IMG-LOGO

2024 අප්‍රේල් මස 21 වන ඉරිදා


හොර දොස්තරලාගෙන් රෝගීන් බේරාගන්න බැරිද?

අප රටේ ජනයා කවර කලෙක කළ පාපකර්මයක් ගෙවා දමමින් සිටින්නේදැයි සිතා ගත නොහැකි තරම්ය. නයන පිනවන මේ රන් දිවයිනේ ඉපදීම සම්බන්ධයෙන් ප්‍රීති ප්‍රමෝදයට පත් විය හැකි පුවතක් අසන්නට ලැබෙන්නේ කණ කැස්බෑවා විය සිදුරෙන් අහස දෙස බලන්නාක් මෙනි. නිරතුරුව අසන්නට දකින්නට ලැබෙන්නේ සිත දොම්නසින් පුරවන අපගේ ජීවිතවල හෙට දවස සම්බන්ධයෙන් භීතිය උපදවන සුළු පුවත්ය. එබඳු පුවත් එකක් පසුපස එකක් වශයෙන් වාර්තාවීම කිසි ලෙසකින්  හෝ ඛේදවාචකයකින් වෙනස් නොවන්නකි.

ආරෝග්‍යා පරමා ලාභා යනුවෙන් නිරෝගී බව පරම ලාභයකැයි බුදු බණෙහි සඳහන්ය. ඒකාන්ත සත්‍යයකි. එහෙත් අප රටෙහි ජනයාට ඒ භාග්‍යය අහිමිව බොහෝ කල්ය. එක් අතකින් අත්‍යවශ්‍ය ඖෂධ හිඟයකි. තියෙන ඖෂධ ගිනි ගණන්ය. වෛද්‍යවරුන් හෙද හෙදියන් ඇතුළු කාර්ය මණ්ඩල රට හැර ගොසින්ය. වෛද්‍ය උපකරණවල හිඟය අතිමහත්ය. තියෙන උපකරණ අබලන්ය. ඒ අතරවාරයේ බාල ඖෂධ ජාවාරම ඉහළ සිට පහළට සිදු කෙරේ. මෙහෙව් රටක නිරෝගී බව සැබැවින්ම පරම භාග්‍යයකි.

රජයේ වෛද්‍ය නිලධාරීන්ගේ සංගමය උපුටා දක්වමින් අප පුවත්පත ඉකුත්දා වාර්තා කළ පුවතකින් කියැවුණේ රට පුරා විවිධ ප්‍රදේශවල වෛද්‍යවරුන් ලෙස ව්‍යාජව පෙනී සිටින පුද්ගලයන් හතළිස් දහසක් පමණ සිටින බව සමීක්ෂණවල දී හෙළිදරව්වී ඇති බවය.

වෛද්‍යවරුන් ලෙස ව්‍යාජව පෙනී සිටින මෙම පුද්ගලයන්ගේ ක්‍රියාකාරීත්වය නිසා රෝගී ජනතාවගේ ජීවිත පවා අවදානමට ලක්වී ඇතැයි ද ගබ්සා සහ බරපතළ සංකූලතා සහිත  රෝගී තත්ව ආදියට පවා මෙම වෛද්‍යවරුන් ලෙස ව්‍යාජව පෙනී සිටින පුද්ගලයන් ප්‍රතිකාර කරන බවද රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ මහතා ප්‍රකාශ කළ බව අප ප්‍රවෘත්තියේ සඳහන්ය.

අත්උදව්කරු ඉතා කෙටි කලකින් ‘බාස්’ බවට පත්වේ. කොන්දොස්තර  තැන ඉතා ඉක්මනින් රියැදුරු බවට පත්වේ. ඩිස්පැන්සරියක සුළු සුළු වැඩ සඳහා ගිය අයකුට එම වැඩ අල්ලාගත් පසු ඉතා පහසුවෙන් වෛද්‍යවරයකු බවට පත්විය හැකිය. ඒ සඳහා අවශ්‍ය වන්නේ වෙද නළාවක් සොයා ගැනීම පමණි. විචාර බුද්ධිය එයට හිමි මාත්‍රාවෙන් නොගන්නා පුරවැසියෝ තම ජීවිතවලට මාරක අනතුරු ළංකර ගනිති.

රජයේ වෛද්‍ය නිලධාරීන්ගේ සංගමයේ ලේකම් වැඩිදුරටත් ප්‍රකාශ කර තිබුණේ රටේ පවතින ආර්ථික අර්බුදය සහ දරිද්‍රතාව හමුවේ අසරණ රෝගී ජනතාව ද මෙම ව්‍යාජ ලෙස පෙනී සිටින දොස්තරලා වෙත යොමුවීම ඉහළ යමින් තිබෙන බවය. එමෙන්ම මෙම පිරිස් සම්බන්ධයෙන් නීතිමය ක්‍රියාමාර්ග ගැනීමට බලපාන පනත් කිහිපයක් පැවතිය ද ඒ සියල්ලේම ප්‍රමාණවත් ප්‍රතිපාදන නොමැතිවීම නිසා තත්වය බරපතළ වී ඇති බවය.

