එසැණ පුවත්

ගම්පහ දිස්ත්‍රික් මහ රෝහලේ විරෝධතාවයක්

ගම්පහ දිස්ත්‍රික් මහ රෝහලෙහි නියෝජ්‍ය අධ්‍යක්ෂ ප්‍රියන්ත ඉලේපෙරුම මහතා කිසිදු හේතුවකින් තොරව රාගම රෝහලට මාරු කිරීමට එරෙහිව අද (18) දහවල් රෝහල් පරිශ්‍රයේදී විරෝධතාවයක් පැවැත්වූහ.

18 October 2021

නව ආණ්ඩුක්‍රම ව්‍යාවස්ථාව ලබන වසරේ

නව ආණ්ඩුක්‍රම ව්‍යවස්ථා කෙටුම්පත ලබන වසරේ රජයට ඉදිරිපත් කිරීමට බලාපොරොත්තු වන බවත් අභිනව ආණ්ඩුක්‍රම ව්‍යවස්ථාව කොටුම්පත සකස් කර නීති කෙටුම්පත් දෙපාර්තමේන්තුවට යොමු කර ඇති බවත් විදේශ අමාත්‍ය මහාචාර්ය ජී. එල්. පීරිස් මහතා පැවසීය.

18 October 2021

‘‘හැකි නම් 21 පාසල් විවෘත කර පෙන්වන්න‘‘

ගුරු විදුහල්පති වැටුප් ප්‍රශ්නයට විසඳුමක් නොදීම නිසා ලබන 21 වෙනිදා සිට වැඩ වර්ජනයක් ආරම්භ කරන බව ගුරු විදුහල්පති වැටුප් විෂමතාවයට එරෙහිව ජාතික එකමුතුවේ කැඳවුම්කරු උලපනේ සුමංගල හිමියෝ පැවසූහ.

18 October 2021

‘ත්‍රි‘මලේ වී ගොවීන්ට ගොවි සංවිධාන වලින් බලපෑම්‘

ත්‍රිකුණාමලය දිස්ත්‍රික්කයේ මෙවර මහ කන්නයට වී වගා කිරීමට ගොවිබිම් සූදානම් කර ඇති ගොවීන්ට වී ගොවිතැන් නොකරන ලෙස ඇතැම් ගොවි සංවිධානවලින් බලපෑම් එල්ලවීඇතැයි කෘෂිකර්ම අමාත්‍යාංශයට පැමිණිලි ලැබී තිබෙන බව කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය.

18 October 2021

මිචෙල් බැචලේ යළි ලංකාව ගැන කතා කරයි

ශ්‍රී ලංකාවේ තවදුරටත් පුද්ගලයන් අතුරුදන් කරවීම පිළිබද නොවිසිදුණු ගැටලු පවතින බව මානව හිමිකම් පිළිබද එක්ස්ත් ජාතීන්ගේ මහකොමසාරිස් මිචෙල් බැචලේ මහත්මිය එක්සත් ජාතීන්ගේ මහා මණ්ඩලය හමුවේ ප්‍රකාශ කරනු ලැබ ඇත.

18 October 2021

බලපත්‍ර නැතිව ගෙනා සීනි ටොන් 3500 ආපසු යවයි

ආනයන බලපත්‍ර නොමැතිව මෙරටට රැගෙන ආ සීනි කන්ටේනර් 130ක් ගොඩ බෑමට රජය අවසර නොදීම නිසා එම සීනි තොගය ප්‍රති අපනයනය කර ඇත.

18 October 2021

දෙසැම්බර් තෙක් විනෝද ගමන් එපා

අඩු තරමින් දෙසැම්බර් අවසන් වනතෙක්වත් විනෝද ගමන් බිමන්වලින් වළකින්නැයි සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා ජනතාවගෙන් ඉල්ලීමක් කරයි.

18 October 2021

පොදු ප්‍රවාහනය තව කල් දමන්න

කොවිඩ් -19 රෝගය සැලකිය යුතු ලෙස පාලනය කරන තෙක් පොදු ප්‍රවාහන සේවා ආරම්භ කිරීම තවදුරටත් කල්දැමිය යුතු බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පවසයි

18 October 2021

මග මරුවාට ඊයේ හතක් බිලි

මාරක රිය අනතුරුවලින් පුද්ගලයන් හත් දෙනකු ඊයේ දින මියගොස් ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ තල්දූව මහතා පැවසීය.

