එසැණ පුවත්

වීසා නැතිව සිටි 134ක් අනුරාධපුරෙන් මාට්ටු

විසා බලපත්‍ර නොමැතිව මාස කිහිපයක් තිස්සේ අනුරාධපුර නගරයේ හා මිහින්තලය නගරයේ සුඛෝපභෝගි හෝටල් පහක රැදි සිටි චීන, තායිවාන්, මියන්මාර් ජාතිකයන් 134 දෙනෙක් ආගමන හා විගමන දෙපාර්තමේන්තුවේ නිලධාරින් විසින් අත්අඩංගුවට ගනු ලැබූහ.

බිලියන තුනක කුඩු සමග ඇල්ලූ ධීවරයන් රඳවා ගන්න අවසර

දෙවුන්දරට ඔබ්බෙන් වූ දකුණු මුහුදු තීරයේ දී රුපියල් බිලියන තුනකට අධික වටිනාකමින් යුත් හෙරොයින් කිලෝ ග්‍රෑම් 133යි ග්‍රෑම් 28 ක් සමග නාවික හමුදාව විසින් අත්අඩංගුවට ගත් බහුදින ධීවර යාත්‍රාවේ ධීවරයින් පස්දෙනා ඇතුළු සැකකරුවන් හත් දෙනෙකු දින හතක් රඳවා ප්‍රශ්න කිරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා මත්ද්‍රව්‍ය කාර්යාංශයට අද අවසර ලබා දුන්නේය.

ශ්‍රී ලංකන් යානා වලට මාලේ බිම් මෙහෙවර කොන්ත්‍රාත්තුව දෙයි

මාලදිවයිනේ මාලේ ගුවන් තොටුපොළෙහිදී ශ්‍රී ලංකන් ගුවන් සේවයේ ගුවන් යානා සඳහා බිම් මෙහෙවර සේවා සපයා ගැනීමේ කොන්ත්‍රාත්තුව පිරිනැමීමට කැබිනට් අනුමැතිය ලැබී ඇත.

කුඩු සමග ඇල්ලූ දෙදරු මව දිවි ඇති තෙක් හිරගෙට

කුඩු ග්‍රෑම් 18 ක් ලඟ තබාගෙන ජාවාරම් කිරීමේ චෝදනාවන්ට වරදකරු වු දෙදරු මවකට ජීවිතාන්තය දක්වා සිර දඬුවම් කොළඹ මහාධිකරණ විනිසුරු ලංකා ජයරත්න මහත්මිය අද නියම කළාය.

ඊෂි කෑෂ් මත් ජාවාරමුන්ට නීති වැට දැඩි කරයි

eZCash සහ mCash මුදල් හුවමාරු කිරීමේ ක්‍රම යොදා ගනිමින් මත්ද්‍රව්‍ය ජාවාරම් සහ සංවිධානාත්මක අපරාධ වලට අදාලව මුදල් හුවමාරු කරනු ලබන පුද්ගලයින්ට එරෙහිව නීතිමය පියවර ගැනීමට කැබිනට් අනුමැතිය ලැබී ඇත.

අර්බුදයට මුහුණ දෙන හැටි කියන්න විශේෂ චක්‍රලේඛයක් එයි

මැද පෙරදිග කලාපයේ නිර්මාණය වී ඇති යුද ගැටුම් හේතුවෙන් ඉදිරියේදී මතුවිය හැකි ඉන්ධන සපයා ගැනීමේ ගැටලුව සැලකිල්ලට ගෙන එයට මුහුණ දීමට අවශ්‍ය පියවර ගැනීම සඳහා රාජ්‍ය පරිපාලන, පළාත් සභා සහ පළාත් පාලන අමාත්‍යංශයේ ලේකම් ආලෝක බණ්ඩාර මහතා චක්‍රලේඛයක් නිකුත් කර තිබේ.

නාමල් උයන ජාතික උරුමයක් වෙයි

ජාතික නාමල් උයන’ ජාතික උරුමයක් ලෙස ප්‍රකාශයට පත් කිරීමට කැබිනට් අනුමැතිය ලැබී

සම්මත ප්‍රසම්පාදන නැතිව තෙල්-ගෑස් ගන්න කැබිනට් අනුමැතිය

ගල් අඟුරු ගන්න හදිසි ප්‍රසම්පාදනයක්

නොරොවෝලේ ලක්විජය බලාගාරය සඳහා ගල් අඟුරු සපයා ගැනීමේ හදිසි ප්‍රසම්පාදනයට කැබිනට් අනුමැතිය ලැබී ඇත.

