IMG-LOGO

2024 අප්‍රේල් මස 21 වන ඉරිදා


සැමියගෙ ​ෆෝන් එකට කතක් ඇවිත්

සිය සැමියාගේ ස්මාර්ට් ජංගම දුරකතනයේ  ගබඩා කොට තිබූ රූමත් කාන්තා රුවක් ඇතුළත් දුරකතන අංකයක් නිසා අලු‍ත් වෙලා තිබූ පැරණි මිතුදම නැවතත් පරණවීමට ගිය අපූරු පුවතක් ගාලු‍ දිසාවේ ගමකින් අසන්නට ලැබේ.
   ඔහු සහේට ගෙන තිබුණේ නොම්මර එකේ බඩු කෑල්ලකි. ඇය කුමක් හෝ අරඹයා සැමියාට වදදෙන එකේ සීමාවක් නොතිබිණ. සැමියා පිළිබඳ සැකය ඒ අතරින් ප්‍රධානය. පළමු තැනය. මහ පාරේ දෙන්නා එකට ගමන් බිමන් යනවිට දී දන්නා හඳුනන ලඳක් කතා කළොත් හමාරය. කතා කිරීම නොව සිනාසුණත් ඇයට ඒත් ඇතිය. අඩු තරමින් නිවසේ සිටිනා විටදී ඔහුගේ ජංගම දුරකතනයට කාන්තාවක බැරිවෙලාවත් ඇමතුවොත් ඉතිං ඔහුට දෙවියන්ගේම පිහිටය.
සැමියාගේ ජංගම දුරකතනය සෝදිසි මෙහෙයුමේ සිටියදී රූමත් කාන්තා රුවක් ඉදිරියේ කාන්තා නමක් යයි සිතිය හැකි නමක් ගබඩාවී තිබිණ. බිරිය දුම්මල වරම අතට ගත්තාය. සිය ජංගම දුරකතනයෙන් සැමියාගේ ස්මාර්ට් ජංගම දුරකතනයේ ගබඩා කොට තිබූ අංකයට දුරකතන ඇමතුමක් ගත්තාය. එහා කෙළවරින් ඇසුණේ ලතාවකට කතා කරන නාරිලතාවකගේ කටහඬය. ඒ සමගම ඇය යක්ෂාරූඩ වූවාය. ඔහේ කවුද. හරි කතාවක්නේ මගේ පෝන් එකට කෝල් එකක් අරන් මෙහේම අහන ඔහේ කවුද ඇය ඇසුවාය.


මම කවුරුවුණත් කමක් නැහැ ඔහේ මේ මොන සක්කර වට්ටමක් ද කියනවකෝ. එහා කෙළවරේ කෙනාගේද සීමාව ඉක්මවා ගියාය. යකෝ හරි කෝලමක්නේ මට සක්කර වට්ටමක් කියන තමුසේ මොන ගෑනියෙක්ද ඕයි. ඔව් මම ගෑනියෙක් තමයි. එක මිනිහෙක් ඉන්න ගෑනියෙක්. තමුසේ වගේ අනුන්ගේ ගෑනුන්ගේ මිනිස්සු දපනේ දාගන්න ගෑනියෙක් නෙමෙයි. වැරදි කර කර තව කතා කරන්නත් එනවා. මේ ආකාරයට දෙන්නා නවත්වන පාටක් ද නැත. අනන්‍යතාවය පසෙක තබා ඒ වනවිට දෙන්නාම ජංගම දුරකතනයෙන් කෙහෙවලු‍ පටලගෙන හමාරය. ඒ පැටලිල්ලේ හැටියට දෙන්නට දෙන්නා ළඟ සිටියේ නම් මේ වනවිට දෙන්නාගෙන් අයෙක් රෝහලේය. අනෙකා කූඩුවේය.
එදා නිවාඩු දිනයක් නිසා කඩ පිලට ගොස් එනවිට සිය භාර්යාව දුරකතනයෙන් කාවහරි කාන්තාවක එක්ක කෙහෙවලු‍ පටලගෙන ඇති බව අත්දැකීමෙන්ම ඔහුට දුර තියාම අවබෝධ විය. හනි හනිකට නිවසට පැමිණ ඇයගෙන් බැනුම් අහගෙනම කාරණය විමසන්න ගිය තැනේදී සිය භාර්යාව වලිගෙ පාගාගෙන හමාර බව දැනගත්තේය.
ඔය මගේ පරණ යහලු‍වෙක්ගේ නොම්මරයක්. කාලයකින් තමයි ඔහු හම්බ වුනේ. එයාගේ නම ප්‍රභාත්. අපි එදා ඉඳං එයාට කිව්වේ පබා කියලා. මේ එයාගේ නොම්මරය. මේ එයාගේ බිරිඳගේ පොටෝ එක.
ඇයට කාරණය අවබෝධ කරන විට ඔහුට පරණ මිතු දමට තිත තියන්න සිදුවූයේ ඒ වනවිටත් සිය භාර්යාවගේ චරිතය ඝාතනය කොට ඇත්තේ තමාගේ පරණ මිතුරාගේ භාර්යාව බව එහා කෙළවරින් ඇමතුමට සම්බන්ධ වූ පාර්ශවය දැනගත් නිසාලු‍.

කරන්දෙණිය එම්. සුසිල් පියන්ත



අදහස් (0)

සැමියගෙ ​ෆෝන් එකට කතක් ඇවිත්

ඔබේ අදහස් එවන්න

දෙයියෝ සාක්කි

අතින් ඇදලා අම්බානට ගුටි කාලා
2024 අප්‍රේල් මස 19 1003 0

විවිධ ප්‍රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්‍රදේශයේ නිවසක කාන්තාවකගේ අතින් ඇදීම හේතුවෙන් ගුට


බෝතල් මාරු වී ජංජාලයක්
2024 අප්‍රේල් මස 18 975 0

අලු‍ත් අවුරුද්දට සාදමින් සිටි කැවිලිවලට සීනි යැයි සිතා ලු‍ණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්‍රදේශයෙන් වාර්තා විය. වාර්තා වන ආකාරය


සූර් පාට් දමා පොලිසිය අන්දවලා
2024 අප්‍රේල් මස 17 1170 0

වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ


’’මොහිණිගේ’’ උදව්වට ගිහින් ලොකු පරිප්පුවක් කාලා
2024 අප්‍රේල් මස 16 1068 0

අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ‍ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ. ‍


කීරි නාඩු වී හොරේ අහුවෙලා
2024 අප්‍රේල් මස 11 1296 0

අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ


“නංගි” මාරු වී තුට්ටු දෙකත් නැතිවෙලා
2024 අප්‍රේල් මස 10 1642 0

එළැඹෙන අලු‍ත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං”‍ වූ පුවතක් කැබිතිගොල්ලෑව වාහල්කඩට නුදුරු


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 240 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1563 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1464 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site