18 October 2021

“අපි ගුරුවරුන්ට උපරිමයෙන් කළා’’

ගුරු - විදුහල්පති වැටුප් ප්‍රශ්නයට රජය මේ අවස්ථාවේදී දියහැකි උපරිම විසඳුම දී ඇති බවත් රට ආර්ථික වශයෙන් අපහසුතාවට පත්ව ඇති මේ අවස්ථාවේදී මීට වඩා දෙයක් කළ නොහැකි බවත් විදේශ අමාත්‍ය මහාචාර්ය ජී. එල්. පීරිස් මහතා පැවසීය.

18 October 2021

‘‘පැයකට ළමා අපචාරයක් වෙනවා නම් අපි සීලාචාරද‘‘?

එක් දිනකදී මේ රටේ ළමා අපචාර 25ක් පමණ සිදු වෙනවා. ඒ කියන්නේ පැයකදී ළමා අපචාර එකකට වඩා සිදුවන බව ජනමාධ්‍ය අමාත්‍ය ඩලස් අලහප්පෙරුම මහතා පවසයි.

18 October 2021

බන්ධනාගාර රැඳවියන්ට දෑත් සෝදන්න සබන්

බන්ධනාගාර තුළ සිටින රැඳවියන් සඳහා දෑත් පිරිසිදුකාරක දියර වෙනුවට වහාම ක්‍රියාත්මක වන පරිදි සබන් භාවිත කිරීමට පියවර ගත් බව බන්ධනාගාරය කොමසාරිස් පාලන මාධ්‍ය ප්‍රකාශක චන්දන ඒකනායක මහතා පැවසීය .

18 October 2021

ඖෂධ අධිකාරියේ දත්ත මකූ ඉංජිනේරුවා යළි රිමාන්ඩ්

ජාතික ඖෂධ නියාමන අධිකාරියේ දත්ත මකා දැම්මැයි රක්ෂිත බන්ධනාගාර ගත කර සිටි එපික් ලංකා ටෙක්නොලොජීස්’ ආයතනයේ මෘදුකාංග ඉංජිනේරුවරයා ලබන 25 වැනිදා තෙක් තවදුරටත්රක්ෂිත බන්ධනාගාර ගත කිරීමට කොළඹ ප්‍රධාන මහේෂ් බුද්ධික ශ්‍රී රාගල මහතා නියෝග අද (18) කළේය .

18 October 2021

වැඩ වර්ජිත ගුරු - විදුහල්පතිවරු 25 සේවයට

ලබන 25 වැනි දා සේවයට වාර්තා කිරීමට ගුරු විදුහල්පති සමිති එකමුතුව අද තීරණය කර ඇතැයි වෘත්තීය සංගම් පවසයි.

18 October 2021

ලොරි -ලොරි හැපී පහක් රෝහලේ

මුන්දලම මංගලඑළිය ප්‍රදේශයේ දී 17 දින සවස එළවළු ප්‍රවාහනය කරමින් තිබු ශීතාගාර සහිත ලොරියක් හා කුකුළු පොහොර ප්‍රවාහනය කරමින් තිබු ලොරි රථයක් මුහුණට මුහුණ ගැටිමේන් පස් දෙනකු තුවාල ලබා හලාවත මහ රෝහලට ඇතුලත් කල බව මුන්දලම පොලිසිය කියයි.

18 October 2021

ගොවීන්ගේ හඬට කන් දීමට සූදානම්

ගොවීන්ගේ හඬට සවන් දීමට රජය සූදානම් යැයි වරාය හා නාවික කටයුතු පිළිබඳ අමාත්‍ය රෝහිත අබේගුණවර්ධන මහතා පැවසීය.

18 October 2021

මෙරට පළමු ටෙස්ට් නායක බන්දුල දිවිසැරිය නිමා කරයි

ශ්‍රී ලංකාවේ පළමු ටෙස්ට් ක්‍රිකට් නායකයා වන බන්දුල වර්ණපුර මහතා අද (18) පෙරවරුවේ කොළඹ පෞද්ගලික රෝහලකදී අභාවප්‍රාප්ත විය.

18 October 2021

“ඉන්ධන මිල ඉහළ දාන්නේ නෑ’’

ඉන්ධන මිල ඉහළ දැමීමට අපේක්ෂා නොකරන බවට රජය තමාට දැනුම් දී ඇතැයි ඛනිජ තෙල් නීතිගත සංස්ථාවේ සභාපති නීතිඥ සුමිත් විජේසිංහ මහතා පැවැසීය.

18 October 2021

අද දවසේ කාලගුණය

කළුතර, ගාල්ල සහ මාතර දිස්ත්‍රික්කවල අද (18) විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පවසයි.

