කාලයක සිට ඇති දැඩි කරන ලද ගොන් වස්සා මසට අලෙවි කර හිස් කබල සහිත අං දෙක නිවසේ එල්ලා තබා ගැනීමට ආපසු ඉල්ලා ඇතැයි කියන ගොවියකු පිළිබඳ පුවතක් කෑගල්ල ප්රදේශයේ ග්රාමයකින් වාර්තා වෙයි.
සිද්ධිය සැකෙවින් මෙසේය.
ඔහු කෑගල්ල ප්රදේශයේ ගොවියෙකි. මෙම ගොවියා කාලයක් අල්ලපු ගමේ හිතවතකුගේ වැස්සියක ගෙනත් රැක බලා ගත්තේය. රැක බලා ගන්නා අවස්ථාවේ දී වැස්සිය පැටවෙකු බිහි කළාය. පැටවා ටිකක් ලොකු මහත් වූ අවස්ථාවේ දී වැස්සිය අයිතිකරුට බාරදී ඇත්තේ ගොවියාට බලා ගැනීමට අපහසු යැයි පවසමිනි.
ටිකෙන් ටික ලොකු මහත් වූ ගොන් වස්සා කුඹුරු වැඩට හුරු කර ගත්තේය. අසල්වැසි කුඹුරු ගොවීන්ට ද කුඹුරු වැඩ කටයුතු කාලේ මහත් සේවාවක් කළ ගොන් වස්සාට ගම්වැසියෝ ද ආදරය කරුණාව දැක් වූහ.
ගොවියාගේ දරුවකුට මීට මාස කිහිපයකට ඉහතදී උසස් අධ්යාපනය හැදෑරීමට අවස්ථාව හිමිව තිබේ. ගොවියාගේ අතේ මිටේ ලොකු මුදලක් නොතිබුණු අවස්ථාවේ දී ආදරයෙන් කරුණාවෙන් ඇති දැඩි කරන ලද ගොන් වස්සා අලෙවි කිරීමට තීරණය කෙරිණ. ගොන් වස්සා අලෙවි කරන බව ගමේ කිහිප දෙනකුට දන්වා සිටියේය.
මීට සති දෙක තුනකට ඉහතදී හරක් මස් වෙළෙන්දෙක් ගොවියාගේ නිවෙසට පැමිණියේය. ගොන් වස්සා දෙස බැලූ වෙළෙන්දා ගොවියා ඉල්ලා සිටි සාධාරණ ඉල්ලීමට එකඟ වී ගොන් වස්සා මිලට ගත්තේය. වෙළෙන්දා ගොවියාගේ අතට මුදල් දුන්නේය. ගොවියා ඉකි ගසා මුදල අතට ගත්තේය. එතැනට එක්ව සිටි ගමේ ගොවියෝ කිහිප දෙනෙක් ද ගොන් වස්සා දෙස බලා හිඳගෙන කම්මුල්වල අතතියාගෙන සුසුම් හෙළන්නට වූහ.
මොකද අඬන්නේ වෙළෙන්දා ගොවියාගෙන් විමසීය.
නෑ මුදලාලි මම මේ සතා හැදුවේ මගේම දරුවෙක් වගේ. මම වගේම ගමේ අයත් වස්සාට ආදරෙයි. මොකද කුඹුරු වැඩට නියමයි. කියලා වැඩක් නෑ. මම මේ සතා දෙන්නේ හිතකින් නෙමේ. කරන්නම දෙයක් නැති තැන තමයි දෙන්න තීරණය කළේ. මසට ඇරුණුකොට මේ සතා වෙන කවුරුත් හදා වඩා ගන්න ගන්නේ නෑ මුදලාලි. කමක් නෑ උඹට නිවන් සැප ලැබේවා. මුදලාලි මේ සතාගේ අං දෙක සමග හිස් කබල මට දෙන්න පුළුවන්ද? මොකද මම පදිංචිව සිටින ගෙයි කොනක බිත්තියේ සවි කර ගන්න. ඒක මට කරන්න පුළුවන් මාස දෙක තුනකින් දෙන්නම්. මම ඉන්නේ අහවල් තැන එතැනට එන්න යැයි වෙළෙන්දා ගොවියාට පවසා ගොන් වස්සා රැගෙන ගොස් ඇතැයි වාර්තා වෙයි.
මවගේ ජාතික හැඳුනුම්පත රැගෙන පෙම්වතා සමග ලැගුම්හලකට ගිය තරුණියක පිළිබඳව දකුණු පළාතේ ග්රාමීය ප්රදේශයකින් වාර්තාවේ. තරුණිය දකුණු පළාතේ වන අතර ඇයගේ පෙ
සිය මවගේ මළගමදා අවශ්ය සියලු කටයුතු වෙනුවෙන් අතදිගහැර විය පැහැදම් කළ පවුලේ බාලයාට පවුලේ සෙසු සාමාජිකයන් විසින් සකස්කරනු ලැබූ වියදම් ලැයිස්තුවක පංගු
කාන්තාවකගේ කකුලක තිබූ ආබාධයකට බෙහෙත් තෙල් ගෑමට පැමිණි වෙදා අනවශ්ය තැන් අත ගෑමට ගොස් බඩ කට පිරෙන්න ගුටි බැට සංග්රහයක් ලැබීමේ පුවතක් ගාලු දිසාවේ ගමක
ලාබාළ තරුණියකගේ පහස විඳ ගැනීමට ගිය අම්බලන්ගොඩ ව්යාපාරියකුට වූ අලකලංචියක් අම්බලන්ගොඩ පොලීසියෙන් අසන්නට ලැබේ. ඔහු මාළු ව්යාපාරිකයෙකි. ගැටවරියන්ට ඔ
වසර කිහිපයක් තිස්සේ දැන හඳුනාගෙන සිටි මුහුණු පොතේ පෙම්වතිය සිය මවටත් වඩා වයසින් වැඩි තැනැත්තියක බව දැනගත් තරුණ පෙම්වතකු නෑ හිතවතුන් පිරිසක් මැද්දේ අ
කාලයක සිට පැවැති පවුලේ ආරවුලක් හොඳින් හෝ නරකින් පිරිමසා ගැනීමට උපායක් ගැන නිරන්තරයෙන් කල්පනා කරමින් සිටි කාන්තාවකට අපූරු නුවණක් පහල විය. ප්රශ්නයක්
දැඩි ආශාව හා කැපවීම මුණගැසෙන ක්රිකට් වැනි ක්ෂේත්රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක
නිවසේ දී වැටීම් හා පිළිස්සීම්වලින් දරුවන් ආරක්ෂා කිරීම දෙමව්පියන්ගේ යුතුකමකි. දරුවන් නිවසේ දී ඇද වැටීම්වලට ලක් වීම සාමාන්ය දෙයකි. වගකීම් සහගතව නිවැ
දේශයේ රක්ෂකයා වන ශ්රී ලංකා ඉන්ෂුවරන්ස් :ීඛෂක්* මෙරට විශාලතම රාජ්ය හිමිකාරිත්වය සතු රක්ෂණ ආයතනය වන අතරල හැකියාවෙන් පිරිපුන් දක්ෂ කාර්යමණ්ඩලය ශ්
හරකා මරන්න දීලා හිස් කබල සිහිවටනයකට ඉල්ලලා
fairoos Sunday, 28 May 2023 02:33 PM
ගව ඝාතනය තහනම් කරලා නැද්ද ?