එසැණ පුවත්

තවත් වෙඩික්කරුවෙක් ගුවන්තොටේදී අත්අඩංගුවට

මනුෂ්‍ය ඝාතන රැසකට සම්බන්ධ බව කියන ’වැලිගම සහන්’ නැමැත්තා අපරාධ පරීක්‍ෂණ දෙපාර්තමේන්තුවේ නිලධාරීන් කණ්ඩායමක් ඊයේ (28) රාත්‍රී කටුනායක ගුවන් තොටුපොළේදී අත්අඩංගුවට ගනු ලැබීය.

29 July 2025

‘සුමේධ‘ තවත් සද්ධන්තයෙකු සමඟ ගැටෙයි

පොළොන්නරුව මින්නේරිය ජාතික වන උද්‍යානය නිජබිම කරගත් සුමේධ ඇතා මින්නේරිය ජාතික වන උද්‍යානයේ මින්නේරිය වැව් රක්ෂිතයේ සැරිසරමින් සිටි තවත් වන අලියෙකු සමඟ ඊයේ (28 ) ගැටෙන අයුරු දකින්නට ලැබිණි.

29 July 2025

පිසී ගේ නිවසේ මත් පෙති ගබඩාවක්

බොරලැස්ගමුව බෙල්ලන්විල ප්‍රදේශයේ සිය නිවසේ මත් පෙති ගබඩාවක් පවත්වාගෙන ගිය පොලිස් කොස්තාපල්වරයෙකු ඇතුළු තිදෙනකු රුපියල් කෝටි 2 කට ආසන්න වටිනා මත්පෙති තොගයක් සමග අත්අඩංගුවට ගත් බව පොලිසිය කියයි.

29 July 2025

ගුවන් සේවිකාවකට ගිය ආණ්ඩුවකින් ලොකු තෑගි මල්ලක්

ගුවන් සේවිකාවක බව කියන තැනැත්තියක 2010- 2015 කාලසීමාවේදී ජනාධිපති ලේකම් කාර්යාලයේ ව්‍යාපෘති සම්බන්ධීකාරක වශයෙන් බදවා ගෙන ඇයට වැටුපට අමතරව ඉන්ධන සහ ප්‍රවාහන දීමනාව වශයෙන් රුපියල් විසිතුන් ලක්ෂ අනූ හතර දහස් හාරසිය හැටක මුදලක් චක්‍රලේඛ විධි විධාන නොතකා ගෙවා ඇතැයි කියන සිද්ධියක් සම්බන්ධයෙන් ජනාධිපති ලේකම් කාර්යාලය පරීක්ෂණයක් ආරම්භ කර ඇත.

29 July 2025

අනතුරක් කර රෝගියා මහමඟ දමා ගියැයි තිදෙනකු අල්ලයි

ත්‍රී රෝද රථයක ගැටී බරපතල තුවාල ලැබූ පදිකයකු රෝහල් ගත නොකර මාර්ගයේ දමා යාමෙන් ඔහුගේ මරණය සිදුකළ පුද්ගලයන් තිදෙනෙකු පෑලියගොඩ ‍පොලිසිය මගින් අත්අඩංගුවට ගෙන ඇත.

29 July 2025

අස්වැසුම වැඩිහිටි දීමනාව හෙට ගිණුම් වලට

ජුලි මසට අදාල අස්වැසුම ප්‍රතිලාභී පවුල් වල වැඩිහිටි දීමනාව අදාල අස්වැසුම ප්‍රතිලාභීන්ගේ බැංකු ගිණුම් වලට හෙට( 30) බැර කරන බව සුබ සාධක ප්‍රතිලාභ මණ්ඩලය පවසයි.

29 July 2025

අද කාලගුණය

බස්නාහිර සහ සබරගමුව පළාත්වලත් නුවරඑළිය, මහනුවර, ගාල්ල සහ මාතර දිස්ත්‍රික්කවලත් වැසි ස්වල්පයක් ඇති විය හැකි බව කාලගුණවිද්‍යා දෙපාර්තමේන්තුව කියයි.

