එසැණ පුවත්

බැඳුම්කර වාර්තාව පාර්ශ්ව තුනකට පමණයි - කතානායක

ජනාධිපති ලේකම් කාර්යාලය මගින් මහබැංකු බැඳුම්කර ගනුදෙනුව පිළිබඳ ජනාධිපති කොමිෂන් සභා වාර්තාව ලබාදී ඇත්තේ මහබැංකුවට, නීතිපති දෙපාර්තමේන්තුවට සහ පාර්ලිමේන්තුවට පමණක් බව ජනාධිපති ලේකම්කාර්යාලය සඳහන් කළ බව කථානායක කරු ජයසූරිය මහතා පාර්ලිමේන්තුවට දැනුම්දුන්නේය.

23 January 2018

දණගැස්වීමේ සිද්ධිය විමර්ශනයට සර්ව පාක්ෂික කමිටුවක්

විදුහල්පතිවරියක් දණ ගැස්වූයේ යැයි කියන සිද්ධිය සම්බන්ධයෙන් තවදුරටත් විමර්ශනය කිරීම සඳහා අධ්‍යාපන ආංශික අධීක්ෂණ කාරක සභාව යටතේ සර්ව පාක්ෂික කමිටුවක් පත්කිරීමට තීරණය කර තිබේ.

23 January 2018

වික්ටර් රත්නායකගේ බිරියගෙන් ඇප අයැදුමක්

තංගල්ලේ රාජ්‍ය බැංකුවක තැන්පත් කොට තිබූ රුපියල් ලක්‍ෂ 12 1/2 කට අධික රන් භාණ්ඩ අතුරුදන් වීමේ සිද්ධියක් සම්බන්ධයෙන් සැකපිට රිමාන්ඩ් බාරයට පත් කොට සිටින ගායක වික්ටර් රත්නායක මහතාගේ බිරිඳට ඇප නියම කරන්නැයි ඉල්ලමින් තංගල්ල මහාධිකරණයට අද ඇප අයැදුමක් ඉදිරිපත් කරනු ලැබීය.

23 January 2018

වරෙන්තුකරු අල්මාරියෙන් පොලිස් කූඩුවට

ළමා අපයෝජන සිද්ධියක් සම්බන්ධයෙන් අත්අඩංගුවට ගැනීමට සොයමින් සිටි වරෙන්තුකරුවකු නිවසේ අල්මාරියක් ඇතුළේ සැඟවී සිටියදී අද අත්අඩංගුවට ගත් බව තලාතුඔය පොලිසිය කියයි.

23 January 2018

කුඩු ජාවාරම්කරුවකුට මරණ දඬුවම

ඉන්දියාවේ සිට බෝට්ටු මඟින් ලංකාවට ගෙන්වන හෙරොයින් කොළඹ පුරා බේදාහැරි කුඩු ජාවාරම් කරුවෙකුට කොළඹ මහාධිකරණ විනිසුරු ගිහාන් කුලතුංග මහතා අද මරණ දඬුවම නියම කළේය.

23 January 2018

මත්පැන් ගැසට්ටුව ගැන ස්වර්ණා මල්ලවආරච්චිත් උසාවි යයි

කාන්තාවන්ට මත්පැන් අලෙවිහල්වල සේවය කිරීම හා මිලදී ගැනීමට තිබූ තහංචි ඉවත් තරමින් නිකුත් කළ ගැසට් නිවේදන දෙක අවලංගු කිරීමට ගත් තිරණයෙන් සම අවස්ථා අයිතීන් උල්ලංඝණය වී ඇතැයි කියමින් ප‍්‍රවීන සිනමා නිළි ස්වර්ණා මල්ලවආරච්චි ඇතුළු තවත් කාන්තාවෝ 21 දෙනෙක් අද ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කළහ.

23 January 2018

නවකවධයට පක්ෂ 9ක් රිමාන්ඩ්

නවක වධයට විරුද්ධ වූ පේරාදෙණිය විශ්ව විද්‍යාලයේ සිසුන් පිරිසකට පහර දුන්නේයැයි කියන සිසුන් නව දෙනකු බ්‍රහස්පතින්දා (25) තෙක් රිමාන්ඩ් කරන ලෙස මහනුවර ප්‍රධාන මහේස්ත්‍රාත් ඉන්දික අත්තනායක මහතා නියෝග කළේය.

