(එම්.කේ. නන්දසේන)
කතරගම කාවන්තිස්සපුර පොලිස් විශේෂ කාර්ය බලකා කඳවුරේ නිලධාරීන් කණ්ඩායමක් යාල කලාප තුන ගල්ගේ සීමාවේදී සිදුකළ සෝදිසි මෙහෙයුමකදී ගංජා හේන් තුනක් වටලා රුපියල් කෝටියකට අධික වටිනාකමක් ඇති ගංජා වගාවක් විනාශ කරබව කඳවුරු භාර අණදෙන නිලධාරි පොලිස් පරීක්ෂක චමින්ද පල්ලියගුරු මහතා පැවසීය.
මෙම හේන් තුන අක්කර බාගෙ, අක්කර කාල යනාදී වශයෙන් එකකට එකක් කිලෝමීටරයක් පමණ වනසේ දුරින් පිහිටුවා තිබූබව කියයි. එක් හේනක අඩි හයක් පමණ උසට වැවී පැසී කැපීමට ආසන්නව තිබී ඇති අතර, අනෙක් හේනතුලද සරුවට වැවී මල් පිපී තිබී ඇත.
තුන්වන හේන තුල විශාල ප්රමාණයේ ගංජා පැල තවන් තුනක් තිබී ඇති අතර අඩියකට වඩා උසට වැඩුනු පැල 3500 ට ආසන්න ප්රමාණයක් ගලවා විනාශකර තිබේ.
වැටලීම සිදුකල අවස්ථාවේදී ඒවායේ හිමිකරැවන් කිසිවෙකු හේන් තුළ නොසිටි බවත්, එක් හේනක තිබූ වාඩි පැල ඇතුළු හේන් තුනෙහිම තිබූ වගාවන් ගිණිතබා විනාශ කොට අධිකරණයට කරුණු වාර්තා කිරීම සඳහා ලබාගත් සාම්පල් ගලගේ වනජීවී කාර්යාලය වෙත බාරදුන් බවත් වැටලීම් සිදුකල නිළධාරිහු පවසති.
පොලිස් විශේෂ කාර්ය බලකායේ අණ දෙන නිලධාරි ජේෂ්ඨ නියෝජ්ය පොලිස්පති වරුණ ජයසුන්දර, ගාල්ල, හම්බන්තොට කලාප අණදෙන නිලධාරී ජේෂ්ඨ පොලිස් අධිකාරි විදුරනාථ දිසානායක, හම්බන්තොට ප්රාදේශීය අණදෙන නිලධාරි සහකාර පොලිස් අධිකාරි යූ.අබේරත්න මහත්වරුන්ගේ උපදෙස් මත කඳවුරු බාර අණදෙන නිලධාරී පොලිස් පරීක්ෂක චමින්ද පල්ලියගුරු මහතාගේ මෙහෙයවීම යටතේ පොලිස් පරීක්ෂකවරුන් වන එචි.කේ.එන්.ඒ විජේරත්න, ආර්.එන්.ටී. ඊ.කේ.රත්නායක, සැරයන් 66840 හිටිසේකර,කොස්තාපල්රුන් වන 86929 අචිර, 88416 සමීර, 83613 රසික, 92107 ජයසූරිය, 92292 විජේසූරිය, රියදුරු 73928 එදිරිසිංහ යන නිළධාරිහු මෙම විශේෂ වැටලීම සිදුකළහ.
පෞද්ගලික බැංකු මූලස්ථානයක විධායක අධ්යක්ෂකවරයෙකුගේ. නාරහේන්පිට නිවසේ සඟවා තිබූ ගිනි අවි සහ ජීව උණ්ඩ තොගයක් සමඟ එම පුද්ගලයා පොලිස් අත්අඩංගුවට ගත් බව
දිවයිනේ බොහෝ ප්රදේශවල ප්රධාන වශයෙන් වැසි රහිත කාලගුණ තත්ත්වයක් පවතින බව කාලගුණවිද්යා දෙපාර්තමේන්තුව කියයි.
නිවස තුලට සුනඛයන් පැමිණිම වැලැක්වීම සඳහා පියා විසින් අනවසරෙන් ඇද තිබූ විදුලි රැහැනක ගැටීමෙන් පුතා විදුලි සැර වැදී මිය ගොස් ඇතිබව සෙවනගල පොලිසිය පවසය
බදුල්ල නගරයේ සේනානායක පිටිය අසල දි පිහියකින් ඇණ බදුල්ල කොළඹ පෞද්ගලික බස්රථ රියදුරකු ඝාතනය කර ඇතැයි බදුල්ල පොලිසිය පවසයි .
රජයේ ඩිජිටල්කරණ වැඩසටහන යටතේ ඩිජිටල් ප්රවේශ තුනක් ජනාධිපති අනුර කුමාර දිසානායක මහතාගේ ප්රධානත්වයෙන් අද (07) පැවැත්වෙන උත්සවයකදී ආරම්භ කරන බව ඩිජිටල
ශ්රී ලංකාවේ මාධ්යවේදීන්ට පුවත් වාර්තා කිරීමේදී, ස්ත්රී පුරුෂ දෙපාර්ශවය සඳහා වූ පොදු වූ වචන මාලාවක් ඉගැන්වීම සඳහා ආරම්භ කළ හාස්යජනක ව්යාපෘතියකට
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
යාල වන මැද කෝටියක ගංජා හේන් තුනක් වටලයි
කුමාර Sunday, 28 June 2020 01:59 PM
මෙව්වා මෙහෙම විනාශ නොකර ආයුර්වේද වෛද්යායතනවලට දෙන්න බැරිද? එහෙම නැතත් මෙව්වා නීතිගත රටකට අපනයනය කරන්න හරි? හැමදේටම හමුදාව යොදවා ගන්න එකේ හමුදාවේ මැදිහත් වීමෙන් මෙව්වා වගාකරලා අපනයනය කරන්න පුළුවන්...
ravin Sunday, 28 June 2020 02:21 PM
ඉවරයි, ඔහෙලා ඉල්ලන් කෑවේ ආමි මහත්තුරුනේ, මේ ඇවිල්ලා අපේ ලොකු බේබිගේ හේනනේ.. හෙට බේබි තාත්තාට කේලම කියාවි. ඊට පස්සේ බඩු බනිස් තමයි...
කෝලිත Sunday, 28 June 2020 11:04 PM
මෙයින් පස්සේ ලංකාවේ මත්ද්රව්ය ව්යාපාර කරන්න ලැබෙන්නේ නැහැ. අපි හොයපු නායකත්වය අපිට ලැබිලා තියෙනවා. ඔය කර්මාන්තයට සම්බන්ධ කිසිදෙයක් හෝ කෙනෙක් ඉතුරු කරන්න එපා. ඉතුරු කළොත් ආපසු බෝ වෙන්න පටන් ගන්නවා. ලංකාවට සියලු දෙවිපිහිටෙන් යහපත් සමාජයක් බිහිවේවා...!!!