(නිමල කොඩිතුවක්කු)

පාසල තුළ ගුරුවන්ගේ අනුදැනුම මත  දෙමව්පියන් හෝ වෙනත් කණ්ඩායමක් මුදල් එකතු කිරීම නිසා යම් දරුවෙකු අපහසුතාවයට පතව සිටී නම්  එම දරුවා වෙනුවෙන් අධ්‍යාපන අමාත්‍යංශය මැදිහත් වන බව  කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා කොළඹ දී  පැවසීය.

පසුගිය රජයන්වලදී පාසල්වල  මුදල් එකතු කිරීම නීත්‍යානුකූල වුවත් වත්මන්  රජය යටතේ පාසල්වල මුදල් එකතු කිරීම සඳහා නිල අනුමැතියක් ලබාදී නොමැති බවත් අමාත්‍යවරයා සඳහන් කළේය.

රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවේ දී පාසල්වලින් මුදල් අයකිරීම සම්බන්ධයෙන් මාධ්‍යවේදීන් කළ විමසිමක දී අමාත්‍යවරයා මේ බව පැවසීය.