29 July 2025

යටිනුවර ප්‍ර.ස. විපක්ෂ නායක-බිරිය-දියණිය අභිරහස් ලෙස මැරිලා

යටිනුවර ප්‍රදේශීය සභාවේ විපක්ෂ නායක ( ස.ජ.බ) චම්පික විජෙරත්න( 53) , ඔහුගේ බිරිඳ සහ දියණිය ,ඔවුන් පදිංචි මුරුතලාව කම්බිඅඩිය නිවසේ අභිරහස් ලෙස මියගොස් සිටියදී සොයාගත් බව පේරාදෙණිය පොලීසිය කියයි.

29 July 2025

නාවලපිටියේ කර්මාන්ත ශාලාවක ගින්නක්

ගම්පොළ නාවලපිටිය මාර්ගයේ පිහිටි කුඩ කර්මාන්තත ශාලාවක විශාල ගින්නක් හට ගෙන ඇති බව මහනුවර ගිනි නිවීමේ ඒකකය කියයි.

28 July 2025

හිටපු ඩි.අයි.ජි ප්‍රියන්ත ජයකොඩි අත්අඩංගුවට

විශ්‍රාමික ජ්‍යෙෂ්ඨ නියෝජ්‍ය පොලිස්පති ප්‍රියන්ත ජයකොඩි මහතා අපරාධ පරීක්‍ෂණ දෙපාර්තමේන්තුව අත්අඩංගුවට ගත් බව පොලිස් මාධ්‍ය ප්‍රකාශක සහකාර පොලිස් අධිකාරී උදය කුමාර වුට්ලර් මහතා ‘ලංකාදීප’යට පැවසීය.

28 July 2025

’’ අනුරගේ දක්ෂ නායකත්වය ලංකාව වඩා ශක්තිමත් කරාවි’’

අනුර කුමාර ජනපතිගේ දක්ෂ නායකත්වය යටතේ ශ්‍රී ලංකාව වඩාත් ශක්තිමත් ආර්ථිකයක් කරා ගමන් කරනු ඇතැයි විශ්වාස කරන බව මාලදිවයින් ජනාධිපති ආචාර්ය මොහමද් මුයිසු මහතා පැවසීය.

28 July 2025

මාලදිවයින් ආයෝජකයන්ට ලංකාව විශ්වාසදායක තැනක්

මාලදිවයින් ආයෝජකයන්ට සැමවිටම ආයෝජන සඳහා විශ්වාසදායක ස්ථානයක් ලෙස ශ්‍රී ලංකාව දෙස බැලිය හැකි බව ජනාධිපති අනුර කුමාර දිසානායක මහතා මාලදිවයිනේ දී පැවසීය.

28 July 2025

මාලදිවයින් - ලංකා ද්විපාර්ශවික ගිවිසුම් දෙකක්

මාලදිවයිනේ රාජ්‍ය සංචාර‍යක නිරත ජනාධිපති අනුර කුමාර දිසානායක මහතා සහ මාලදිවයින් ජනාධිපති ආචාර්ය මොහමද් මුයිසු (Dr Mohamed Muizzu) මහතා අතර ද්වීපාර්ශ්වික සාකච්ඡා මාලදිවයින් ජනාධිපති කාර්යාලයේදී පැවැත්විණි.

28 July 2025

යුරෝපා සංගමයට ට්‍රම්ප්ගෙන් ලොකු සහනයක්

යුරෝපා සංගමයේ අපනයන සඳහා පනවා තිබූ සියයට 30 ක තීරු බද්ද සියයට 15 දක්වා පහළ දැමූ බව ඇමරිකා ජනපති ඩොනල්ඩ් ට්‍රම්ප් පසුගියදා ප්‍රකාශ කළේය.