23 January 2018

වැටුප් වැඩි කරන්නැයි ජල සේවකයෝත් සටනට

මේ වසරට නියමිත වැටුප් වැඩිවීම කඩනමින් සිදු නොකළහොත් පෙබරවාරි මුල් සතියේ සිට වෘත්තීය ක‍්‍රියාමාර්ග වලට අවතීර්ණය වන බව ජල සම්පාදන වෘත්තීය සමිති ඒකාබද්ධ සන්ධානය අවධාරණය කරයි.

23 January 2018

පද්මාවත් තිරගත කරන්න ශ්‍රේෂ්ඨාධිකරණයෙන් නියෝග

‘පද්මාවත්’ චිත්‍රපටය තිරගත කිරීම නවත්වන්නැයි ඉල්ලමින් රාජස්ථාන හා මධ්‍ය ප්‍රදේශ් කළ අභියාචනය ප්‍රතික්ෂේප කරමින් චිත්‍රපටය තිරගත කිරීමට දුන් තීන්දුව ඒ අයුරින්ම ක්‍රියාත්මක කළ යුතු යැයි ඉන්දීය ශ්‍රේෂ්ඨාධිකරණය අද (23) එම ප්‍රාන්ත දෙකට නියෝග කළේය.

23 January 2018

සයිටම් ගැන තවත් සාකච්ඡාවක් 26 වැනිදා

මාලබේ පෞද්ගලික වෛද්‍ය විද්‍යාල උපාධිය පිළිබඳ ජනාධිපති උප කමිටු වාර්තාව දැනට ලැබී ඇති බවත් , ඒ පිළිබඳව වැඩිදුර සාකච්ඡාවක් මේ මස 26 වැනිදා ශ්‍රී ලංකා වෛද්‍ය සභාවේ දී පවත්වන බවත් නීතිපති අද ශ්‍රේෂ්ඨාධිකරණයට දැනුම් දුන්නේය.

23 January 2018

ඔසරිපොටේ වාර්තාව ගඟේ ගියාද ?

ලොව දිගම ඔසරි පොටේ සිදුවීම සම්බන්ධයෙන් මධ්‍යම පළාත් ආණ්ඩුකාරවරියගේ නියෝගය අනුව සිදුකළ වාර්තාවක් සකස් කර මීට සති දෙකකට පෙර ආණ්ඩුකාර කාර්යාලයට යොමු කළ බව මධ්‍යම පළාත් අධ්‍යාපන දෙපාර්තමේන්තුව කියයි. ආණ්ඩුකාරවරියගේ නියෝගය අනුව පළාත් අධ්‍යාපන බලධාරීන්ගෙන් වාර්තාවක් ඉල්ලුවද එම වාර්තාව මෙතෙක් ලැබී නැති බව ආණ්ඩුකාර ලේකම් තිස්ස කරුණාරත්න මහතා පවසයි. මේ අනුව එම වාර්තාවට කුමක් සිදුවීදැයි ගැටළුවක් මතුවී තිබේ.

23 January 2018

ජම්පරේ ඇඳගන්න සූදානම් වෙන්නැයි ඩිව් රවීට කියයි

බැඳුම්කර විමර්ශන ජනාධිපති කොමිසමට බොරු සාක්ෂි ලබාදීම සම්බන්ධයෙන් ජම්පරේ ඇඳගෙන හිරේ යන්න ලෑස්ති වෙලා ඉන්නැයි රවි කරුණානායක මහතාට මතක් කර සිටින බව හිටපු අමාත්‍ය සහ කෝප් කමිටුවේ හිටපු සභාපති ඩිව් ගුණසේකර මහතා අද (23) පැවසීය.

23 January 2018

හම්බන්තොට උපවාසකරුවන්ට ලක්ෂ 10ක වන්දි

හම්බන්තොට වරාය පෞද්ගලික සමාගම් දෙකකට බදුදීම හේතුවෙන් රැකියා අහිමිවීම නිසා උපවාසයක යෙදී සිටි පිරිසට රුපියල් ලක්‍ෂ 10 බැගින් වන්දි ලබාදීමටත්, 135 දෙනෙකු සුදුසුකම් මත වරාය අධිකාරියට බඳවා ගැනීමටත් පොරොන්දු වූ බව ශ්‍රී ලංකා නිදහස් පක්‍ෂයේ උප ලේකම්, වරාය හා නාවුක කටයුතු අමාත්‍ය මහින්ද සමරසිංහ මහතා පැවසීය.

