එසැණ පුවත්

දියගොඩ දෙකේම යන වාහනයක් ලංකාවේ හදයි

​ශ්‍රී ලංකා ඉතිහාසයේ ප්‍රථම වතාවට ගොඩබිම මෙන්ම මුහුදේ ද එකලෙස ධාවනය කළ හැකි උසස් තාක්ෂණික amphibious (උභයජල) යාත්‍රාවක් නිපදවා යුරෝපයට අපනයනය සිදු කෙරිණි.

යේමනයේ මොචා වරාය නගරයත් හූති සටන්කාමීන්ට

යේමනයේ නගර සහ යේමනයට ඔබ්බෙන් රතු මුහුදේ කුඩා දූපත් එකිනෙක හූති සටන්කාමීන්ගේ ග්‍රහණයට පත්වෙයි. විදෙස් මාධ්‍ය වාර්තා කළේ යේමනයේ උපායමාර්ගික වැදගත්කමකින් යුත් මොචා වරාය නගරය ද හූති සටන්කාමීන්ගේ ග්‍රහණයට නතු වුණු බවය.

ඇල්ජීරියා - එමිරේට්ස් හොඳහිත පළුදු වෙයි

එක්සත් අරාබි එමීර් රාජ්‍යය සමග සියලු රාජ්‍ය තාන්ත්‍රික සබඳතා වහාම අත්හිටුවීමට ඇල්ජීරියානු රජය තීරණය කර ඇත. එක්සත් අරාබි එමීර් රාජ්‍යය අඛණ්ඩව සිදු කරන ප්‍රකෝපකාරී සහ සතුරු ක්‍රියාමාර්ග ඊට හේතුව යැයි ඇල්ජීරියා ජනාධිපති අබ්දෙල්මජිඩ් ටෙබුන් පවසයි.

බ්‍රික්ස් සමුළුව නවදිල්ලියේ

18 වැනි ‘බ්‍රික්ස්’ රාජ්‍ය නායක සමුළුව, හෙට (12) සහ අනිද්දා (13) ඉන්දියාවේ නවදිල්ලි අගනුවරදී පැවැත්වෙයි. ‘බ්‍රික්ස්’ යනු බ්‍රසීලය, රුසියාව, ඉන්දියාව, චීනය සහ දකුණු අප්‍රිකාව යන රටවල එකමුතුවය.

දළදා වහන්සේට අලුත් රන් කරඬුවක්

ශ්‍රී දළදා වහන්සේ වැඩ හිඳුවීම සඳහා ස්වර්ණමය රන් කරඬුවක් පූජාවක් ලෙස ලැබුණු බව දළදා වහන්සේගේ භාරකාරත්වය දරන මල්වතු- අස්ගිරි මහා නාහිමිවරුන් සහ ශ්‍රී දළදා මාලිගාවේ දියවඩන නිලමේවරයා බෞද්ධ කටයුතු පිළිබඳ කොමසාරිස් ජනරාල් වරයාට සංදේශයක් යවමින් දැනුම් දී තිබේ.

ගාල්ල බන්ධනාගාරයෙන් දුරකත 25ක්, සිම් 11ක් හමුවේ

ගාල්ල බන්ධනාගාරයේ රැඳවියන්ගේ වාට්ටු පරික්ෂා කිරිමේදි සන්තකය අනාවරණය නොවන ජංගම දුර කතන 25ක් සහ සිම් පත් 11ක් සොයා ගත් බව බන්ධනාගාර අධිකාරි කාර්යාලය පවසයි.

ඩොලර් සංචිත පිට කිරීමට බැංකු ලොක්කෙක් කෙලින්ම හවුල්

රේගු ආඥා පනත උල්ලංඝනය කරමින් කිසිදු භාණ්ඩයක් ආනයනය නොකර රටේ ඩොලර් සංචිත මෙරටින් පිට කිරීමේ මහා ජාවාරමට මෙරට වාණිජ බැංකුවක නිලධාරියකු සෘජුවම සම්බන්ධ වී ඇති බවට කරුණු අනාවරණය වන බව කොළඹ ප්‍රධාන මහේස්ත්‍රාත් අසංග එස්. බෝදරගම මහතා හමුවේ කරුණු දැක්වූ රහස් පොලිසිය පැවසීය.

