රෝහල් ඉදිරිපිට මල්ශාලා තිබෙන බව හිටපු සෞඛ්ය අමාත්යවරයා පාර්ලිමේන්තුවේ දී ප්රකාශ කළේය. කුමන අදහසක් හිස දරා එම ප්රකාශය කළේදැයි පැහැදිලි නැතත් දැන් දැන් එම හේතුව වුවමනාවටත් වඩා වැඩියෙන් අනාවරණය වෙමින් තිබේ.
අප පුවත්පත ඉකුත් දා සිය මුල් පිටුවෙන් අනාවරණය කළ පුවත අප රටේ සෞඛ්යය කෙතරම් දුරට රෝගීවී ජරාජීර්ණ වී දූෂිත වී ඇද්දැයි ඔප්පු කරන්නකි. එම ප්රවෘත්තියෙන් කියැවුණේ ස්නායු රෝගීන් සඳහා භාවිත කරන ‘‘ඉමියුනෝග්ලෝබින්’’ නමැති ප්රමිතියෙන් තොර ප්රතිදේහ එන්නත් රජයේ රෝහල්වලට බෙදා හැරීමෙන් රුපියල් කෝටි ගණනක් වංචා කිරීම සහ රෝගී ජීවිත අනාරක්ෂිත තත්ත්වයට පත් කිරීම සම්බන්ධයෙන් විමර්ශන කරද්දී පිළිකා රෝගීන් සඳහා භාවිත කරන ‘‘රිටොක්සිනන්’’ නමැති ප්රමිතියෙන් තොර ප්රතිදේහ එන්නත් ආනයනය කර රුපියල් කෝටි 11 කට ආසන්න මුදලක් වංචා කිරීමේ සිද්ධියක් ද අනාවරණය වී ඇතැයි පැමිණිල්ල වෙනුවෙන් පෙනී සිටි නියෝජ්ය සොලිසිටර් ජනරාල් ලක්මිණි ගිරිහාගම මෙනෙවිය මාලිගාකන්ද මහේස්ත්රාත් ලෝචනා අබේවික්රම වීරසිංහ මහත්මියට දැනුම් දුන් බවය.
නියෝජ්ය සොලිසිටර් ජනරාල් ලක්මිණි ගිරිහාගම මෙනෙවිය අධිකරණයට තවදුරටත් දැනුම් දී ඇත්තේ අදාළ රුපියල් කෝටි 11කට ආසන්න මුදල එක්තරා වෙළෙඳ සමාගමකට මුදාහරින ලෙස සෞඛ්ය අමාත්යාංශයේ හිටපු ලේකම්වරයා ඔහුගේ අත් අකුරෙන් ටෙන්ඩර් පත්රිකාවේ පෞද්ගලිකවම සටහන් යොදා ඇති බවය. එමෙන්ම අදාළ ඖෂධය ගෙන්වා තිබියදී සෞඛ්ය අමාත්යාංශයේ හිටපු ලේකම්වරයා පෞද්ගලිකව යෙදු සටහන නිසා අවස්ථා තුනක දී එම මුදල ගෙවා ඇති බවද නියෝජ්ය සොලිසිටර් ජනරාල් ලක්මිණි ගිරිහාගම මෙනෙවිය අධිකරණයට දැනුම් දී ඇති බවත් ඒ සම්බන්ධයෙන් ප්රකාශයක් සටහන් කර ගැනීම සඳහා රහස් පොලිසියේ පෙනී සිටින ලෙසත් සෞඛ්ය අමාත්යාංයේ හිටපු ලේකම්වරයාට නියම කරන්නැයි ඉල්ලා සිටි බවත් අප ප්රවෘත්තියේ සඳහන්ය.
‘‘බාල ඖෂධ’’ ගෙන්වීම මහා ජාවාරමක් බවට පත්කරගෙන තිබෙන බවට චෝදනා නැගුණේ අද ඊයේ නොව බොහෝ කාලයක සිටය. එහෙත් ඒ බොහෝ අවස්ථාවල චෝදනාව මග හැර යමින් ප්රශ්නය යටපත් කිරීමට සෞඛ්ය අමාත්යාංශයේ දූෂිත වළල්ල සමත් විය. එහෙත් ප්රශ්නය ‘‘පොල් කට්ටෙන්’’ වසා දැමිය නොහැකි තැනට පත්වී තිබේ. බාල ඖෂධ ගෙන්වීමේ චෝදනාවට අදාළව බාල ඖෂධ ගෙන් වූ සමාගමේ හිමිකරු, වෛද්ය සැපයුම් අංශයේ අධ්යක්ෂවරයා, එහි සහකාර අධ්යක්ෂවරිය, ගණකාධිකාරී (සැපයුම්) සහ තොග පාලකවරයා අත්අඩංගුවට ගෙන අධිකරණයට ඉදිරිපත් කිරීමෙන් පසු රිමාන්ඩ් බන්ධනාගාරගතව සිටිති.
