එසැණ පුවත්

ජල ටැංකියක බිළිඳු සිරුරක්

පොළොන්නරුව මහ රෝහලේ අපවාහන ජල ටැංකියක තිබී බිළිඳු මළ සිරුරක් අද (13) සොයාගත් බව පොළොන්නරුව මූලස්ථාන පොලිසිය පවසයි.

විද්‍යා පීඨ සම්මුඛ පරීක්ෂණ වලට දින නියම කරයි

ජාතික අධ්‍යාපන විද්‍යාපීඨ සඳහා ශික්ෂණලාභීන් බඳවා ගැනීමේ සම්මුඛ පරීක්ෂණ අප්‍රේල් 21 සිට මැයි 8 දක්වා අදාළ විද්‍යාපීඨයන් හී පැවැත්වෙන බව අධ්‍යාපන සහ උසස් අධ්‍යාපන අමාත්‍යංශය නිවේදනය කරයි.

කතරගම දේවලයෙන් අලුත් අවුරුද්දේ නිවේදනයක්

මෙවර උදාවූ සිංහල හා හිංදු අලුත් අවුරුදු මංගල්‍යයේ නොනගත කාලය නිමිත්තෙන් ඓතිහාසික රුහුණු මහා කතරගම දේවාලය පූජා වෙිල් දෙකක් නොපැවැත්වෙන බව බස්නායක නිළමේ කාර්යාලය නිවෙිදනය කරයි.

අවුරුදු නැකැත් සීට්ටුව මෙන්න

2026 අලුත් අවුරුදු නැකැත් සීට්ටුව බුද්ධ ශාසන ආගමික හා සංස්කෘතික කටයුතු අමාත්‍යංශය විසින් එළි දක්වා තිබේ.

තෙල් තව නැවක් කොළඹ වරායට

විදුලි බලය නිපදවීමට භාවිතා කරන දැවි තෙල් මෙට්‍රික් ටොන් තිස් දහසක් (30000) රැගත් sea adventure නෞකාව ඊයේ පස්වරුවේ කොළඹ වරාය ඩොල්පින් ජැටියට පැමිණියේය.

පොලිසියට ඔත්තු දුන්නැයි පෙදෙරේරුවාට කඩු පහර

පොලිසියට ඔත්තු ලබා දුන්නැයි උරනව තියුණු ආයුද රැගෙන තීරෝද රථයකින් පැමිණි පුද්ගලයන් තිදෙනකු බණ්ඩාරගම රයිගම ප්‍රදේශයේදී පෙදෙරේරුවකු පසුපස හඹා ගොස් සිදු කළ පහරදීමෙන් බරපතල තුවාල ලබා රෝහල් ගතකර ඇතැයි බණ්ඩාරගම පොලිසිය කියයි.

පළාත් රැසකට සවස වැස්ස

දිවයිනේ බොහෝ ප්‍රදේශවලට පස්වරු 1.00න් පමණ පසු වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

අවුරුද්දට ජල කැපිල්ලක් නෑ

සිංහල හින්දු අලුත් අවුරුද්ද වෙනුවෙන් 11 වැනිදා සිට 14 දින දක්වා ජලය නොකැපීමට ජාතික ජල සම්පත් හා ජලා පවාහන මණ්ඩලය තීරණය කර ඇත.

අවුරුද්දට ගමේ යන්න- එන්න අතිරේක බස් 1500ක්

පොලොන්නරුවේ අනතුරකින් දෙදෙනෙක් මරුට

පොළොන්නරුව මඩකලපළපුව ප්‍රධාන මාර්ගයේ වැලිකන්ද සුසිරිගම ප්‍රදේශයේ පෞද්ගලික බස් රථයක් සහ යතුරු පැදියක් මුහුණට මුහුණ ගැටී සිදු වූ අනතුරකින් යතුරු පැදියේ ගමන් ගත් දෙදෙනාම මියගොස් ඇතැයි වැලිකන්ද පොලිසිය කියයි.

‘කොකේන්‘ සමඟ විදෙස් කත අත්අඩංගුවට

රුපියල් එක් කෝටි විසිතුන් ලක්ෂ තිස් දහසක් වටිනා ’’කොකේන්’’ මත්ද්‍රව්‍ය තොගයක් , සිය සිරුරෙහි සගවා ගෙන , මෙරටට පැමිණි විදේශීය ගුවන් මගියෙකු අද(12 ) කටුනායක ගුවන් තොටුපොළ පැමිණීමේ පර්යන්තයේ සේවය කළ රේගු මත්ද්‍රව්‍ය පාළන අංශයේ නිලධාරීන් පිරිසක් විසින් අත් අඩංගුවට ගෙන තිබේ . ඇය 47 හැවිරිදි වියේ පසුවන උගන්ඩා ජාතික ව්‍යාපාරික කාන්තාවකි .