23 January 2018

සිරිපා රක්ෂිතයේ පාසටහන් ගැන පුරාවිද්‍යා විමර්ශනයක්

ශ්‍රී පාද රක්‍ෂිතයේ ගල් තලාවක් මතින් මතුවු පා සටහන් දෙක සම්බන්ධයෙන් පුරාවිද්‍යා දෙපාර්තමේන්තුව පරික්‍ෂණයක් ආරම්භ කර තිබේ.

23 January 2018

බැඳුම්කර - බරපතළ වංචා වාර්තා දෙකම සභාගත කරයි

මහ බැංකු බැඳුම්කර ගනුදෙනුව සම්බන්ධයෙන් පත්කළ ජනපති කොමිසමේ වාර්තාව හා බරපතල වංචා හා දූෂණ පිළිබඳ වාර්තාව අද (23) පාර්ලිමේන්තුවේ සභාගත කරනු ලැබීය.

23 January 2018

ඌව මහ ඇමැතිට ඇප

බදුල්ල දෙමළ බාලිකා විද්‍යාලයයේ විදුහල්පතිනියට බලපෑම් කර දණගැස්වීයැයි කියන සිද්ධිය සම්බන්ධයෙන් සැකපිට අධිකරණයට ඉදිරිපත් කළ ඌව මහ ඇමැති චාමර සම්පත් දසනායක මහතා ඇප මත මුදා හරින ලෙස බදුල්ල මහේස්ත්‍රාත් නයන්ත සමරතුංග මහතා නියෝග කළේය.

23 January 2018

මාරක රිය පැදවු විනිසුරුට ලක්ෂ 2 ක ඇප

මාරක රිය අනතුරකින් කාන්තාවකට මරු කැඳවා 17 හැවිරිදි පාසල් සිසුවියකට බරපතල තුවාල සිදුකිරිමේ චෝදනාවට රිමාන්ඩ් කළ විශ්‍රාමික හිටපු මහාධිකරණ විනිසුරුවරයකු ඇප මත මුදාහැරීමට වාරියපොළ මහේස්ත්‍රාත් ශ්‍රිමතී රාජපක්ෂ මහත්මිය අද (23) නියම කළාය.

23 January 2018

ජවිපෙ නායක අනුර කෝටි 100 ක් වන්දි ඉල්ලයි

තමන්ට සිදු කළ අපහාසයක් වෙනුවෙන් හිටපු අමාත්‍ය ජොන්ස්ටන් ප්‍රනාන්දු මහතාගෙන් සහ පෞද්ගලික නාලිකවකින් (දෙරණ) මිලියන 500 බැගින් මිලියන 1000ක වන්දි ඉල්ලා ජනතා විමුක්ති පෙරමුණ නායක අනුර කුමාර දිසානායක මහතා අද (23) කොළඹ දිසා අධිකරණය හමුවේ පැමිණිල්ලක් ගොනු කරන ලදී.

23 January 2018

පොහොට්ටුවේ පෙත්සම් පහම විසිවේ

පළාත් පාලන මැතිවරණයේදී පානදුර, මහියංගනය,අගලවත්ත, තිරප්පනේ, වැලිගම, යන පළාත් පාලන ආයතනයන් සඳහා ශ්‍රී ලංකා පොදුජන පෙරමුණේ නාම යෝජනා පත්‍ර ප්‍රතික්ෂේප කිරීමට එරෙහිව ගොනු කොට ඇති මූලික අයිතිවාසිකම් පෙත්සම් 5 ක් අද (23) ශ්‍රේෂ්ඨාධිකරණය විසින් විභාගයට නොගෙනම ඉවත දමන ලදී.

23 January 2018

ඇමෙරිකාව යළි වැඩ අරඹයි

කොංග්‍රස් සභාවේ පැවති ඡන්ද විමසීමෙන් පසු ඇමෙරිකා එක්සත් ජනපදයේ අත්‍යාවශය සේවා ඇතුළු රජයේ කටයුතු නැවත යථා තත්ත්වයට පත්ව තිබේ.

