කරාපිටිය – ජී.ඩබ්ලිව්.කේ. ප්රේමතිලක ද සිල්වා
හේ බද්දෙගම පුරවරයට නුදුරු ගමක වෙසෙන්නෙකි. ගමන නිතරම යතුරු පැදියෙනි. දිනක් යතුරු පැදිය පදවාගෙන ගමනක් යාම සඳහා පිටත්විය. මේ ගමන අතරතුර දඩාවතේ යන බල්ලෙක් පාර හරහා පැනීම හේතුවෙන් මෙම යතුරු පැදිය අනතුරට පත්විය. නමුත් තරුණයාට තුවාලයක් නොවීය. යතුරු පැදියට තරමක අලාභයක් සිදු විය.
මෙම සිද්ධියෙන් දින දෙක තුනක් ගතවිය. කෙසේ නමුත් මෙම තරුණයාගේ දකුණු කකුලේ කලවා පෙදෙසේ රුදාවක් හටගෙන ඇති බව හෙතෙමට වැටහී ගියේ ඇති වූ වේදනාව හේතුවෙනි. එවිට මෙම තරුණයාට සිහියට ආවේ දින කීපයකට පෙර වූ අනතුර හේතුවෙන් එම ප්රදේශය තැළීගොස් මෙම වේදනාව හටගෙන ඇති බවයි.
පසුව මෙකි කතානායකයා තම ගම් ප්රදේශයට නුදුරින් වෙසෙන කැඩුම් බිඳුම් සඳහා ප්රතිකාරයට දක්ෂයකු වූ වෙද මහතකුගෙන් ප්රතිකාර ලබා ගැනීම සඳහා යාමට තීරණය කළේය. හෙතෙම එම ඖෂධාලයට යනවිට වෙද මහතා ද වෙනත් රෝගියෙකුට ප්රතිකාර කරමින් සිටියේය.
පසුව වෙද මහතා මෙකී තරුණයාගෙන් තම රෝගය සම්බන්ධයෙන් කරුණු විමසන්නට විය. එවිට මෙම තරුණයා තමන්ට වූ කරදරය වෙද මහතාට කීවේය. අනතුරුව වෙද මහතා මෙම තරුණයාගේ පාදයේ අදාළ රෝගී තත්වය තිබෙන කොටස තැවීම සඳහා බෙහෙත් පොට්ටනියක් ද එම ප්රදේශයේ ආලේපනය සඳහා පත්තුවක් ද ප්රතිකාර ලෙස නියම කළේය.
මෙම තරුණයා නිවසට පැමිණියේය. සිය බිරියට පවසා සිටියේ තමන්ට වෙද මහතා තැවීම සඳහා ඖෂධ පොට්ටනියක් සහ ආලේපනය සඳහා පත්තුවක් ද ලබාදුන් බවයි. මේ අවස්ථාවේ දී බිරිය පවසා ඇත්තේ එදින තම පුරුෂයාට නිවාඩු දිනයක් බැවින් ඒ වෙලාවේදීම මෙම ප්රතිකාර කළ යුතු බවයි. පසුව අදාළ කතානායකයා කොට කලිසමක් ද ඇඳගෙන අසල වූ බංකුවේ ඇලවිය. බිරිය මෙම බෙහෙත් ගෙන ප්රතිකාරය ආරම්භ කළාය. නමුත් බිරිය සිදුකර ඇත්තේ රෝගි ප්රදේශයේ ගෑමට දුන් පත්තුවෙන් එම ප්රදේශය තවා තැවීමට දුන් පොට්ටනිය ගෙන රෙදි පටියකින් රෝගි වූ ප්රදේශයට යොදා එම ප්රදේශය ඔතා තැබීමයි.
මෙම ප්රතිකාරයෙන් පැයක් පමණ ගතවිය. මෙකී තරුණයාට මේ වනවිට මෙම ප්රදේශයේ තිබුණාට වඩා තද වේදනාවක් දැනෙන්නට විය. එවිට ඔහු බිරිය අමතා පවසා සිට ඇත්තේ රෝගි ප්රදේශයේ තිබුණාට වඩා ප්රතිකාරයෙන් පසු වේදනාව වැඩි වූ බවයි. මේ කතාව තරුණයාගේ පියාට ද සැලවිය. ඔහු පැමිණ මෙම කටයුතු සිදුකර ඇති ආකාරය ගැන විපරමක් කළේය. එවිට කරුණ වැටහිණි. මෙහිදී මෙකී තරුණයාගේ බිරිය සිදුකර ඇත්තේ තැවීමට දුන් ඖෂධ පොට්ටනිය අදාළ ස්ථානයට බැඳ ගැල්වීමට දුන් පත්තුවෙන් අදාළ ස්ථානය තවා ඇති බවයි. මෙම ප්රතිකාරයේ වැරැද්ද හේතුවෙන් රෝගි තත්වය වැඩිවී ඇති බව වටහා ගත් තරුණයා මේ ගැන බිරියට දොස් පවරා එම ස්ථානය නැවත පිරිසිදු කර වෙදමහතාගේ දුන් උපදෙස්වලට අනුව කටයුතු කර ගැනිණි. එවිට ගැටලුවක් නොවීය.
හොරා කාපු එකාට ලුණු පොල් කට්ටේ ඇඟිල්ල ඔබාගෙන හෝ උලා කෑමේ පුරුද්දක් ඇති බවට පැරණි කියමනක් සිහිපත් කරන අපූරු සිදුවීමක් කැබිතිගොල්ලෑව නගරයේ වෙෙළඳසලක්
කෙටි කෑම වෙළෙද සලට විජ්ජාවක් පෙන්නන්න හැදූ පකිස්තානුවාට ඊට වඩා ලොකු විජ්ජාවක් පෙන්වූ එම වෙළඳ සලේ තරුණයකු පිළිබඳ කතාවක් අම්බලන්ගොඩ බස් පොළෙන් අසන්නට
මිය ගිය රෝගියකුගේ, දේහය රැගෙන ඒමට අවමංගල රථයක් ගාල්ල කරාපිටිය රෝහලට රැගෙන ගොස් හිස් අතින් පැමිණි පිරිසක් ගැන දකුණේ ගමකින් අසන්නට ලැබිණි.. සිද්ධිය මෙසේ
ස්ථාන මාරුවී ගිය විශේෂඥ වෛද්යවරයා වෙනුවෙන් කරන්නට දෙවියන් දුන් උපකාරයෙන් අලි අමාරුවක වැටුණු දුෂ්කර ප්රදේශයක රෝහලක් ඉදිරිපිට වෙළඳසල් හිමියකු පිළි
පියාගේ පාදයක ඇතිවූ අස්ථි බිදීමකට බඳින්නට සාදන ලද බෙහෙත් මැල්ලුම සහ නිවසේ ආහාරයට පිසින ලද පලා මැල්ලුම මාරුවී අනුභව කිරීමෙන් අකරතැබ්බයකට මුහුණ පෑමට
කිසිවකුත් ගෙන නොයන අපූරු තෑග්ගක් බණ ගෙදරකට ගෙනගිය පුද්ගලයකු පිළිබඳ අමුතුම කතාවක් දකුණු පළාතේ ප්රසිද්ධ නගරයකින් පසුගියදා අසන්නට ලැබුණි. පිරිමි දරුව
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
පොට්ටනිය ලෙඩාට පත්තුවෙලා