පිටකොටුවේ අලුත් බස් පොළ වැනසූ සැකකරුවා දැලේ

පිට කොටුව මධ්‍යම බස් නැවතුම්පලෙහි දේපල වලට අලාභ හානි සිදු කිරීමට සම්බන්ධයෙන් කැලණියේ පදිංචි අවුරුදු 33ක තරුණයකු අත්අඩංගුවට ගත් බව පොලිස් මාධ්‍ය කොට්ඨාශය කියයි.

බාල ගල්අඟුරු: මහජන කොමිසමෙන් දැඩි තීරණයක්

බාල ගල් අඟුරු හේතුවෙන් වැය වන අතිරේක පිරිවැය විදුලි පාරිභෝගිකයාගෙන් අය නොකිරීමට ශ්‍රී ලංකා මහජන උපයෝගීතා කොමිෂන් සභාව තීරණය කර ඇත

කොළමුණුඔයට ලොරියක් පෙරැළි දෙන්නෙක් මරුට

වාරියපොල කටුපොත මාර්ගයේ නෙළුම් කණුව , කොළමුණුඔය පාළමෙන් ලොරි රථයක් පෙරළීමෙන් එහි ගමන් කළ රියදුරා සහ සහයකයා එතැනම මියගොස් ඇතැයි පොලීසිය කියයි.

විසැඳුමකින් තොරව අවසන් වූ ඉරාන - ඇමෙරිකා සාකච්ඡා

ඉරාන - ඇමෙරිකාව අතර පකිස්ථානයේ ඉස්ලාමාබාද්හි පැවති ඉහළ පෙළේ සාම සාකච්ඡාවලදී ඇමරිකා එක්සත් ජනපදය සහ ඉරානය එකඟතාවකට නොපැමිණි බව අමෙරිකා උප ජනාධිපති ජේ.ඩී. වැන්ස් පවසයි.

‘‘ඉරානය න්‍යෂ්ඨික ප්‍රශ්නය සම්බන්ධයෙන් තවමත් කැපවීමක් නෑ‘‘

න්‍යෂ්ටික ප්‍රශ්නය සම්බන්ධයෙන් ටෙහෙරානයෙන් තවමත් කැපවීමක් දැකගත නොහැකි බව ඉරානය සමඟ සාකච්ඡා සඳහා නායකත්වය දෙන එක්සත් ජනපද උප ජනාධිපති ජේ.ඩී. වැන්ස් මහතා පවසයි.

ඇමෙරිකා-ඉරාන සාකච්ඡා ආරම්භ වේ

එක්සත් ජනපදය සහ ඉරානය අතර සටන් විරාම සාකච්ඡා පාකිස්තානයේ අගනුවර වන ඉස්ලාමාබාද්හි දී මේ වන විට ආරම්භ වී ඇතැයි එරට මාධ්‍ය වාර්තා කරයි.

දිනුම අරන් ගෙදර එද්දි නොඑන ගමන් යයි

සංවර්ධන ලොතරැයි මණ්ඩලය මගින් දිනුම් අදිනු ලබන ලොතරැයිපතකට ඇදුණු රුපියල් ලක්‍ෂ දහයේ දිනුම ලබා ගැනීමට තවත් මිතුරෙකු සමග යතුරුපැදියකින් ලොතරැයි මණ්ඩලයට ගොස් පැමිණීමෙන් සිටියදී හොරණ පොකුණුවිට වැලිගම්පිටිය ප්‍රදේශයේදී යතුරුපැදිය මාර්ගයෙන් පිටතට ගොස් අසල තිබුණු බෝක්කුවක ගැටීමෙන් පිටුපස ගමන් කළ පුද්ගලයා මිය ගිය බව හොරණ පොලිසිය පවසයි.

ගල් අඟුරු කෝප් කමිටුවත් රත් කරයි

පොදු ව්‍යාපාර පිළිබඳ පාර්ලිමේන්තු කාරක සභාව (කෝප් කමිටුව) එහි සභාපති මන්ත්‍රී වෛද්‍ය නිශාන්ත සමරවීර මහතාගේ ප්‍රධානත්වයෙන් ඊයේ රැස්වූ අවස්ථාවේදී දැඩි උණුසුම්කාරී තත්ත්වයක් ඇතිවුණු බව වාර්තාවේ.