මාලිගාකන්ද මහේස්ත්රාත් ලෝචනා අබේවික්රම වීරසිංහ මහත්මිය රහස් පොලිසියට නියෝග කර ඇත්තේ ‘‘මෙම ඖෂධ ජාලයට සම්බන්ධ මෙම සැකකරුවන්ට ඉහළින් සිටින මෙම අපරාධයට සම්බන්ධ පුද්ගලයන් සම්බන්ධයෙන් විමර්ශනය කරන්න’’ යන උපදේශයෙනි. එමෙන්ම සැකකරුවන් මේ ආකාරයෙන් කටයුතු කර ඇත්තේ ඔවුන්ට ඉහළින් සිටින කුමන නිලධාරීන්ගේ නීති විරෝධී නියෝග මතදැයි වහාම විමර්ශනය කර ඉදිරි දිනයේ දී අධිකරණයට වාර්තා කරන ලෙස ද මාලිගාකන්ද මහේස්ත්රාත් ලෝචනා අබේවික්රම වීරසිංහ මහත්මිය රහස් පොලිසියට නියම කළ බවද අප ප්රවෘත්තියේ සඳහන්ය.
මෙරට සියලු ජනයාට දැන් ඇත්තේ අධිකරණයේ පිහිට පමණි. මානව සංහාරයකින් වෙනස් නොවන මෙම මහා ජාවාරමට සම්බන්ධ සියලු පාපතරයන් තරාතිරම් බේදයකින් තොරව කුදලාගෙනවිත් අධිකරණයට ඉදිරිපත් කර උපරිම දඬුවම් දිය යුතුය. ඒ ජනතාවගේ එකම ප්රාර්ථනය වේ.
(***)
ගෝලීය ලෙස ගත්කල කසළ ගැටලුව ප්රමුඛය. එය නාගරීකරණය සහ පරිභෝජනය සමග එක්ව පවතින ප්රශ්නයකි. පරිභෝජනය සහ නිෂ්පාදනය ඉහළ යන තරමට කසළ ප්රශ්නය ඉහළ යන බව නිශ්
ජනාධිපතිවරණය පැවැත්වෙන දිනය තවමත් නිල වශයෙන් ප්රකාශයට පත් කර නැත. නොනිල වශයෙන් කියවෙන්නේ සැප්. 21 දිනයේ එය පැවැත්වෙන බවය. කොහොමටත් ජුලි 17 දිනෙන් පසුව ඉද
වසර තුන්දහසක පමණ ශ්රී ලාංකීය වාරි ඉතිහාසයේ ප්රථම වැව වශයෙන් සැලකෙන බසවක්කුලම වැවේ බැම්ම අවසරයකින් තොරව කාපට් කිරීම වාරිමාර්ග දෙපාර්තමේන්තුව මගින
ආණ්ඩුක්රම ව්යවස්ථාවේ 83 ආ ව්යවස්ථාවේ “වසර හයක්” යන්න වෙනුවට ‘වසර පහක්’ යන්න ආදේශ කිරීම සඳහා ආණ්ඩුක්රම ව්යවස්ථාවේ 22 වැනි ව්යවස්ථා සංශෝධනය ඉදිර
එංගලන්තයේ රෝහලක විශේෂඥ වෛද්යවරයකු වන පුතකු සහ ඇමෙරිකාවේ ඉහළ රැකියාවක නිරත පුතකු සිටින 90 හැවිරිදි මවක එම පුතුන් දෙදෙනා නොසලකා හැරීම නිසා මාලබේ ප්රදේ
සාහිත්ය මූලාශ්ර මෙන්ම පුරා විද්යා මූලාශ්ර ද ශ්රී ලංකාවේ ඉතිහාසය අධ්යයනය කිරීමට වැදගත් වේ. පුරා විද්යා මූලාශ්ර අතර කාසි, නටබුන් හා සෙල්ලිපි ප්
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
ඖෂධ සමග සෙල්ලම් දාන අපේම ද්රෝහියෝ