ටිආරචිචි මහතා පවසයි.

ඉන්දීය අගමැතිගේ නෝර්වුඩ් කතාව බෙදුම්වාදයට රුකුලක් - විශ්ව විද්‍යාල ආචාර්යවරු

ඉන්දීය අගමැති නරේන්ද්‍ර මෝදි මහතාගේ නෝර්වුඩ් කතාව බෙදුම්වාදයට රුකුලක් යැයි, ජාතික විශ්ව විද්‍යාල ආචාර්ය සංගමයේ ප්‍රධාන ලේකම් ආචාර්ය චන්න ජයසුමන මහතා නිවේදනයක් නිකුත් කරමින් කියා සිටියි.

අධිවේගී මාර්ගයේ අනතුරෙන් කතක් මියයයි

දක්ෂිණ අධිවේගී මාර්ගයේ කළුතර දකුණ ප්‍රදේශයේදී කන්ටේනර් රථයක් හා වෑන් රථයක් ගැටී සිදූවූ අනතුරකින් කාන්තාවක මියගොස් තවත් දෙදෙනකු තුවාල ලබා ඇත. දානමය පිංකමක් සඳහා යමින් සිටි වෑන් රථයේ ගමන් ගත් කාන්තාවක බරපතල තුවාල ලබා ඇති අතර එහි රියදුරු කම්පනය හේතුවෙන් රෝහල් ගත කර සිටී.

ඉන්දීය අගමැති ගියත් හෙළිකොප්ටරය නවතී

ශ්‍රී ලංකාවේ සංචාරය කළ ඉන්දීය අගමැති නරේන්ද්‍ර මෝදි මහතා සිකුරාදාම පිටත්ව ගියේය. එහෙත් ඉන්දීය අග්‍රාමාත්‍යවරයාගේ භාවිතය සදහා මෙරටට ගෙන්වු ඉන්දීය ගුවන් හමුදාවට අයත් හෙලිකොප්ටර් යානයක ඇති වු කාර්මික දෝෂයක් නිසා එය මේ වන විට මහනුවර අස්ගිරිය පොලිස් ක්‍රිඩාංගනයේදී නවත්වා තිබේ.

සයිටම් විරෝධී රැළියට බාධා කිරීමෙන් ගම්පහ උණුසුම් වෙයි

අන්තර් විශ්වවිද්‍යාලයීය ශිෂ්‍ය බලමණ්ඩලය ඇතුළු සිවිල් සංවිධාන එක්ව ගම්පහ දුම්රිය නැවතුම්පොළ ඉදිරිපිට පැවැත්වීමට ගිය සයිටම් විරෝධී රැළියට පොලිසියෙන් බාධා කිරීම නිසා ගම්පහ උණුසුම් තත්ත්වයක් ඇතිවිය.

සාමනේර හිමිවරු පිණ්ඩපාත චාරිකාවක

රබර් කර්මාන්තශාලාවේ ගින්නෙන් නිවාස වලටත් හානි

මහරගම ඇරැව්වලදී අද අලුයම රබර් කර්මාන්ත ශාලාවක ඇති වූ ගින්නකින් අසල නිවාස කීපයකට ද හානි සිදුව ඇතැයි මහරගම පොලිසිය කියයි.

කහ ඉර මතදී යතුරු පැදියේ හැපුණු දරුවා මියයයි

ගලේවෙල තලකිරියාගම විහාරස්ථානය ඉදිරිපිට පදික මාරුවෙන් ගමන් ගනිද්දී යතුරු පැදියක ගැටී අනතුරට පත් නව හැවිරිදි දරුවා අද මාතලේ රෝහලේ දී මිය ගියේය.

නේපාල ජනාධිපතිනී සැපැත්වෙයි

එක්සත් ජාතීන්ගේ වෙසක් දින සැමරුම් සමාප්ති උළෙලට සහාභාගී වීමට නේපාල ජනාධිපතිනී බිද්‍ය දේවී භන්දාරි මහත්මිය මීට සුළු මොහොතකට කලින් කටුනායක ගුවන්තොටුපොළින් ශ්‍රී ලංකාවට පැමිණියාය.

නිධාන් ගන්න ගිය හතරක් අත්අඩංගුවට

බිබිල නාගල නාමිරිත්තකැටිය ගම්මානයේ නිවසක් පිටුපස ගල්තලාවක නිධානයක් හාරමින් සිටි බව කියන පුද්ගලයින් සිව්දෙනෙකු පෙරදින 12 දින රාත්‍රි අත්අඩංගුවට ගත් බව පොලීසිය කියයි.

වෛද්‍ය සභා භූමියෙන් අත්බෝම්බයක් සොයාගනී

කොළඹ මරදානේ පිහිටි ශ්‍රී ලංකා වෛද්‍ය සභා භූමියේ තිබී පුපුරා නොගිය අත් බෝම්බයක් සොයාගත් බව පොලිසිය කියයි.

