( හිරාන් ප්‍රියංකර ජයසිංහ )

මහ වැස්සත් සමඟ පුත්තලම ලුණු ලේවායන් සම්පුර්ණයෙන් වැසි ගිය බව පුත්තලම ලුණු නිපදවන්නන්ගේ සංගමයේ සභාපති රනිස් බදුර්දීන මහතා පවසයි.

දින කිපයක් පුරා පුත්තලම ඇද හැලෙන මහ වැසිත් සමඟ මෙලෙස පුත්තලම ලුණු ලේවයාන් වැසි ජලයෙන් සම්පුර්ණයෙන් වැසි ගොස් ඇති බවද වගා කරුවෝ පවසති.

වසර ගණනාවක් පුරා නොකඩවා ඇද හැළුන මහ වැසි සමඟ ඉන්දියාවෙන් ලුණු මෙරටට අපනයනය කිරීමට සිදුව තිබු නමුත් පසුගිය මාස කිපයක් පුත්තලම පැවති වියළි කාළගුණයත් සමඟ පුත්තලම ලුණු නිපදවන්නන්ගේ සංගමයට අයත් වගා කරුවන් හා පුත්තලම ලුණු සමාගම ඇතළු දිස්ත්‍රික්කයෙ ලුණු වගා කරනු ලබන බිම් වලින් මෙට්ට්‍රික් ටොන් ලක්ෂයකට ආසන්න සාර්ථක අස්වැන්නක් මෙවර ලැබි තිබිම විශේෂ වු බව කියයි.

පුත්තලම ලුණු නිපදවන්නන්ගේ සංගමයේ සභාපතිවරයා පවසා සිටියේ වැසි ජලයෙන් නැවතත් තම ලුණු ලේවායන් වැසි ගියත් ඒ වන විටත් සමස්ථ අස්වැන්න තම වගාකරුවන් පිටතට ගෙන තිබිම නිසා පාඩුවක් සිදු නොවු බවයි.

එසේ ලබා ගෙන තිබු ලුණු මේ වන විට ලේවායන් අවට වගාකරුවන් සතු ගබඩා තුළ ආරක්ෂීතව ගබඩා කර ඇති බවත් රටට අවශ්‍ය ලුණු තොග මේ වනවිට මෙරට නිෂ්පාදනයෙන් ප්‍රමානවත් ලෙස ලැබිම නිසා ගැටළු කාරි තත්වයක් මතු නොවන බවට තමන් විශ්වාස කරන බවද ඔහු පවසන්නට විය.

කෙසේ නමුත් වානතවිල්ලුව හා තවත් ස්ථාන කිපයක ලුණු අස්වනු නෙළා ගැනිමට නොහැකිව වැස්සට හසුව තිබු බවද වාර්තා වෙයි.