එසැණ පුවත්

’’අනුර ගෝ ගම පටන් ගත්තා’’

අනුර ගෝ ගම පටන් ගත් බව කොළඹ මහේස්ත්‍රාත් අධිකරණය අසල කිව් පාරේ උද්ඝෝෂණයේ නිරත පිරිස් රැස්වීම අමතමින් පැවසූහ.

26 August 2025

හිරුණිකාට අධිකරණයට යන්න නොදෙයි

සමගි ජන බලවේගයේ හිටපු මන්ත්‍රීනී හිරුණිකා ප්‍රේමචන්ද්‍ර මහත්මිය හිටපු ජනාධිපති රනිල් වික්‍රමසිංහ මහතාගේ නඩුව විභාගයට ගැනෙන කොටුව මහේස්ත්‍රාත් අධිකරණය ඇතුලට යාමට පැමිණි අවස්ථාවේ පොලිසිය එය වැළැක්විය.

26 August 2025

ආයුර්වේද, සිද්ධ සහ යුනානි 160කට සීමාවාසික පත්වීම්

බටහිර, ආයුර්වේද, සිද්ධ, යුනානි ඇතුළු සමස්ත සෞඛ්‍ය පද්ධතිය වර්තමානයේ දී මෙහෙයවනු ලබන්නේ පුරවැසියා කේන්ද්‍ර කරගත් සෞඛ්‍ය පද්ධතියක් ගොඩනැගීමට බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවැසීය.

26 August 2025

කොටුව උසාවිය අසලට ජල ප්‍රහාර රථ

හිටපු ජනාධිපති රනිල් වික්‍රමසිංහ මහතාගේ නඩුව විභාගයට ගැනෙන කොටුව මහේස්ත්‍රාත් අධිකරණය අසලට මේ වනවිට ජල ප්‍රහාරකක රථ කැඳවා තිබේ.

26 August 2025

උද්ඝෝෂකයෝ රැස්වීමක් පවත්වති

කොළඹ කිව් පාරේ කෝවිල අසල රැස්වී සිටින ජනතාව මේ වනවිට රැස්වීමක් පවත්වමින් සිටී.

26 August 2025

රනිල්ට එරෙහි නඩු විභාගය ඇරැඹෙයි

මුදල් අවභාවිතා කළැයි රිමාන්ඩ් බාරයේ සිටින හිටපු ජනාධිපතිවරයකු වන රනිල් වික්‍රමසිංහ මහතාට එරෙහි නඩු විභාගය මේ වන විට කොළඹ කොටුව මහෙස්ත්‍රාත් අධිකරණයේදී අරඹා තිබේ.

26 August 2025

රාජිතගේ දේපොළ රාජ සන්තක කරන්නැයි ඉල්ලයි

වරෙන්තු ලැබ සැඟව සිටිනවා යැයි කියන හිටපු ධීවර ඇමති රාජිත සේනාරත්න මහතාගේ දේපළ තහනම් කිරීමේ නියෝගයක් නිකුත් කරන්නැයිි ඉල්ලා අල්ලස් හෝ දූෂණ විමර්ශන කොමිසම විශේෂ මෝසමක් කොළඹ ප්‍රධාන මහේස්ත්‍රාත් අසංග එස් බෝදරගම මහතා හමුවේ අද ගොනු කළේය.2

26 August 2025

රනිල් වෙනුවෙන් නාමල් එයි

පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමාල් රාජපක්ෂ මහතා රනිල් වික්‍රමසිංහ මහතාගේ නඩුව විභාගයට ගැනෙන කොටුව මහේස්ත්‍රාත් අධිකරණ සංකීර්ණයට පැමිණියේය.

26 August 2025

විපක්ෂ නායක අධිකරණ භූමියට

විපක්ෂ නායක සජිත් ප්‍රේමදාස මහතා හිටපු ජනාධිපති රනිල් වික්‍රමසිංහ මහතාගේ නඩුව විභාගයට ගැනෙන කොටුව මහේස්ත්‍රාත් අධිකරණ සංකීර්ණයට දැන් පැමිණියේය.

26 August 2025

කොළඹ අවට අලුත්ම තත්වය

රක්ෂිත බන්ධනාගාරගත කර සිටින හිටපු ජනපති රනිල්වික්‍රමසිංහ මහතා අද (26) දහවල් අධිකරණයට ඉදිරිපත් කිරීමට නියමිත බැවින් මේ වන විට අධිකරණ භූමිය අවට ආරක්ෂාව තර කර තිබේ.

