(අංජුල මහික වීරරත්න)

තැපැල් කාර්යාල ඇප අරමුදල ආඥාපනත ඉවත් කර වර්තමාන අවශ්‍යතාවන්ට ගැලපෙන පරිදි නව පනතක් සකස් කිරීමට කැබිනට් අනුමැතිය ලැබී ඇත.

තැපැල් කාර්යාල ඇප අරමුදල ආඥාපනත සංශෝධනය කිරීම සඳහා 2022-03-07 දින පැවැති අමාත්‍ය මණ්ඩල රැස්වීමේ දී අනුමැතිය ලබා දී ඇත. එකී ආඥාපනතේ ඇතැම් වගන්ති සම්පුර්ණයෙන් සංශෝධනය කිරීමටත්, අලුතින් වගන්ති ඇතුළත් කිරීමටත් යෝජනා වී ඇති බැවින් එම ආඥාපනත තවදුරටත් සංශෝධනය කිරීම වෙනුවට වර්තමාන අවශ්‍යතාවන්ට ගැලපෙන පරිදි නව පනතක් හඳුන්වා දීම වඩාත් යෝග්‍ය බව පෙනී ගොස් ඇත. ඒ අනුව, (282 අධිකාරය වූ) 1931 අංක 1 දරන තැපැල් කාර්යාල ඇප අරමුදල ආඥාපනත ඉවත් කර නව පනත් කෙටුම්පතක් සකස් කරන ලෙස නීති කෙටුම්පත් සම්පාදකට උපදෙස් දීම පිණිස සෞඛ්‍ය හා ජනමාධ්‍ය අමාත්‍යවරයා  ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.