28 July 2025

RMV අසල අල්ලස් ගත් තැ‍රැව්කරු රිමාන්ඩ්

යතුරුපැදියක ලියාපදිංචි පොත සංශෝධනය කරදීම සඳහා අල්ලස් කොමිසමේ නිලධාරියෙකුගෙන් රුපියල් තිස්දහසක මුදලක් ඉල්ලා රුපියල් දස දහසක අල්ලසක් ලබා ගත්තේ යැයි කියන නාරාහෙන්පිට මෝටර් රථ ප්‍රවාහන දෙපාර්තමේන්තු කාර්යාලය අසල ගැවසෙන තැ‍රැව්කරුවෙකු ලබන 05 දින දක්වා රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් තනුජා ලක්මාලී ජයතුංග මහත්මිය අද (28) නියෝග කළාය.

28 July 2025

බොරැල්ල අනතුරේ දොඹකරයේ අයිතිකරු අත්අඩංගුට

බොරැල්ල ප්‍රදේශයේදී අපරික්ෂාකාරීව පැමිණි දොඹකරයක් මාර්ග සංඥාවලට නවතා තිබූ යතුරුපැදි 6 ක් සහ මෝටර් රථ 3 ක් අනතුරට ලක්වීමේ සිද්ධිය සම්බන්ධයෙන් දොඹකරයේ හිමිකරු අත්අඩංගුවට ගත් බව බොරැල්ල පොලිසිය පවසිය.

28 July 2025

ජනපති ගිය යානයෙන්ම නාමලුත් මාලේ ගිහින්

ජනාධිපති අනුර කුමාර දිසානයක මහතා තෙදින නිල සංචාරයක් සඳහා මාලදිවයින බලා ගමන් ගත් යානයෙන්ම ශ්‍රී ලංකා පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රජපක්ෂ මහතා ද අද පෙරවරුවේ මාලදිවයින බලා පිටත්ව ගොස් ඇත.

28 July 2025

ත්‍රි’මලේ අල් - ෆලාහ් දරුවෝ ජනපති මන්දිරයට

ත්‍රිකුණාමලයේ අල්-ෆලාහ් විද්‍යාලයේ සිසු දරුදැරියන් හට සිය පාසල් අධ්‍යාපන චාරිකාවට සමගාමීව ජනාධිපති ලේකම් කාර්යාලය විසින් සංවිධානය කෙරෙන ‘Vision’ වැඩසටහනට සහභාගි වීමටද අද (28) අවස්ථාව උදා විය.

28 July 2025

තිළිණි පියමාලි ඇප මත මුදා හරියි

ප්‍රසිද්ධ ව්‍යාපාරික කාන්තාවක වන තිළිණි පියමාලි රුපියල් ලක්ෂ දෙකක ශරීර ඇපයක් මත මුදා හරින්නැයි හෝමාගම ප්‍රධාන මහේස්ත්‍රාත් රජීන්ද්‍රා ජයසූරිය මහත්මිය නියෝග කළාය.

28 July 2025

ඖෂධ ගැන පරීක්ෂා කරන්න ජංගම දුරකථන යෙදවුමක්

ඕනෑම ඖෂධයක් පරීක්ෂා කරගත හැකි SLADA දුරකථන යෙදුම නුදුරේදීම එළි දැක්වීමට නියමිත බව ශ්‍රී ලංකා උත්තේජක මර්දන නියෝජ්‍යායතනය පවසයි.

28 July 2025

හිටපු නාවික හමුදාපති උළුගේතැන්න අත්අඩංගුවට

පොතුහැර ප්‍රදේශයේදී පුද්ගලයකු පැහැරගෙන යාමේ සිද්ධියක් සම්බන්ධයෙන් කරගෙන යනු ලබන විමර්ශනයකට අනුව හිටපු නාවික හමුදාපති අද්මිරාල් නිශාන්ත උළුගේතැන්න මහතා අපරාධ පරීක්ෂණ දෙපාර්තමේන්තුවේ නිලධාරීන් විසින් අද (28) අත්අඩංගුවට ගනු ලැබීය.