26 August 2025

තව පෝලිමක් ළඟ ළඟම එනවා

රනිල් අත්අඩංගුවට ගැනීම එකක් පමණක් බවත් තව පෝලිමක් ළඟ ළඟම එන බවත් නියෝජ්‍ය අමාත්‍ය නාමල් කරුණාරත්න මහතා පැවසීය

26 August 2025

ශෂින්ද්‍ර යළි රිමාන්ඩ්

කිරිඉබ්බන්වැව ශ්‍රී ලංකා පොදු ජන පෙරමුණ දේශපාලන කාර්යාලය අරගල කරුවන් විසින් 2022 දී ගිනිබත් කිරීමෙන් සිදුවූ හානියට රුපියල් 8850000.00ක වන්දි මුදලක් රජයේ නිලධාරීන්ට බලපෑම් කර ලබා ගනිමින් රාජ්‍ය දේපළ සාපරාදී සාවද්‍ය පරිහරණය කරන ලදැයි කියන හිටපු රාජ්‍ය අමාත්‍ය ශෂීන්ද්‍ර රාජපක්ෂ මහතා ලබන 29 දින දක්වා යළි රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා අද නියෝග කළේය.

26 August 2025

ඇලෝසියස්ගෙන් සල්ලි ගත්තු අයටත් වැඩ වරදි

ඇලෝසියස්ගෙන් සල්ලි ගත්තු අයටත් නීතිය ක්‍රියාත්මක කරන බව ප්‍රවාහන වරාය නාවික හා සිවිල් ගුවන් සේවා අමාත්‍ය බිමල් රත්නායක මහතා පැවසීය

26 August 2025

කොටුව මහේස්ත්‍රාත් උසාවිය අවට දැඩි රැකවල්

හිටපු ජනාධිපති රනිල් වික්‍රමසිංහ මහතා සම්බන්ධයෙන් වන නඩුව විභාගයට ගැනෙන අද කොටුව මහේස්ත්‍රාත් උසාවිය අවට දැඩි ආරක්ෂක රැකවල් යොදා තිබෙන අයුරු දැක ගත හැකි විය.

26 August 2025

නඩුව අවසන් වනතුරු ශෂින්ද්‍ර රිමාන්ඩ් කරන්නැයි අල්ලස් කොමිසම ඉල්ලයි

කිරිඉබ්බන්වැව ශ්‍රී ලංකා පොදු ජන පෙරමුණ දේශපාලන කාර්යාලය අරගල කරුවන් විසින් 2022 දී ගිනිබත් කිරීමෙන් සිදුවූ හානියට රුපියල් 8850000.00ක වන්දි මුදලක් රජයේ නිලධාරීන්ට බලපෑම් කර ලබා ගනිමින් රාජ්‍ය දේපළ සාපරාදී සාවද්‍ය පරිහරණය කරන ලදැයි රක්ෂිත බන්ධනාගාර ගත හිටපු රාජ්‍ය අමාත්‍ය ශෂීන්ද්‍ර රාජපක්ෂ මහතා නඩුව විභාග කර අවසාන වන තෙක් රක්ෂිත බන්ධනාගාර ගත කරන්නැයි කොළඹ ප්‍රධාන මහේස්ත්‍රාත් අසංග එස් බෝදරගම මහතා ඉදිරියේ කරුණු දැක්වූ අල්ලස් කොමිසම අද ඉල්ලා

26 August 2025

සජිත් සිව්වන දිනටත් රනිල් බලන්න යයි

රිමාන්ඩ් බන්ධනාගාරගත කිරීමෙන් පසු කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබන හිටපු ජනාධිපති රනිල් වික්‍රමසිංහ මහතාගේ සුව දුක් බලන්නට විපක්ෂ නායක සජිත් ප්‍රේමදාස මහතා අදත් (26)ගියේය.

26 August 2025

ත්‍රිපෝෂ සමාගම නීතියට පිටින් දීමනා ගෙවලා

ත්‍රිපෝෂ සමාගම නිසි අනුමැතියකින් තොරව සේවකයන්ට 2023 වර්ෂයේදී එක්කෝටි විසි හය ලක්ෂයකට වැඩි දිරි දීමනා ගෙවා ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ.

26 August 2025

සාමය කඩවන කිසිදු වැඩකට අනුබල දෙන්න එපා

කිසි විටෙකත් සාමය කඩවන අකාරයෙන් කිසිඳු ක්‍රියා මාර්ගයක් නොගන්නා ලෙස එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා නිවේදනයක් නිකුත් කරමින් ඉල්ලා සිටී.

26 August 2025

ව්‍යාජ තෑගි ඔප්පු හදා දේපොළ පවරාගත් දොස්තර පුතා සහ තාත්තා අත්අඩංගුවට

ව්‍යාජ තෑගි ඔප්පු 19 ක් සකස්කර අන් සතු දේපළ අත්පත් කර ගත් බව කියන වෛද්‍යවරයෙකු සහ ඔහුගේ පියා ඊයේ (25) අත්අඩංගුවට ගත් බව අපරාධ පරීක්ෂණ දෙපාර්තමේන්තුව පවසයි.