යතුරුපැදි අනතුරින් අයියා නගෝ මරුට

යාපනය පොලිස් වසමේ යාපනය කොළොම්බුතුරේ මාර්ගයේ නෙඩුම්කුලම් හන්දිය ආසන්නයේ දී යාපනය දෙස සිට කොළොම්බුතුරේ දෙසට ධාවනය වූ යතුරුපැදියක් ඊයේ(16)වන දා රාත්‍රි කාලයේ ප්‍රතිවිරුද්ධ දෙසින් පැමිණි ට්‍රැක්ටර් රථයක ගැටීමෙන් සහෝදරයකු සහ සහොදරියක් මියගොස් ඇතැයි යාපනය මූලස්ථාන පොලිසිය කියයි.

බදාදා නිවාඩුවට කැබිනට් අනුමැතිය

පවතින ඉන්ධන අර්බුදයට විසඳුමක් වශයෙන් සතියේ බදාදා දින රජයේ නිවාඩු දිනයක් ලෙස ප්‍රකාශයට පත් කිරීමට කැබිනට් අනුමැතිය ලැබී ඇත.

’අයිරිස් ඩෙනා’ට එල්ල කළ ප්‍රහාරය ඉරාන හමුදාවට අමතක නෑ

ඇමෙරිකාව, අයිරිස් ඩෙනා නෞකාවට එල්ල කළ ටොපීඩෝ මිසයිල පිළිබඳව ඉරාන නාවික හමුදාවට අමතක වී නොමැති බවත් බලාපොරොත්තු නොවූ මොහොතක සතුරාට ඉරාන නාවික හමුදාව මාරාන්තික ප්‍රහාරයක් එල්ල කරනු ඇති බවත් ඉරාන නාවික හමුදාපති පසුගියදා අනතුරු ඇඟවූවේය.

පී.සීගේ අමුතුම ඩියුටිය

කහටරුප්ප පොලිසියේ ප්‍රධාන ආරක්ෂක දොරටුවේ රාජකාරියේ සිටියදී රාත්‍රී රාජකාරී බාර නිලධාරියාට වෙඩි තබා මරණ බවට තර්ජනය කර පාලන අංශයේ පැදුරක් බිම එලා නිදාගත් බව කියන එම පොලිසියේ කොස්තාපල්වරයකු අත්අඩංගුවට ගත් බව බදුල්ල සහකාර පොලිස් අධිකාරී කාර්යාලය පවසයි.

පාර්ලිමේන්තුව හෙට නෑ

පාර්ලිමේන්තුව හෙට (18) රැස් නොකිරීමට අද පෙරවරුවේ පැවැති පාර්ලිමේන්තු කටයුතු පිළිබඳ කාරක සභාවේදී තීරණය කර ඇත.

කාංචන කැඳවන්න

කිව්.ආර් ගැටලු හරියට ලිහා ගන්නට බැරි නම් හිටපු ඇමති කාංචනට මාසයක් විතර වගකීම බාර දෙන්නැයි බදුල්ල දිස්ත්‍රික් මන්ත්‍රී චාමර සම්පත් දසනායක මහතා පාර්ලිමේන්තුවේදී පැවසීය.

හරි වෙලාවට හරි තීරණ ගන්නවා

ආණ්ඩුව ලෝක අර්බුදය ඉතා සමීපව නිරීක්ෂණය කරමින් ගත යුතු තීරණ හරි වෙලාවට ගනිමින් තත්ත්වය කළමනාකරණය කරන බව අග්‍රාමාත්‍ය ආචාර්ය හරිනි අමරසූරිය පාර්ලිමේන්තුවේදී පැවසුවාය.

අර්චුනාගේ ඉන්ධන ප්‍රශ්නය පාර්ලිමේන්තුවට

තමාට ලබා දී ඇති ඉන්ධන ලීටර් 15න් යාපනේ සිට පාර්ලිමේන්තු එන්නට ගියොත් සති ගානක් ගතවන බව යාපනය දිස්ත්‍රික් මන්ත්‍රී රාමනාදන් අර්චුනා මහතා පාර්ලිමේන්තුවේදී පැවසීය.

පාර්ලිමේන්තුවේ බලය කොමිෂන් සභාවලට යටපත් කරන්න බෑ’’

ලංකාවේ ප්‍රධාන දේපළ සංවර්ධන සමාගම් දෙකක් මහල් නිවාස විකුණීමට පාර්ලිමේන්තුවේ අනුමැතියෙන් තොරව පත්‍රවල දැන්වීම් පළ කර තිබෙන හෙයින් මෙම දැන්වීම් පළකිරීම නවත්වන ලෙස එම සමාගම් වලට දැනුම් දී ඇති බවත් රාජ්‍ය ගිණුම් පිළිබඳ පාර්ලිමේන්තු කාරක සභාවේ සභාපති ආචාර්ය හර්ෂ ද සිල්වා මහතා පාර්ලිමේන්තුවේදී අද පැවසීය.