අගමැති රනිල් චීනයට

අග්‍රාමාත්‍ය රනිල් වික්‍රමසිංහ මහතා අද අලුයම චීනයේ සංචාරයක් සඳහා පිටත්ව ගියේය.

ඡන්දදායකයන් ලියාපදිංචි කිරීමේ පනතේ ව්‍යවස්ථානුකූලබව විමසා ශ්‍රෙෂ්ඨාධිකරණයට පෙත්සමක්

පාර්ලිමේන්තුවේ අනුමැතිය සඳහා ඉදිරිපත් කර තිබෙන ඡන්දදායකයින් ලියාපදිංචි කිරීමේ විශේෂ විධිවිධාන පනත් කෙටුම්පතෙහි ව්‍යවස්ථානුකූලභාවය පිළිබඳව විමසා බලන ලෙස ඉල්ලා ශ්‍රේෂ්ඨාධිකරණයට විශේෂ පෙත්සමක් ගොනු කර තිබේ.

ඉන්දීය අගමැති මෝදි පිටත්ව යයි

ජාත්‍යන්තර වෙසක් උත්සවය වෙනුවෙන් ශ්‍රී ලංකාවට පැමිණ සිටි ඉන්දීය අගමැති නරේන්ද්‍ර මෝදි මහතා ඇතුළු පිරිස අද(12) පස්වරු 5.35ට කටුනායක ගුවන්තොටුපළින් යළි ඉන්දියාව බලා පිටත්ව ගියහ.

පෝස්ටර් ඇලවූ තරුණයන් රඳවාගැනීම හෙළාදකී

වෘත්තිකයන්ගේ ජාතික පෙරමුණ මගින් මුද්‍රණය කළ පෝස්ටරයක් අලවමින් සිටි තරුණයන් දෙදෙනකු බොරැල්ල නගරයේ දී අත් අඩංගුවට ගෙන රඳවාගෙන සිටීම තරයේ හෙළා දකින බව එම පෙරමුණ නිවේදනයක් නිකුත් කරමින් කියා සිටී.

ඩෙංගු ප්‍රතිකාර කරන්න කුරුණෑගල රෝහල අවටින් ආධාර ඉල්ලයි

කුරුණෑගල රෝහලේ පවතින ඩෙංගු අවදානම හේතුවෙන් රෝහල් පරිශ්‍රය හා ඒ අවට ඩෙංගු අවදානම් කලාපයක් ලෙස ප්‍රකාශයට පත් කරන්නැයි කුරුණෑගල රෝහලේ අධ්‍යක්ෂ වෛද්‍ය චන්දන හැඳගස්ගමුව මහතා සෞඛ්‍ය සේවා අධ්‍යක්ෂ ජනරාල්වරයාගෙන් ඉල්ලීමක් කර ඇත.

ඉන්දීය අගමැති පැමිණි හෙලිකොප්ටරය ගොඩබැස්වීමේදී කාන්තාවකට තුවාල

ඉන්දීය අගමැති නරේන්ද්‍ර මෝදි මහතා පැමිණී ඉන්දිය ගුවන් හමුදාවට අයත් හෙලිකොප්ටර් යානය හැටන්හි ඩන්බාර් කි‍්‍රඩාංගණයට ගොඩ බැස්සවීමේ දී කි‍්‍රඩාංගණය අසල සමනලගම ගම්මානයේ නිවාස තුනක වහලවල් සම්පුර්ණයෙන්ම කැඩි ගොස් එම නිවාස වලට දැඩි අලාභ හානි සිදුව ඇත.

පාවෙමින් තිබූ කිලෝ 9 ක හෙරොයින් පාර්සලයක් සොයාගනී

හෙරොයින් මත්කුඩු කිලෝ ග්‍රෑම් 9.3 ක් අඩංගු පාර්සලයක් උතුරු මුහුදේ පාවෙමින් තිබියදී අද (12) පස්වරුවේ නාවික හමුදාව විසින් සොයාගෙන ඇතැයි නාවික හමුදාව කියයි.

ශ්‍රී ලංකාවට ජී.එස්.පී ප්ලස් දීමට යුරෝපා සංගමයේ අනුමැතිය

ශ්‍රී ලංකාවට ජී.එස්.පී ප්ලස් තීරුබදු සහනය ලබාදීමට යුරෝපා සංගමයේ විදේශ සහ වෙළෙඳ අමාත්‍යවරුන්ගේ කවුන්සිලයේ අනුමැතිය හිමි වූ බව විදේශ කටයුතු නියෝජ්‍ය අමාත්‍ය ආචාර්ය හර්ෂ ද සිල්වා මහතා පැවැසීය.