IMG-LOGO

2024 පෙබරවාරි මස 22 වන බ්‍රහස්පතින්දා


මුර රස්සාවට ගිය තරුණයා හැට දාහේ රස්සාවත් නැති කරගෙන

කෑගල්ල අධිකරණ චමින්ද වැවතැන්න
රාත්‍රියට ගබඩාව මුර කිරීම පැත්තකට දමා පෙම්වතිය මුර කිරීමට ගියා යැයි කියන චෝදනාවකට තරුණ මුරකරුවකු සේවයෙන් ඉවත් කර ඇතැයි කියන සිද්ධියක් කෑගල්ල ප්‍රදේශයෙන් වාර්තා වෙයි.
වාර්තා වන අන්දමට සිද්ධිය සැකෙවින් මෙසේය.
සේවයෙන් ඉවත් කර ඇතැයි කියන තරුණයාගේ වයස අවුරුදු 24 කි. ඔහුට රැකියාවක් නොමැතිව එදා වේලවත් උපයා ගැනීමට නොහැකිව නිවෙසට වී කල් ගෙවමින් සිටියදී හිතවතකු කෑගල්ල නගරයට ආසන්න ගබඩාවක රාත්‍රි මුර රැකියාවක් මීට මාස හතරකට පමණ ඉහතදී සොයා දී ඇත.
සෑම දිනකම රාත්‍රි 9 සිට පසු දා අලු‍යම 6 දක්වා ගබඩාව මුර කිරීමටත් මාසිකව රුපියල් 60,000 ක වැටුපක් ගෙවන පොරොන්දු පිට ඔහු සේවයට බඳවා ගනු ලැබ සිටියේය.
මෙම තරුණයා වසරක පමණ කාලයකට ඉහතදී ගබඩාවේ සිට කිලෝමීටරයක් පමණ ඈතින් පදිංචිව සිටින තරුණියක හඳුනාගෙන පසුව පෙම්වතුන් ලෙස ජීවත් වෙමින් ද සිට ඇත. තරුණයා ගබඩාවේ මුර සේවයට පැමිණි දා සිට මුර සේවය පැත්තකට දමා රාත්‍රි පෙම්වතියගේ නිවෙසට පයින් ගොස් පැය ගණනාවක් ඇය සමග පෙම් බස් දොඩවා ආපසු ගබඩාවට පැමිණෙන බව ගබඩා හිමිකරුට අසල්වැසියකු ඉකුත් දිනක දන්වා තිබුණේ හිතවත්කමටය.
ගබඩා හිමිකරු ඉකුත් දිනක රාත්‍රි 11 පමණ හෙමින් සීරුවේ  ගබඩාවට පැමිණියේ මුරකරු රැකියාවේ නිරතව සිටිනවා ද නැද්ද සොයා බැලීමටය. මුර කාමරයේ දොරට අගුළු දමා වසා තිබූ අතර තරුණයා නොමැති අයුරු ගබඩා හිමිකරුට වැටහී තිබුණි.
තරුණයා කීයට හරි ආපසු ගබඩාවට පැමිණේ යැයි සිතා ගබඩා හිමිකරු ගබඩාවේ පිටතින් ඇති පඩි පෙළ දිගේ ඉහළ මාලයට ගොස් නෙත් නොපියා බලා සිටින්නට විය. 
පාන්දර 2 ට පමණ විදුලි පන්දමත් දල්වාගෙන විරහා ගීතයකුත් ගයමින් තරුණයා මුර කාමරයට පැමිණෙන අයුරු ගබඩා හිමිකරු සියැසින් දැක්කේය.
ගබඩා හිමිකරු ඉහළ මාලයේ සිට තරුණයාගේ නම ආමන්ත්‍රණය කරමින් කතා කළේය. එහිදී තරුණයා කටහඬ ගබඩා හිමිකරුගේ බවට හදුනාගෙන ‘‘සර් මම එහා පැත්තෙ තියෙන වැසිකිළියට ගිහින් එන්න ගියා” යැයි පැවැසුවේ කිසිවක් නොදන්නා තොත්ත බබා මෙන්ය.


