එසැණ පුවත්

ඉරානයෙන් එක්සත් එමීර් රාජ්‍යයට අනතුරු අඟවයි

ඉරානයේ කර්ග් දූපතට ඇමෙරිකාව ප්‍රහාර එල්ල කර ඇත්තේ එක්සත් අරාබි එමීර් රාජ්‍යයේ සිට බවත් එහි ජනතාව වරායන් අසලින් ආරක්‍ෂිත ස්ථාන කරා ඉවත්විය යුතු බවත් ඉරාන හමුදාව අද අනතුරු ඇඟවූවේය.

තරුණියකගේ නිරුවත් ඡායා ළඟ තබාගත් සිසුන් දෙකක් මාට්ටු

තරුණියකගේ නිරුවත් විඩියෝ පටයක් වට්ඇප් මගින් හිතවතුනට බෙදාහැරි හා එම විඩියෝ පටය ලඟ තබා ගත් පෞද්ගලික විශ්ව විද්‍යාලයක මෘදුකාංග ඉංජිනේරු පීඨයක සහ කාර්මික විද්‍යාලයක අධ්‍යාපන හදාරන සිසුන් දෙදෙනකු අද අම්බලන්ගොඩ තිලකපුර ප්‍රදේශයේදී සැකපිට ප්‍රශ්න කිරීම සඳහා අත් අඩංගුවට ගත් බව අපරාද පරීක්ෂණ දෙපාර්තමේන්තුවේ සයිබර් අපරාධ අංශය කියයි.

දෙවියනි ! සාමය කෝ ?

මධ්‍යපෙරදිග පවතින උණුසුම්කාරී තත්ත්වය සමනය කර සාමය ස්ථාපිත වනු තමන්ගේ අපේක්ෂාව යැයි 14 වැනි ලියෝ පාප්තුමන් ඉරිදා දේව මෙහෙය පවත්වමින් පැවැසීය.

ඉන්දියාවේ එක පොදියට මැතිවරණ 5 ක්

ඉන්දියාවේ බටහිර බෙංගාලය, ඇසෑමය, තමිල්නාඩුව, කේරළය සහ පුදුචේරි යන ප්‍රාන්තවල ව්‍යවස්ථාදායක සභා මැතිවරණය පැවැත්වෙන දින වකවානු ඉන්දීය මැතිවරණ කොමිසම විසින් ප්‍රකාශයට පත් කර තිබේ.

මැරිලා නැතිනම් හොයන් ගිහින් මරනවා

ඊශ්‍රායල අගමැති බෙන්ජමින් නෙදන්යාහු මියගොස් ඇතැයි ඉරානය තරයේ කියා සිටී. ඒ, ඔවුන් එල්ල කළ මිසයිල ප්‍රහාරයක් නිවැරදි ඉලක්කයට කරා ළඟා වූ බව ද පවසමිනි‍.

ජාතික ආර්ථික හානි අවම වන සේ වැඩ සැලසුම් කරන්න

ජාතික ආර්ථිකයට වන හානිය අවම කර ගැනීම සඳහා ගත හැකි විකල්පයන් පිළිබඳව නිරන්තර අවධානයෙන් සිටින ලෙස ජනාධිපති අනුර කුමාර දිසානායක මහතා නිලධාරීන්ට උපදෙස් ලබා දුන්නේය.

ධීවරයෝ පහක් සමග සැක උර තොගයක් නාවික හමුදා බාරයට

ශ්‍රී ලංකා නාවික හමුදා දිගුදුර නාවික බලඇණිය ගැඹුරු මුහුදේ සිදු කළ තවත් සාර්ථක මෙහෙයුමකදී මත් ද්‍රව්‍ය බවට සැකකර උර තොගයක් සමග සැකකරුවන් පස් දෙනකු බාරයට ගෙන ඇත.

මැදපෙරදිග යුද්දයෙන් ගුවන් වාර 768ක් අවලංගුයි

මැදපෙරදිග ඇතිව තිබෙන ගැටුම්කාරී තත්ත්වය නිසා ශ්‍රී ලංකාවට ගුවන් වාර 768ක් අවලංගු වී ඇතැයි සංචාරක නියෝජ්‍ය අමාත්‍ය මහාචාර්ය රුවන් රණසිංහ මහතා පවසයි.

අත්‍යවශ්‍ය සේවා ගැන ජනපති හදිසි සාකච්ඡාවක් කැඳවයි

නිවසේ සිට රාජකාරී කිරීමේ හැකියාව පිළිබඳ තවදුරටත් සොයා බලා කරුණු වාර්තා කරන ලෙස ජනාධිපති අනුර කුමාර දිසානායක මහතා අමාත්‍යංශ ලේකම්වරුන්ට අද (15)උපදෙස් ලබා දුන්නේය.