රනිල් සිංගප්පූරුවේ සැත්කම කළ හේතුව වජිර කියයි

හිටපු ජනපති රනිල් වික්‍රමසිංහ මහතා සැත්කම සඳහා සිංගප්පූරුව තෝරා ගත්තේ ඔහුට ප්‍රතිකාර කළ කොළඹ ජාතික රෝහලේ විශේෂඥ වෛද්‍යවරුන් හත් දෙනා විටින් විට රහස් පොලිසියට කැඳවා මානසික පීඩනයට ලක් කිරීම නිසා බව එක්සත් ජාතික පක්ෂ සභාපති වජිර අබේවර්ධන මහතා මාධ්‍ය හමුවකදී පැවසීය.

බිලියන හයක රෝහල් ව්‍යාපෘතියක් ඇරැඹෙයි

නයින්වෙල්ස් (Ninewells) රෝහලේ වෛද්‍ය සහ ශල්‍ය සත්කාර වාට්ටු සංකීර්ණයේ ඉදිකිරීම් ආරම්භ කිරීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් එම රෝහල් පරිශ්‍රයේ දී සිදු කෙරිණි.

අවුරුද්දට ‘‘පැට්‍රල්වලට කිව් ආර්’’ එපා

අද සිට ලබන 18 වැනිදා දක්වා පැට්‍රල් සඳහා කිව් ආර් කේතය අවශ්‍ය නොවන බව ඛනිජ තෙල් නීතිගත සංස්ථාව පවසයි.

ගුරු විදුහල්පති හිඟය විසඳීමට කමිටුවක්

අධ්‍යාපන පද්ධතියේ මානව සම්පත් ඌනතාව විසඳීම සඳහා යෝජනා ඇතුළත් වාර්තාවක් සකස් කිරීම වෙනුවෙන් අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශය විසින් පත් කරන ලද කමිටුවේ ඉදිරි කටයුතු පිළිබඳව ‘පාසැල්වල පවතින මානව සම්පත් ඌනතාවය පිළිබඳ සොයා බලන පාර්ලිමේන්තු අනු කාරක සභාවේදී’ පසුගියදා සාකච්ඡා කෙරිණි.

සජබ සභාපති කබීර්

සමගි ජන බලවේගයේ සභාපති ධුරය සඳහා පාර්ලිමේන්තු මන්ත්‍රී කබීර් හෂීම් මහතාව පත් කර තිබේ.

ගල් අඟුරු ගැන ජනපති ලේකම්ගෙන් සී.අයි.ඩියට පැමිණිල්ලක්

2009 වසරේ සිට ගල් අඟුරු ආනයනයන් පිළිබඳව විධිමත් පරීක්ෂාවක් කරන ලෙස ජනාධිපති ලේකම්වරයා අපරාධ පරීක්ෂණ දෙපාර්තමේන්තුව අද පැමිණිල්ලක් ඉදිරිපත් කළේය.

පාස්කු ඉරුදින ප්‍රහාරය තනිකරම කුමන්ත්‍රණයක් ?

පාස්කු ඉරු දින ප්‍රහාරය හුදෙකලා සිදුවීමක් නොවන බවත් 2017 සිට කරන ලද කුමන්ත්‍රණයක ප්‍රතිඵලයක් බවත් මහජන ආරක්ෂක අමාත්‍ය ආනන්ද විජේපාල මහතා පාර්ලිමේන්තුවේදී පැවසීය.

පොහොර ගැන අනියත බියක් එපා

රටේ දැනට පවතින පොහොර පුමාණ පිළිබඳව ගොවි ජනතාව අනියත බියක් ඇති කර ගත යුතු නැති බව කෘෂිකර්ම හා පශු සම්පත් නියෝජ්‍ය අමාත්‍ය නාමල් කරුණාරත්න මහතා පැවැසීය.

විගණකාධිපතිට බලපෑම් කරපු කමිටු සභාපති කවුද?

පාර්ලිමේන්තුවේ ප්‍රධාන කමිටුවක සභාපතිවරයෙකු විගණකාධිපති දෙපාර්තමේන්තුවට ගොස් ගල් අඟුරු වාර්තාව වෙනස් කරන ලෙසට දැඩි ලෙස බලපෑම් කර ඇතැයි සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් මහතා පැවසීය