‘‘මට කිහිප දෙනෙක් කිව්වා පුතා රෑට ගබඩාව මුර නොකර ඇවිදින්න යනවා කියලා ඒක ඇත්ත ද? නැද්ද? කියලා බලන්න රෑ 11 ට මම මෙතැනට ආවේ. දැන් වේලාව පාන්දර 2 යි. පැය තුනක් කොහෙද ගිහිල්ලා ඉඳලා ආවේ...?”
“නෑ... සර් මම කොහෙවත් ගියේ නෑ වැසිකිළියට නම් ගියා” යැයි තරුණයා බැගෑපත්ව ගබඩා හිමිකරු ඉදිරියේ පැවැසීය.
“මම ළඟට ආපු දවසේ ඉඳලා පුතා මම තමුසේට හොඳ වැටුපක් නියම වේලාවට දීලා තියෙනවා. ඇඳුම් පැලඳුම් අරන් දුන්නා. තව මාස කිහිපයකින් තව කීයක් හරි වැටුප වැඩි කරන්න කියලා හිතාගෙන හිටියා. මම අනුකම්පා කළාට තමුසේ මා ගැන හිතලා නැති බව පෙනී යනවා. මීට පස්සේ වැඩට එන්න එපා. ගබඩාව මුර කරන්නයි පෙම්වතිය මුර කරන්නයි දෙකක් බෑ. එකක් තෝරා ගන්නවා. වැඩ කරලා තියෙන දින ගාණට දහවල් ඇවිල්ලා සල්ලි අරගෙන යනවා” යැයි ගබඩා හිමිකරු තරුණයාට පවසා නිවෙස බලා පිටත්ව යාමට සැරසුණි.
‘‘අනේ සර් එහෙම කරන්න එපා... මට මම ගැහැනු ළමයා බලන්න තමයි ගියේ නැවත කවදාවත් එහෙම වෙන්න ඉඩ තියන්නේ නෑ....” තරුණයා ගබඩා හිමිකරු ඉදිරියේ අඳෝනා නගන්නට විය.
ගබඩා හිමිකරු තරුණයාගේ අඳෝනාව පැත්තකට දමා මෝටර් රථයෙන් නිවෙසට ගොස් සේවය කර තිබුණු දින ගානට වැටුප හදා සුළු මොහොතකට පසුව තරුණයාට ගෙනත් දී ගබඩාවේ රැකියාවෙන් පිටව යන ලෙස දැන්වීය. පසුව තරුණයා මුදලත් ඇඳුම් පැලඳුම් අරගෙන ගබඩාවේ හිමිකරුට දණ නමා වැඳ නමස්කාර කර නිවෙසට ගොස් ඇති බව වාර්තා වෙයි.



අදහස් (0)

මුර රස්සාවට ගිය තරුණයා හැට දාහේ රස්සාවත් නැති කරගෙන

ඔබේ අදහස් එවන්න

දෙයියෝ සාක්කි

පොට්ටනිය ලෙඩාට පත්තුවෙලා
2024 පෙබරවාරි මස 22 404 0

හේ බද්දෙගම පුරවරයට නුදුරු ගමක වෙසෙන්නෙකි. ගමන නිතරම යතුරු පැදියෙනි. දිනක් යතුරු පැදිය පදවාගෙන ගමනක් යාම සඳහා පිටත්විය. මේ ගමන අතරතුර දඩාවතේ යන බල්ලෙක්


මුහුණු පොතේ පාසල් පිටුවෙත් කුණු හරුප
2024 පෙබරවාරි මස 21 875 0

දකුණේ මිශ්‍ර පාසලක නිල මුහුණු පොතේ පිටුවට එක්වූ අමුතුම ආකාරයේ වීඩියෝවකින් එම විදුහලේ ගුරු, සිසු, ආදි සිසුන් හා මවුපියන් තුෂ්නිම්භූත වූ අපූරු පුවතක් ගැ


බස් රියේ වැලන්ටයින් පෙම බීඩියකින් බ්‍රේක්වෙලා
2024 පෙබරවාරි මස 20 1468 0

තරුණයකු වැලන්ටයින්දා ඉතා අමාරුවෙන් යාළුකරගත් තරුණියක බීඩියක් නිසා අහිමි වූ අපූරු පුවතක් දකුණේ පිටිසරබද ප්‍රදේශයකින් වාර්තාවේ. වාර්තා වන අන්දමට සිද


බොරුව අතේ පත්තු වී මඟු‍ලත් කැඩිලා
2024 පෙබරවාරි මස 19 3758 1

දහනව හැවිරිදි දියණිය රැකියාවකට ගිය පසු වසර විස්සකට වැඩි කලක් රහසක්ව තිබූ සැමියාගේ රැකියාවේ තත්ත්වය පිළිබඳව කරුණු හෙළිදරව් වීමෙන් පසු බිරිය සැමියා අත


අලු‍ත් විදුහල්පතිනියගේ නැකතට පරණ විදුහල්පති වැඩට ඇවිත්
2024 පෙබරවාරි මස 16 1503 0

නව විදුහල්පතිනිය සුබම සුබ නැකතින් වැඩ බාර ගැනීමට සූදානම් වූ අවස්ථාවේදී මාරුවීම් ලද හිටපු විදුහල්පති නැවතත් එම විදුහලේ විදුහල්පති ලෙසට නැවත වැඩ බාර ග


අම්මකුගේ උත්තරේට විදුහල්පති තමන්ටම ගහගෙන
2024 පෙබරවාරි මස 15 1573 2

මත් ගුලියක් නිසා රජරට පළාතේ අතිදුෂ්කර පාසලක විදුහල්පතිවරයකුට තමාටම වේවැල් ප්‍රහාරයක් එල්ලකර ගැනීම‍‍ට සිදුවූ පුවතක් ඉකුත් දිනක අසන්නට ලැබුණි. මෙම පා


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 175 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 238 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 256 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site