කිව්.ආර් ගැටලු 1919ට කියන්න

අලුත් කිව්.ආර් ගැටලු විසඳයි

‘‘අනවශ්‍ය ගමන් එපා‘‘

රට ගැන සිතා අනවශ්‍ය ලෙස ඉන්ධන පරිභෝජනය කිරීමෙන් වළකින්නැයි ආණ්ඩු පක්ෂයේ ප්‍රධාන සංවිධායක සෞඛ්‍ය අමාත්‍ය වෛද්‍ය නලින්ද ජයතිස්ස මහතා සියලු ජනතාවගෙන් ඉල්ලීමක් කළේය.

ඇමෙරිකා - ඊශ්‍රායල, ඉරාන යුද්ධය ’’දෙවියන්ගේ වැඩක්’’

ඇමෙරිකා - ඊශ්‍රායල, ඉරාන යුද්ධය කිසිවෙකු අනුමාන නොකළ ’’දෙවියන්ගේ වැඩක්’’ බවත් ඒ හේතුවෙන් ගිවිසුම් ප්‍රකාරව ගැනුම්කරුවන්ට නියමිත වේලාව තෙල් සහ ගෑස් ලබාදීමට නොහැකි වනු ඇති බවත් ගල්ෆ් කලාපයේ ඇතැම් බලශක්ති නිෂ්පාදන රටවල් සිය ගැනුම්කරුවන්ට දන්වා ඇත.

පොහොර වලටත් කිව්.ආර්

කිව්.ආර් කේතයට පොහොර නිකුත් කිරීම සඳහා නියමු ව්‍යාපෘතියක් ක්‍රියාත්මක කිරීමට තීරණය කර තිබෙන බව කෘෂිකර්ම පශු සම්පත්,ඉඩම් හා වාරිමාර්ග අමාත්‍ය කේ.ඩී ලාල් කාන්ත මහතා පැවසීය.

ෂෙඩ්වලට පොලිස් කණ්ඩායම්

ඉන්ධන පිරවුම්හල්වල තදබදය පාලනයට පොලිස් නිලධාරීන් යෙදවූ බව රථවාහන පාලන හා මාර්ග ආරක්ෂාව දිසාව භාර නියෝජ්‍ය පොලිස්පති ඩබ්.පී.ජේ සේනාධිර මහතා පැවසීය

ඇමැති ආනන්දගේ සහෝදරයා අනතුරකින් මරුට

පාදෙණිය අනුරාධපුර මාර්ගයේ මහගල්කඩවලදී අද දින සිදුවූ රිය අනතුරකින් මහජන ආරක්ෂක අමාත්‍ය ආන්නද විජේපාල මහතාගේ සොහොයුරා මියගොස් ඇතැයි ගල්ගමුව පොලිසිය කියයි.

‘‘හොඳින් හෝ නරකින් හෝමුස් සමුද්‍ර සන්ධිය අරිනවා‘‘

ඉස්ලාමීය විප්ලවවාදී ආරක්ෂක බළකාය වසාදමා ඇති හෝමුස් සමුද්‍ර සන්ධිය ’’හොඳින් හෝ නරකින්’’ තමන් විවෘත කරන බවත් සමුද්‍ර සන්ධිය වසා දැමීමෙන් බලපෑම් එල්ල වී ඇති සියලුම රටවල් එම නැව් මාර්ගය ආරක්ෂා කිරීමට යුද නෞකා එවනු ඇතැයි විශ්වාස කරන බවත් ඇමෙරිකානු ජනපති ඩොනල්ඩ් ට්‍රම්ප් සිය ටෘත් සෝෂල් සමාජ මාධ්‍ය ගිණුමේ සටහනක් තබමින් පසුගියදා ප්‍රකාශ කළේය.

අසෝක රන්වලට වරෙන්තු

හිටපු කතානායක අසෝක සපුමල් රන්වලට මහර මහේස්ත්‍රාත් බණ්ඩාර ඉලංගසිංහ මහතා වරෙන්තු නිකුත් කළේය.

බෙන්ජමින් නෙදන්යාහුට කරදරයක් නෑ

ඊශ්‍රායල අග්‍රාමාත්‍ය බෙන්ජමින් නෙදන්යාහු ඉරාන ප්‍රහාරයකින් ඝාතනය වී නොමැති බවත් ඔහු ආරක්ෂිතව, හොඳින් සිටින බවත් සමාජ මාධ්‍ය තුළ පැතිර යන ප්‍රචාරයන් සම්බන්ධයෙන් නිවේදනයක් නිකුත් කරමින් ඊශ්‍රායල අග්‍රාමාත්‍ය කාර්යාලය පසුගියදා ප්‍රකාශ කළේය.

රත්නපුරේ රාජ්‍ය සේවකයන්ට AI උගන්වයි

රාජ්‍ය සේවය ඵලදායී සහ කාර්යක්ෂම සේවාවක් බවට පරිවර්තනය කිරීම වෙනුවෙන් කෘත්‍රිම බුද්ධිය භාවිතය පිළිබඳව රජයේ විධායක නිලධාරීන් වෙනුවෙන් සංවිධානය කළ වැඩමුළුවක් රත්නපුර දිස්ත්‍රික් ලේකම් කාර්යාලයීය ශ්‍රවණාගාරයේදී පැවැත්විණි.