18 October 2021

පුරාවිද්‍යා භූමියේ සී සාලා

ක්‍රිස්තු පූර්ව 238දී ඉදි කළ බව කියන මිහින්තලේ ඓතිහාසික සුලුගුලු විහාරය වටා ඇති පුරාවිද්‍යා ස්මාරක සහිත භූමිය එහි විහාරාධිපති හිමියන් ට්‍රැක්ටර් දෙකක් යොදවා සී සෑමක් සිදුකළේ යැයි කියන සිද්ධියක් සම්බන්ධයෙන් අවට ගම්මාන තුනක වැසියෝ එම විහාරස්ථානය වැටලූහ .

18 October 2021

‘‘ෆයිසර්‘‘ එන්නත් ලක්ෂ හයක් කටුනායකට

ශ්‍රී ලංකාව ඇමෙරිකාවෙන් මිලට ගත් ’’ ෆයිසර් ’’ එන්නත් මාත්‍රා 608,000 ක් අද අලුයම කටුනායක ගුවන් තොටුපළ රැගෙන ආ බව ගුවන් තොටුපළ කාර්යය භාර නිලධාරීවරයා ද ප්‍රකාශ කළේය.

18 October 2021

හෙලිවුඩ් අධ්‍යක්ෂණයට ගිය අපේ කොල්ලා

ඇමෙරිකා එක්සත් ජනපදයේ වෙසෙන ශ්‍රී ලාංකික සිනමා නිර්මාණකරුවකු වූ ලක්පති විජේසේකර අධ්‍යක්ෂණය ලද හොලිවුඩ් චිත්‍රපටයක් වූ ’’ ෆ්‍රී බයි නූන්’’ (free by noon ) නැමැති චිත්‍රපටය මේ දිනවල ඇමෙරිකාවේ තිරගත කෙරේ.

17 October 2021

අයි.ඕ.සී. ඉන්ධන මිල වැඩි කරන්නැයි ඉල්ලයි

ලෝක වෙළෙඳපොලේ ඛනිජ තෙල් මිල ඉහළ යෑමට සාපේක්‍ෂව ඉන්ධන මිල වැඩි කිරීමට ලංකා ඉන්දියන් ඔයිල් සමාගම (අයි.ඕ.සී.) රජයෙන් ඉල්ලීමක් කර තිබේ.

17 October 2021

වී කිලෝවකට රුපියල් 70වක මිලක්

එළඹෙන කන්නයේ වී කිලෝවකට රුපියල් 70 ක් ලබාදීමට රජය තීරණය කර ඇතැයි කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය.

17 October 2021

කොරෝනා ආසාදිතයන් 453ක්

කොවිඩ් ආසාදිත රෝගීන් තවත් 453 දෙනකු අද (17) හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

17 October 2021

කුසිනාරාවට ජාත්‍යාන්තර ගුවන්තොටක්

ඉන්දියාවේ කුෂිනගර් ජාත්‍යාන්තර ගුවන්තොටුපොළ මෙම මස 20 වැනි දින අග්‍රාමාත්‍ය නරේද්‍ර මෝදි මහතාගේ ප්‍රධානත්වයෙන් විවෘත කෙරෙන අතර ඊට ශ්‍රී ලංකාවේ විශේෂ ආරාධිතයා ලෙස ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතා සහභාගී වීමට නියමිතය

17 October 2021

කෘෂි ඇමැතිට විශ්වාස භංගයක්

පොහොර කලට වේලාවට ලබා නොදී ගොවීන්ගේ විශ්වාසය කඩ කළ කෘෂිකර්ම අමාත්‍ය මහින්දානන්ද අලුත්ගමගේ මහතාට එරෙහිව විශ්වාසභංග යෝජනාවක් පාර්ලිමේන්තුවට ළඟදීම ඉදිරිපත් කිරීමට කටයුතු කරන බව පාර්ලිමේන්තු මන්ත්‍රී තිස්ස අත්තනායක මහතා පැවසීය.

17 October 2021

රට රටවල කොරෝනා ගැන වාර්තා

ලොවපුරා රට රටවලින් අවසන් සතියේ වාර්තා වූ කෝවිඩ් - 19 වයිරස ආසාදිතයන් ප්‍රමාණය සංසන්දය කිරීමට කැනඩාවේ පදිංචි ආචාර්ය නිමල් රාජපක්ෂ මහතා වාර්තාවක් සකසා ඇත.

17 October 2021