26 August 2025

එජාපය මල්වතු -අස්ගිරි මහ නාහිමිවරුන් හමුවෙයි

එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා ඇතුළු පක්ෂ නායකයෝ පිරිසක් මහනුවරදී තිබ්ටුවාවේ ශ්‍රී සිද්ධාර්ථ සුමංගල මල්වතු මහ නා හිමි සහ වරකාගොඩ ශ්‍රී ඤාණරතන අස්ගිරි මහ නාහිමි අද(26) බැහැ දුටුවේය.

26 August 2025

පුංචි ආණ්ඩුවලට බර වාහන

පළාත් පාලන ආයතනවලට බර වාහන අලුතින් මිලදී ගැනීමට රජය තීරණය කර ඇත.

26 August 2025

තියුණු ආයුධයකින් පහරදී මරලා

මඩොල්සිම බෝගහකුඹුර වෙල්යායේදී අද( 26) අලුයම තිස් නවය හැවිරිදි පුද්ගලයෙකු තියුණු ආයුධයකින් කපා කොටා ඝාතනය කොට ඇතැයි මඩොල් සිම පොලිසිය පැවසීය.

26 August 2025

රිය අනතුරකින් අයෙක් මරුට

කොට්ටාව පිළියන්දල 342 බස් මාර්ගයේ මත්තේගොඩ සල්ගස් හන්දිය අසලදී මෝටර් රථයක් ඉස්සර කිරීමට ගිය යතුරු පැදියක් පෞද්ගලික ප්‍රවාහන බස් රථයක මුහුණට මුහුණ ගැටී පැදිකරු ජීවිතක්ෂයට පත්ව ඇතැයි මත්තෙගොඩ පොලිසිය පවසයි.

26 August 2025

සරසවි කඩ ඉම් ලකුණු නිකුත් කරයි

2024 වර්ෂයේ අ.පො.ස. (උසස් පෙළ) විභාගයේ විශ්වවිද්‍යාල කඩඉම් ලකුණු විශ්වවිද්‍යාල ප්‍රතිපාදන කොමිෂන් සභාව විසින් නිකුත් කර තිබේ.

26 August 2025

බොරලැස්ගමුව වෙඩික්කරු අල්ලයි

බොරලැස්ගමුව මාලනීබුලත් සිංහල මාවතේදී තරුණයකු වෙඩි තබා ඝාතනය කර තවත් පුද්ගලයෙකුට බරපතල තුවාල සිදු කළ වෙඩික්කරු නාවින්න ප්‍රදේශයේදී අත්අඩංගුවට ගත් බව පොලිස් විශේෂ කාර්ය බළකාය කියයි.

26 August 2025

වෙඩි තියන්න ඇවිත් පිස්තෝලයත් නැතිව පැන යයි

මාතර වෙරළ පාරේ පිහිටි අවන්හලකින් කොත්තුවක් මිලදී ගැනීමේ මුවාවෙන් ඇතුළු වු නාදුනන පුද්ගලයෙකු ඊයේ (25)රාත්‍රි 11.45 ට පමණ එහි සිටි ව්‍යාපාරිකයාට වෙඩි තැබීමට දැරූ උත්සාහය ඔහු සමඟ පොර බදා ගිනි අවිය උදුරා ගැනීම නිසා අසාර්ථක වී ඇති බව මාතර මූලස්ථාන පොලීසිය පවසයි.

26 August 2025

දිලීප පිරිස්ට ඩුබායි පාතාලයෙන් තර්ජන

ඩුබායි රාජ්‍යයේ සැඟව සිටින සංවිධානාත්මක අපරාධකරුවන් පිරිසක් විසින් අතිරේක සොලිසිටර් ජනරාල් ජනාධිපති නීතීඥ දිලීප පීරීස් මහතාගේ ජීවීතයට හානියක් කිරීමට සැළසුම් සකස් කරන බවට ලැබුණු බුද්ධි තොරතුරකට අනුව ඔහුගේ ජීවීත ආරක්‍ෂාව සඳහා විශේෂ පොලිස් කණ්ඩායමක් යෙදවීමට පියවර ගෙන ඇතැයි වාර්තාවේ.

25 August 2025

විදෙස් ආයෝජනවල ලොකු වර්ධනයක්

මෙම වසරේ පළමු මාස 7 තුළදී මෙරටට ඇමෙරිකානු ඩොලර් මිලියන 607 ක් සෘජු විදෙස් ආයෝජන මෙරටට ලැබී තිබෙන බවත් පසුගිය වසරේ පළමු මාස 7 ට සාපේක්ෂව මෙම වසරේ පළමු මාස 7දී මෙරටට ලැබුණු සෘජු විදෙස් ආයෝජන ප්‍රමාණය දෙගුණයකටත් වඩා වැඩි ප්‍රමාණයකින් වර්ධනය වී තිබෙන බවත් ශ්‍රී ලංකා ආයෝජන මණ්ඩලයේ සභාපති අර්ජුන හේරත් මහතා ප්‍රකාශ කළේය.

25 August 2025