දුම්වැටි-ජංගම දුරකතන සමඟ විදෙස් ජාතිකයින් 5ක් අල්ලයි

රුපියල් එක් කෝටි අසූ ලක්ෂයක් වටිනා විදේශීය නිෂ්පාදිත දුම්වැටි තොගයක් සහ භාවිතා කරන ලද ජංගම දුරකථන තොගයක් නීතිවිරෝධී ලෙස රැගෙන කටුනායක ගුවන් තොටුපොළ වෙත රැගෙන පැමිණි චීන ජාතිකයන් 05 දෙනෙකු ගුවන් තොටුපොළ රේගු නිලධාරීහු පිරිසක් විසින් අද(17) අලුයම අත් අඩංගුවට ගෙන සිටිති .

’’තෙල් වලින් බදු අයින් කරන්න’

ඉන්ධන වලින් සියලු බදු ඉවත් කරන ලෙස විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද ඉල්ලීමක් කළේය.

බදාදා නිවාඩු දෙන්නැයි පෞද්ගලික පාසල් වලින් ඉල්ලයි

ජාත්‍යන්තර පාසල්, පෞද්ගලික උසස් අධ්‍යාපන ආයතන සහ වෘත්තීය අධ්‍යාපන ආයතන ද බදාදා දිනය නිවාඩු ලබා ලබා දෙන ලෙස අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශ ලේකම් නාලක කලුවැව මහතා ඉල්ලා සිටී.

ලෝක යුද්ධය විවාදය හෙට පවත්වන්න: සජිත්ගෙන් ඉල්ලීමක්

ලෝක තත්වය පිළිබඳ සභාව කල්තබන අවස්ථාවේ විවාදය හෙට බදාදා පවත්වන්නැයි විපක්ෂ නායක සජිත් ප්‍රේමදාස මහතා අද පාර්ලිමේන්තුවේදී කථානායකවරයාගෙන් ඉල්ලීමක් කළේය.

ට්‍රම්ප් කියුබාවට පහර දෙන්න සූදානම්

ලතින් ඇමෙරිකා කලාපයට අයත් කියුබාව සමග දශක ගණනක් තිස්සේ පවතින අර්බුදය අවසන් කරමින්, කියුබාව යටත් කරගෙන කියුබා වැසියන් මර්දනකාරී පාලනයෙන් නිදහස් කර ගැනීමට තමන් සූදානම් යැයි ඇමෙරිකා ජනාධිපති ඩොනල්ඩ් ට්‍රම්ප් මාධ්‍යවේදීන් හමුවේ පැවසීය.

හෝමූස් අර්බුදය විසඳන්න බ්‍රිතාන්‍ය අගමැති වෙර දරයි

ඉරාන විප්ලවීය හමුදාව, ඇමෙරිකාවටත් ඊශ්‍රායලයටත් විරෝධය පළ කරමින් අවහිර කළ හෝමූස් සමුද්‍ර සන්ධිය යලි විවෘත කර, ගෝලීය වෙළෙඳපොළේ ස්ථාවරත්වය සහ ඉන්ධන සැපයුම සහතික කිරීමට බ්‍රිතාන්‍ය අග්‍රාමාත්‍ය කියෙර් ස්ටාර්මර් උත්සාහ ගනිමින් සිටී.

බැග්ඩෑඩයේ ඇමෙරිකා තානාපති කාර්යාලයට ප්‍රහාරයක්

ඉරාකයේ බැග්ඩෑඩ් අගනුවර පිහිටි ඇමෙරිකන් තානාපති කාර්යාලයට නියමුවන් රහිත ඩ්‍රෝන ප්‍රහාරයක් සහ රොකට් ප්‍රහාරයක් එල්ල විය.

ඇමෙරිකන් චීන ජනපති හමුව මසකින් පස්සට

ඇමෙරිකා-ඊශ්‍රායල-ඉරාන යුද්ධය මුල්කොට ගනිමින්, ඇමෙරිකා ජනාධිපති ඩොනල්ඩ් ට්‍රම්ප් සහ චීන ජනාධිපති ෂී ජින්පින් අතර පැවැත්වීමට නියමිත මුහුණ හමුව මාසයකින් කල් දැමීමට සිදුවුණු බව ධවල මන්දිරය පවසයි.

හෝමූස් වහලා තියෙන්නේ ඇමෙරිකන් හිතවතුන්ට විතරයි

හෝමූස් සමුද්‍ර සන්ධිය වසා දැමීමට තමන් පියවරගෙන නොමැති බවත්, ඇමෙරිකා හිතවාදී රටවල නැව්වලට පමණක් ඒ හරහා යාත්‍රා කිරීමට ඉඩ නොදෙන බවත් ඉරාන විප්ලවීය හමුදාව පැහැදිලි කර ඇත.

ඉන්ධන හිඟයෙන් මන්ත්‍රීලාත් අමාරුවේ

දැඩි ඉන්ධන හිඟය හේතුවෙන් පාර්ලිමේන්තු මන්ත්‍රීවරුන්ට මේ සතියේ පාර්ලිමේන්තුවට පැමිණීමේ බාධා මතුවනු ඇති බව පාර්ලිමේන්තු ආරංචි මාර්ග සඳහන් කළේය.