28 July 2025

’’වෙසක් දිනය’’ ගැන දැනුවත් කරන්න ඇමෙරිකාවෙන් දූත පිරිසක්

ටෙක්සාස් ප්‍රාන්ත රජය විසින් ප්‍රකාශයට පත් කර ඇති 2026 වසරේ මැයි 15 දින ජාත්‍යන්තර ’’වෙසක් දිනය’’ පිළිබද ශ්‍රී ලංකාවේ ජනාධිපතිවරයා සහ රජය දැනුවත් කිරීම සදහා ඇමෙරිකා එක්සත් ජනපදයේ ටෙක්සාස් ප්‍රාන්තයේ , ඩලස්හි කණ්ඩාවෝ විහාරස්ථානයේ විහාරධිපති රතනගුණ හිමියන් ප්‍රධාන බෞද්ධ දූත පිරිසක් කටුනායක ගුවන් තොටුපොළ වෙත අද (28) උදෑසන වැඩම කර සිටියහ .

28 July 2025

පළාත් ඡන්දෙට වැඩ පටන් ගනියි

පළාත් සභා මැතිවරණය පැවැත්වීමට අදාළ මූලික කටයුතු ආරම්භ කර ඇත.

28 July 2025

RMV අසල අල්ලස් ගත් තැ‍රැව්කරුවෙකු අත්අඩංගුවට

යතුරු පැදියක අනු ලියාපදිංචි සහතිකය මුල් ලියාපදිංචි ලෙස මෝටර් රථ ප්‍රවාහන දෙපාර්තමේන්තුවේ නිලධාරීන් ලවා සංශෝධනය කර දීම සඳහා රුපියල් දස දහසක අල්ලස් මුදලක් ලබා ගත් බවකියන තැ‍රැව් කරුවෙකු අත්අඩංගුවට ගත්බව අල්ලස් හෝ දූෂණ චෝදනා විමර්ශන කොමිෂන් සභාව පවසයි.

28 July 2025

නාමල් රාජපක්ෂට වරෙන්තු

හම්බන්තොට අධිකරණයේ විභාග වූ නඩුවකට පෙනී නොසිටි පාර්ලිමේන්තු මන්ත්‍රී නාමල් රාජපක්ෂ මහතාට අද වරෙන්තු නිකුත් කළේය.

28 July 2025

බොරැල්ල දොඹකර අනතුරේ රියැදුරා ගංජා ගහලා

බොරැල්ල කනත්ත හන්දිය ආසන්නයේදී එක් අයකු මරුමුවට පත් කරමින් තවත් හත් දෙනකුට බරපතල තුවාල සිදුකරමින් සිදු වූ මාරක අනතුරේ දොඹකරය පැද වූ රියදුරා ගංජා මත්ද්‍රව්‍ය පානය කර සිටි බවට වෛද්‍ය පරීක්ෂණයෙන් අනාවරණය වී යැයි බොරැල්ල පොලිසිය කියයි.

28 July 2025

හේමසිරිට - පූජිත්ට එරෙහි නඩුව යළි විභාගයට

පාස්කු ඉරු දින ත්‍රස්ත ප්‍රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම තුළින් සාපරාධී ලෙස රාජකාරිය පැහැර හැරීම සම්බන්ධයෙන් හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත් ජයසුන්දර යන මහත්වරුන්ට එරෙහිව ගොනුකර තිබෙන නඩුව සැප්තැම්බර් 18 වැනිදා යළි කැඳවීමට කොළඹ ත්‍රිපුද්ගල මහාධිකරණ විනිසුරු මඩුල්ල අද දින නියම කළා.

28 July 2025

තනතුරු හතකට උසස් නිලතල කාරක සභා අනුමැතිය

නව තානාපතිවරුන් පස් දෙනෙක් , මහ කොමසාරිස්වරයෙක් සහ අමාත්‍යාංශ ලේකම්වරියක් පත්කිරීමට පාර්ලිමේන්තුවේදී රැස් වූ උසස් නිලතල පිළිබඳ කාරක සභාවේ අනුමතිය ලබාදී ඇත.

28 July 2025