දෙහිවල නිවෙසකට බෝම්බ ප්‍රහාරයක්:දරු දෙනෙක් මරුට

දෙහිවල සිරිසඟබෝ පෙදෙස නිවසකට අද අලුයම එල්ල වූ අත්බෝම්බ ප්‍රහාරයකින් කුඩා දරුවන් දෙදෙනකු මිය ගොස් ඇතැයි පොලිස් මාධ්‍ය ප්‍රකාශක සහකාර පොලිස් අධිකාරි නීතිවේදී එෆ් යු වුට්ලර් මහතා පැවසීය.

‘‘මෙරට හමුදා ධාරිතාව නංවන්න AI තාක්ෂණය දෙනවා‘‘

ශ්‍රී ලංකා හමුදාවේ ධාරිතාව ගොඩනැගීම සඳහා කෘතීම බුද්ධි තාක්ෂණයෙන් යුතු පරීක්ෂණාගාරයක් ස්ථාපිත කිරීමට ඉන්දියාව කටයුතු කරන බව ඉන්දීය ආරක්ෂක අමාත්‍ය රාජ්නාත් සිං මහතා සිය එක්ස් ගිණුමේ සටහනක් තබමින් ප්‍රකාශ කළේය.

රට විරුවන්ට නිවාස ණය දෙන ගිවිසුමට අත්සන් කරයි

හින්දු ආගමික නායකයෝ ජනපති හමු වෙති

පසුගිය දෙවසර තුළ රටේ කිසිදු ජාතිවාදී ගැටුමකට ඉඩ නොතබමින්, සියලු ජන කොටස් අතර සහජීවනය, සාමය සහ සංහිඳියාව තහවුරු කිරීමට ජනාධිපතිවරයා ප්‍රමුඛ රජය ගෙන ගිය වැඩපිළිවෙළට ආශිර්වාද පළ කරන බව හින්දු පූජකවරු ජනාධිපති අනුර කුමාර දිසානායක මහතා හමුවේ ප්‍රකාශ කළහ.

ලොරි ගිලන් රථ අනතුරින් ගිලන් රථ රියැදුරු මරුට

අනුරාධපුර පාදෙණිය මාර්ගයේ මහව කැත්තපහුව ප්‍රදේශයේ දී සිදු වූ මාරක රිය අනතුරකින් මීගලෑව ප්‍රාදේශීය රෝහලට අයත් ගිලන් රථයේ රියදුරු ජීවිතක්ෂයට පත්වී තවත් දෙදෙනකු තුවාල ලබා රෝහල්ගත කර ඇතැයි මහව මූලස්ථාන පොලීසිය සදහන් කරයි.

බම්බලපිටිය දුම්රියපොළ අලුත් කර විවෘත කරයි

පොදු ප්‍රවාහනය ජනතාවගේ පහසු තේරීම බවට පත් කිරීම රජයේ අරමුණ බව ’’සිහින ගමනාන්තය’’ (Dream Destination) ව්‍යාපෘතිය යටතේ නවීකරණය වූ බම්බලපිටිය දුම්රිය ස්ථානය විවෘත කිරීමේ උත්සවයට එක්වෙමින් අග්‍රාමාත්‍ය ආචාර්ය හරිනි අමරසූරිය ප්‍රකාශ කළාය.

කොළඹ සරසවි සිසුවා පැවරූ නඩුවට අධිකරණයෙන් දුන් තීන්දුව

විභාග අක්‍රමිකතාවයන් කර තමන්ගේ කාලය, ශ්‍රමය හා මුදල් නිරපරාදේ නාස්ති කිරීම හේතුවෙන් කොළඹ විශ්ව විද්‍යාලයේ පාලනාධිකාරියෙන් රුපියල් ලක්ෂ 50ක වන්දියක් අයකර දෙන්නැයි ඉල්ලා කොළඹ විශ්ව විද්‍යාලයේ සිසුවකු පවරා ඇති නඩුව සඳහා උත්තරවාද ගොනු කිරීමට එම නඩුවේ වගඋත්තරකරුවන් වශයෙන් නම් කර සිටින කොළඹ විශ්ව විද්‍යාලයේ උපකුලපතිවරයා ඇතුළු කථිකාචාර්යවරුන්ට නුගේගොඩ දිසා විනිසුරු ආර්.ඒ.එන්. රාජපක්‍ෂ මහතා අද නියම කළේය.