ව්‍යාජ වෛද්‍යවරුන් වැටළීමේ දී සෞඛ්‍ය අංශ පමණක් නොව ශ්‍රී ලංකා පොලිසිය ද සම්බන්ධ විය යුතු අතර ප්‍රායෝගික ගැටලු ගණනාවක් නිසා මෙම වැටලීම් සාර්ථක සහ සැලසුම්සහගතව ක්‍රියාත්මක නොවන බවද රජයේ වෛද්‍ය නිලධාරීන්ගේ සංගමයේ ලේකම්වරයා අවධාරණය කර තිබේ.

රජයේ වෛද්‍ය නිලධාරි සංගමය අනාවරණය කළ කරුණු සරලව ගෙන බැහැර නොකළ යුතුය. මේ වූ කලී අප රටේ පුරවැසියන් හා ජීවත්වීමේ අයිතිය සමඟ ඍජුවම හා තීරණාත්මක ලෙස ගැට ගැසුණු තත්වයකි. එහෙයින් ප්‍රශ්නයේ බරපතළකම තේරුම්ගෙන අවශ්‍ය අවධානය යොමු කර කළ - මනා කටයුතු පමාවකින් තොරව සිදු කිරීම බලධාරීන්ගේ වගකීමය.

(***)



අදහස් (5)

හොර දොස්තරලාගෙන් රෝගීන් බේරාගන්න බැරිද?

nimal Monday, 26 February 2024 03:54 PM

ඔය කියන දොස්තරලාට වඩා GMOA එක රටට විනාශයක් කරමින් සිටිනවා සහ කළා...

:       6       13

chandima Wednesday, 28 February 2024 10:50 AM

හොර ජනාධිපතිලත් ඉද්දි හොර දොස්තරලා කජ්ජක්ද?

:       0       2

SUMEDA Saturday, 02 March 2024 11:36 AM

දොස්තරලා එකතුවෙලා හොර බෙහෙත් ගෙනැල්ලා ජනතාව විනාශ කරන මේ ඔක්කොම හොරු...

:       0       2

Saman Monday, 04 March 2024 05:07 AM

හැම ෆාමසි එකක්ම ලින්ක් කරන්න වෛද්‍ය සභාවේ රෙජිස්ට්‍රාර් එකටත් එක්ක. වෛද්‍යවරු සියලු දෙනාට තම ලියාපදිංචි අංකයෙන් බෙහෙත් තුණ්ඩු දෙන්න කියන්න. සැරින් සැරේ ෆාමසි චෙක් කරන්න ගත්තු බෙහෙත් සහ විකුණපුවා ලිස්ට් එකත් එක්ක. ඩිස්පෙන්සරි කඩ දාගෙන ඉන්න දොස්තරලා කැමැති නැහැ මොනවද ලියලා දෙන්නේ කියලා ලියලා දෙන්න.. මොකද ඕන ලෙඩකට බොරුවට බෙහෙත් 3-4 දෙනවා. වත්ත වටේ බුරලා වැඩක් නෑ..ඔන්න පුළුවන් නම් කරන්න. උත්තරේ ඔතන..

:       0       2

Perera Friday, 08 March 2024 06:15 AM

ලංකාව කියන්නේ උඩ ඉඳලා පහළට ඔක්කොම හොරු ඉන්න ලෝකයේ ලොකුම හොරගුහාව...

:       0       0

ඔබේ අදහස් එවන්න

විශේෂාංග

එදා - මෙදා දේශපාලන විවාද
2024 අප්‍රේල් මස 20 246 1

ආණ්ඩුක්‍රම ව්‍යවස්ථාව අනුව මේ වසරේ පැවැත්වීමට නියමිත ජනාධිපතිවරණයට පෙර ආර්ථික වශයෙන් රට ගොඩ නැඟීම පිළිබඳව විවාදයකට එන්නැයි සමඟි ජන බලවේගයේ හා ජාතික


අපේ රට ජාත්‍යන්තරයට ගෙනගිය ලාංකීය පුත්‍රයෙක්
2024 අප්‍රේල් මස 20 205 0

මෙරටින් බිහි වූ විශිෂ්ට ලංකා පුත්‍රයෙක් මිහිමවට සමුදී අද නොඑන ගමන් යන්නේය. ඒ මෙරට විශාලතම රාජ්‍ය නොවන සංවිධානය බිහිකර ශ්‍රී ලාංකීය සමාජය සංවර්ධනය උදෙ


ප්‍රගති මාවතේ අභියෝග
2024 අප්‍රේල් මස 19 224 0

සිංහල හින්දු අලුත් අවුරුදු උත්සව හේතුවෙන් රටේ දේශපාලන ක්ෂේත්‍රයේ යම් ආකාරයක නිශ්ශබ්දතාවක් තිබෙන බව පැහැදිලිය. එහෙත් මැයි 01 වෙනිදාට පැවැත්වෙන දේශපාල


විදේශ සංචාරකයන්ට රට එපා කරවන අඳබාලයෝ
2024 අප්‍රේල් මස 19 514 1

ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්‍යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො


ආර්ථිකය නොතකන අධ්‍යාපනය කුමකටද?
2024 අප්‍රේල් මස 18 413 1

රටේ පවත්නා ආර්ථික අර්බුදය මෙරට අධ්‍යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක


ඓතිහාසික මිහින්තලය රැකගැනීම ජාතියේ වගකීමක්
2024 අප්‍රේල් මස 18 152 1

අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 240 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1562 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1463 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site