සලේට නිදහස ඉල්ලා අත්සන් ලක්ෂයක්

රැදවුම් නියෝග මත අපරාධ පරීක්‍ෂණ දෙපාර්තමේන්තුව භාරයේ සිටින හිටපු යුද හමුදා බුද්ධි අධ්‍යක්ෂක විශ්‍රාමික මේජර් ජනරාල් සුරේෂ් සලේ රණවිරුවා අත් අඩංගුවට ගැනීමට එරෙහිව වෙනුවෙන් ජනතා අත්සන් ලක්ෂයක් ලබා ගැනීමේ වැඩසටහනනෙහි දෙවන දිනය අද (15) දින හෝමගම නගරයේ ධර්මපාල පිලිරුව ඉදිරිපිටදී සිදු කෙරිණි.

සමාජ මාධ්‍ය තොරතුරු බෙදන්න කලින් හරිද වැරදිද බලන්න

සමාජ මාධ්‍ය වල තොරතුරු බෙදා හැරීමට පෙර ඒවායේ සත්‍ය අසත්‍යතාව ගැන සැලකිළිමත් විය යුතු බව අග්‍රාමාත්‍ය ආචාර්ය හරිනි අමරසූරිය පැවසුවාය.

අත්‍යවශ්‍ය සේවා වලට විශේෂ ක්‍රමයකට ඉන්ධන

රටේ අත්‍යවශ්‍ය සේවා පවත්වා ගැනීමට අවශ්‍ය වන රථ වාහන සේවා සඳහා විශේෂ ක්‍රමවේදයක් යටතේ ඉන්ධන නිකුත් කරන බව බලශක්ති අමාත්‍යාංශය පවසයි.

මත් සැකකරුවෝ 906 ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 906 ක් ඊයෙ (14) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

යුද ගිනි නිවෙන්නැයි පතා කැස්බෑවන්ට නිදහස

මැද පෙරදිග ඇවිලී ඇති යුද ගිනිදැල් වහා නිවී ලෝක සාමය උදාවේවායි පතමින් කරමින් වසර තුන් සියයක ආයු කාලයක් ඇති සංරක්ෂණයවූ කැස්බෑ පැටවුන් සියයක් මුහුදට නිදහස් කිරීමේ පිංකමක් ඉඳුරුව වෙරළ තීරයේදී ඊයේ (14) පස්වරුවේදී පැවැත්විණ.

ලක්ෂ 25ක ‘අයිස් ‘ සමඟ අයෙක් මාට්ටු

විදෙස් රටක සිට මෙහෙයවනු ලබන අයිස් ජාවාරම්කරුවකුගේ ප්‍රධාන ගෝලයා රුපියල් ලක්ෂ විසිපහක් පමණ වටිනා ‘අයිස්‘තොගයක් සහ එම මත්ද්‍රව්‍ය විකිණීමෙන් ලබාගත් රුපියල් එක් ලක්ෂ පන්දහසක් සමග අද(15) බලපිටියේදි අත්අඩංගුවට ගත් බව අහුන්ගල්ල පොලීසිය කියයි.

බදුල්ල-අඹේවෙල දුම්රිය ගමනාගමනයට බාධා

හපුතලේ දුම්රිය ස්ථානය අසලදි අද (15) අලුයම සේවා දුම්රියක් පිලීපැනීමට ලක්වීමෙන් උඩරට දුම්රිය මාර්ගයේ බදුල්ල අඹේවෙල දුම්රිය ධාවනය ට බාධා සිදුව ඇතයි දුම්රිය පාලන මැදිරිය පවසයි . දිට්වා සුලි කුණාටුවෙන් විනාශවූ උඩරට දුම්රිය මාර්ගයේ පිළිසකර කටයුතු සිදු කිරිම සදහා අඹේවෙල බදුල්ල අතර යොදවා ඇති සේවා දුම්රියෙ එන්ජිම සහ එහි මැදිරියක් මෙසේ පිලීපැනීමට ලක්ව ඇති බව දුම්රිය බළධාරින් කීහ .

අලුත් කිව්.ආර් ලියාපදිංචියට තව පැය කීපයක් යාවි

මීට පෙර QR කේත ලබාගත් සහ දැනටත් එම වාහනය සහ එම දුරකථන අංකයම භාවිතා කරන පුද්ගලයන්ට කිසිදු ගැටලුවකින් තොරව නව QR කේතය යාවත්කාලීන කරගත හැකි වුවත් වාහන හෝ දුරකථන අංක වෙනස් වී ඇති අයත්, අලුතින් වාහන මිලදී ගත් අයත් QR කේත ලබා ගැනීමේදී මද පමාවක් විය හැකි බව බලශක්ති අමාත්‍යාංශය පවසයි.