ජමියතුල් උලමා සංවිධානය ජනපති හමුවෙයි

කිසිදු ප්‍රජාවකට තම සංස්කෘතික අනන්‍යතාව හේතුවෙන් සමාජයේ අනාරක්ෂිත බවක් හෝ බියක් ඇති නොවන පරිදි ජීවත් විය හැකි පරිසරය සැකසීම සහ ඔවුන්ගේ මානසික ආරක්ෂාව තහවුරු කිරීම රජයේ ප්‍රමුඛ අරමුණක් බව ජනාධිපති අනුර කුමාර දිසානායක මහතා පැවැසීය.

පොහොට්ටුවේ අනුරාධපුර රැලියට අර්චුනාත් එයි

ශ්‍රී ලංකා පොදු ජන පෙරමුණේ අනුරාධපුර රැස්වීම් වේදිකාවට තමා ගොඩවන බව ස්වාධීන මන්ත්‍රී අර්චුනා රාමනාදන් මහතා පාර්ලිමේන්තුවේදී පැවසීය.

ඇමෙරිකානු සංගීතඥ ජෙෆ් ටිමන්ස් දිවයිනට

ඇමෙරිකානු සංගීතඥයකු , ගායකයකු , ගීත රචකයකු මෙන්ම 98 ඩිග්‍රීස් ( 98 Degrees ) පදනමේ නිර්මාතෘවරයා වූ ජෙෆ් ටිමන්ස් ( Jeff Timmons ) , ශ්‍රී ලංකාවේ , කොළඹ පැවැත්වෙන සංගීත ප්‍රසංගයකට සහභාගී වීම සදහා අද සවස දිවයිනට පැමිණියේය .

එක්ස්ප්‍රස් පර්ල් ගැන රදගුරු සමුළුවෙන් නිවේදනයක්

රජය විසින් සමාජය තුළ සමානාත්මතාවය සහ යුක්තිය ප්‍රවර්ධනය කිරීම සඳහා මෑතකදී ගන්නා ලද ඇතැම් පියවර රදගුරු හිමිවරුන්ගේ ඇගයීමට ලක්වූ බවත් එක්ස්ප්‍රස් පර්ල් නෞකාවෙන් සිදුවූ පාරිසරික හානිය සහ ඒ සඳහා වන්දි ගෙවීම පිළිබඳව අධිකරණ තීන්දුව ක්‍රියාත්මක කිරීම පිළිබඳව ද තව දුරටත් සැළකිලිමත් වන බවත් ශ්‍රී ලංකා කතෝලික රදගුරු සමුළුව නිවේදනයක් නිකුත් කරමින් පවසයි.

කාදිනල් තුමා ජනපති හමුවේ

මැල්කම් කාදිනල් රංජිත් කොළඹ අගරදගුරු තුමන් ප්‍රමුඛ කතෝලික ආගමික නායකයින් සහ ජනාධිපති අනුර කුමාර දිසානායක මහතා අතර හමුවක් ජනාධිපති කාර්යාලයේදී අද(10) පැවැත්විණි.

කුඩු ජාවාම්කරුවෙක්ගේ කෝටි 10ක වත්කම් ක්‍රියා විරහිත කරයි

මත්ද්‍රව්‍ය ජාවාරම්කරුවකු එම ජාවාරමෙන් නීති විරෝධී ලෙස උපයාගන්නා ලද මුදලින් මිලදී ගෙන ඇති බවට සැලකෙන රුපියල් කෝටි 10 කට අධික වටිනාකමින් යුත් සුඛෝ භෝගී නිවාස දෙකක් සහිත ඉඩම් දෙකක් මුදල් විශුද්ධ කරන වැළැක්වීමේ පනත යටතේ අද සිට දින 14 ක කාලයකට ක්‍රියා විරහිත කිරීමේ නියෝග ලබා ගත් බව නීති විරෝධී වත්කම් විමර්ශන කොට්ඨාසය සඳහන් කරයි.

පිච්චමල් විහාරයෙන් හමු වූ පැරණි නටඹුන් පෙන්වයි

ත්‍රිකුණාමලය, කුච්චවේලි, පිච්චමල් විහාරය අසල පැරණි ආරාම සංකීර්ණයේ මේ දිනවල සිදුකරන පර්යේෂණ කැණීමේදි මුල් වරට සොයාගනු ලැබූ පැරණි පොකුණක් හා එහි නටබුන් ප්‍රථම වරට අද (10) ජන මාධ්‍යයට හා පාසල් සිසුන්ට පෙන්වීමට පුරාවිද්‍යා දෙපාර්තමේන්තුව කටයුතු කළේය.