23 January 2018

ගෝඨාගේ පෙත්සම සලකාබැලීම කල් යයි

මූල්‍ය අපරාධ කොට්ඨාසය විසින් මිග් යානා ගනුදෙනු ඇතුළු සිද්ධීන් කිහිපයක් සම්බන්ධයෙන් තමන් අත්අඩංගුවට ගැනීමේ සූදානමක් පවතින බැවින් එය වළක්වන නියෝගයක් නිකුත් කරන්නැයි ඉල්ලා හිටපු ආරක්ෂක ලේකම් ගෝඨාභය රාජපක්ෂ මහතා විසින් ගොනු කර තිබූ මූලික අයිතිවාසිකම් පෙත්සම සලකා බැලීම ලබන මැයි 31 වැනි දා තෙක් කල් දැමීමට ශ්‍රේෂ්ඨාධිකරණය අද (23) තීන්දු කළේය.

23 January 2018

කතරගම සිද්ධිය ගැන ඇමැතිගෙන් පොලිස්පතිට දොස්

කතරගම සිද්ධිය ගැටුමක් දක්වා වර්ධනය නොවී පාලනය කර ගැනීමට නොහැකිවීම ගැන නීතිය හා සාමය ඇමැති සාගල රත්නායක මහතා පොලිස්පති පුජිත් ජයසුන්දර මහතාට දෝෂාරෝපණය කර තිබේ.

23 January 2018

බැඳුම්කර විවාදයේ දින තීරණයට පක්ෂ නායක රැස්වීමක්

බැදුම්කර විවාදයට දින තීරණය කිරීම සඳහා වන පක්‍ෂ නායක රැස්වීමක් හෙට (24) පැවැත්වෙන බව ශ්‍රී ලංකා නිදහස් පක්‍ෂයේ උප ලේකම්, වරාය හා නාවික කටයුතු අමාත්‍ය මහින්ද සමරසිංහ මහතා පැවසීය.

23 January 2018

විරෝධතාකරුවෝ ලෝටස් පාර අහුරති

පෞද්ගලීකරණය නොකරන ලෙස ඉල්ලා රජයේ තක්සේරුකරුවන්ගේ සංගමය සංවිධානය කළ පාගමන අද (23) මරදානේ සිට මේවන විට කොළඹ කොටුවට පැමිණෙමින් තිබේ.

23 January 2018

ඌව මහ ඇමැති පොලිසියට බාරවෙයි

විදුහල්පතිනියක් දණ ගැස්වීමේ සිද්ධියක් සම්බන්ධයෙන් උෟව මහ ඇමැති චාමර සම්පත් දසනායක මහතා මීට සුළු මොහොතකට පෙර බදුල්ල පොලිසියට බාර විය.

23 January 2018

මෙවර ලෝක සෞඛ්‍ය දිනය ලංකාවේ

මේ වසරේ ලෝක සෞඛ්‍ය දිනය ශ්‍රී ලංකාවේ සැමරීමට ලෝක සෞඛ්‍ය සංවිධානය තීරණය කළ බව ජිනීවා හි එක්සත් ජාතීන්ගේ ශ්‍රී ලංකා නිත්‍ය නියෝජිත කාර්යාලය සඳහන් කරයි.

23 January 2018

කන්ද උඩරට බයිලා රජු කළුරිය කරයි

දිවයිනේ ජනපි‍්‍රය පොප් ගායක හා දකුණු ඉන්දියාවේ චිත‍්‍රපට නළු ඒ.ඊ මනෝහරන් මහතා ඊයේ (22) රාති‍්‍ර ඉන්දියාවේ චෙන්නායි නගරයේදී අභාවප‍්‍රාප්ත විය.

23 January 2018

නේපාල යුද හමුදාපති මුලතිව් ආරක්ෂක ප්‍රධානීන් හමු වෙයි

නේපාල රජයේ යුද හමුදාපති ජනරල් රාජෙන්ද්‍ර චෙට්රි මහතා අවසන් යුද්ධය පැවති මුලිතිව්හි වත්මන් තත්ත්වය පිළිබඳ අවබෝධයක් ලබා ගැනීම වෙනුවෙන් මුලතිව් ආරක්ෂක සේනා මූලස්ථානයේ නිරීක්ෂණ චාරිකාවකට එක් විය.

23 January 2018