පමුණුගම ඒපාමුල්ල වෙරළ අල්ලා ගල් බැම්මක් බැඳලා

සුප්‍රසිද්ධ ව්‍යාපාරිකයකු පමණුගම වහටියගොඩ ඒපාමුල්ල රළ බිඳෙන වෙරළ තීරුවේ විශාල කොටසක් අල්ලා කළුගල් දමා විශාල බැම්මක් බදිමින් පවතින බව ප්‍රදේශවාසිහු වෝදනා කර සිටිති.

යාතිකා බලයෙන් ඉඩම් විකුණන්න ගිය හොර කපුවෙක් මාට්ටු

විකිණීමට නොහැකි ඉඩම් සහ නිවාස තම යාතිකා බලයෙන් විකුණාදිය හැකි බව පවසා පුද්ගලයන් රැසක් රවටා රුපියල් කෝටි දෙකකට ආසන්න වටිනා රන් භාණ්ඩ සොරාගෙන මඟහැර සිටි කපුවකු කියාගන්නා පුද්ගලයකු අත්අඩංගුවට ගත් බව නුගේගොඩ කොට්ඨාස අපරාධ විමර්ශන කාර්යාංශය සඳහන් කරයි.

බිමල්ගෙන් සජිත්ට ලොකු සහතිකයක්

එක්සත් ජාතීන්ගේ කාලගුණ සංවිධානය එල්නිනෝ තත්වය ගැන පසුගිය ජූනි මස 02 වැනිදා තහවුරු කරද්දි විපක්ෂ නායකතුමා ඊට මාස හයකට කලින් එම අනතුර පෙන්වා දීම විශේෂ දෙයක් හැටියට තමා සලකන බව සභානායක අමාත්‍ය බිමල් රත්නායක මහතා මහතා පාර්ලිමේන්තුවේදී අද (10) පැවසීය.

මගීයාට පහරදුන් කරන්දෙණි සුද්දාගේ ඥාති කොන්දා රිමාන්ඩ්

පෞද්ගලික මගී ප්‍රවාහන බස් රථයකදී මගියකු ඉතුරු සල්ලි රුපියල් පහ ඉල්ලුවේ යයි උරණවී ඔහුට පහරදී බස් රථයෙන් බිමට තල්ලු කළ බව කියන බස් රථයේ කොන්දොස්තරවරයකු ලෙස සේවය කළ කරන්දෙණිය සුද්දාගේ මස්සිනා ලබන මස 21 දක්වා රිමාන්ඩ් බාරයේ තබන්නැයි බළපිටිය මහේස්ත්‍රාත් පවිතා සංජීවනී මහත්මිය නියෝග කළාය.

කඩවුණු පොරොන්දු ගැන නාමල් කියයි

ආණ්ඩුව ජනතාවට දුන් පොරොන්දු එකක්වත් ඉටුකරන්නට අසමත් වී තිබෙනවා මෙන්ම බදු දිනෙන් දින වැඩි කරන බව පත් කළ මන්ත්‍රී නාමල් රාජපක්ෂ මහතා:-(පො.පෙ) පාර්ලිමේන්තුවේදී අද පැවසීය.

ජාතික ආරක්ෂක අරමුදලේ අවුල්: විගණනයක් අරඹයි

ජාතික ආරක්ෂක අරමුදලේ වාර්ෂික වාර්තාව වර්ෂ ගණනාවකින් ඉදිරිපත් නොකිරීම සම්බන්ධයෙන් විමර්ශනයක් පවත්වන බව ආරක්ෂක නියෝජ්‍ය අමාත්‍ය විශ්‍රාමික මේජර් ජෙනරාල් අරුණ ජයසේකර මහතා පාර්ලිමේන්තුවේදී අද (10) පැවසීය.

දිලන්ත මාලගමුවට විදෙස් ගමන් තහනමක් පනවයි

කොළඹ 07 බාන්ස් පෙදෙසේ ඉඩමකට හොර ඔප්පු සාදා කුණු කොල්ලයට විකුණීමේ සිද්ධිය සම්බන්ධයෙන් ප්‍රකාශයක් ලබා ගත යුතු මෝටර් රථ ධාවන ශූර දිලන්ත මාලගමුව ඇතුළු සිව් දෙනා රටින් පිටවීම වළක්වමින් විදෙස් ගමන් තහනම් නියෝගක් කොළඹ ප්‍රධාන මහේස්ත්‍රාත් අසංග එස් බෝදරගම මහතා අද නිකුත් කළේය.