IMG-LOGO

කෙළ ගහන්න ගිහින් අමාරුවේ වැටිලා


වලස්ගල - නිමල් ලන්දගේ 



රට පුරා කොරෝනා වසංගතය පැතිර යමින් තිබූ සමයයි. දකුණු පළාතේ ගමක ජීවත් වූ ඔහු දේපළ ඉඩකඩම් යමක් කමක් තිබෙන ගැමියෙකි. නිතර බුලත් විටක් හැපීම හා කටට ඇඟිලි දෙක තබා පසෙකට කෙළ ගැසීමද ඔහුගේ එකම පුරුද්දය. 
වසංගතය පැතිර යාම වැළැක්වීමට රජය විසින් මුහුණු ආවරණ පැලඳීම අනිවාර්ය කරමින් නීතියක් පැනවීමට කටයුතු කළේ මේ අවධියේදීය.
නිතර බුලත් විටක් හපන අපේ මිත්‍රයාටද මෙය මහත් හිසරදයක් විය. 
අසල්වාසීන් සමග පවා මුහුණු ආවරණ නොමැතිව කථාබහ කරන්නට යෑම නිසා ගෙදර හාමිනේගෙන් පවා ඇනුම් බැනුම් ඇසූ අවස්ථා එමටය.
ඇඳිරි නීතිය ඉවත්කර ඇති සෑම විටම බුලත් දුම්කොළ මෙන්ම නිවසට අවශ්‍ය අඩුමකුඩුම ගෙන ඒමේ වගකීමද පැවරී තිබුණේ ඔහුටය. ඔහුගේ  ප්‍රවාහන මාධ්‍යය වූ පාපැදියෙන් කඩමණ්ඩියට යන අවස්ථාවලදී අකමැත්තෙන්  හෝ මුහුණු ආවරණ පැලඳීමට සිදුවූයේ එසේ නොපලඳන අය පොලිසියෙන් අල්ලන නිසාය. 
එදින මුහුණු අාවරණයද පලඳා කඩමණ්ඩියට ගිය ඔහු අවශ්‍ය දේවල් මිලදී ගෙන ගෙදර යන්නට සූදානම් වුවද බුලත් විටක් කෑමේ අවශ්‍යතාව තදින්ම දැනුනේ පුරුද්ද නිසාය. පැත්තකට ගොස් බුලත් විටක් කටට දමාගෙන මුහුණු ආවරණයද පලඳින්නේ නැතිව ඉක්මනින් නිවසට යාම සඳහා බයිසිකලයට ගොඩවිය. 
 පාපැදියේ නැගී එන ඔහුට මිතුරකු පැවසුවේ ඉස්සරහා හන්දියේ පොලිසියෙන් සිටින බවයි. උන්හිටි තැන් අමතක වූ ඔහු සාක්කුවේ දමාගෙන සිටි මුහුණු ආවරණය වහා පලඳා ගත්තේය. ටික දුරක් යද්දී මුහුණු ආවරණය අමතක වී පාරේ පසකට කෙළ පාරක් ගැසුවේ කටේ කෙළ පිරි තිබූ නිසාය. 


හන්දියේ සිටි පොලිස් නිලධාරීහු ඔහුගේ පාපැදිය නතර කළහ.
ඔවුන් සිනා සෙමින් තමන් අසලට පැමිණෙන දුටු ඔහුට එය ප්‍රහේලිකාවක් විය.
“අන්කල් මොකද කට ගාව ලේ පැල්ලමක්” ඔහුට තමන්ට සිදුවී ඇති අකරතැබ්බය තේරුනේ එවිටය. මුහුණු ආවරණය පිටින්ම තමන් බුලත් කෙළ ගසා ඇති බව ඔහුට අවබෝධ විය. ලැජජාවට පත්ව පොලිස් නිලධාරීන් දෙස බැලූ ඔහුට “හරි හරි යන්න අන්කල්” යයි කීවේ මහ හඬින් සිනාසෙමිනි.
අදටත් මෙම ගැමියාට “හරි හරි යන්න අන්කල්” කී විට කේන්තිය සමග සිනාවකුත් එනවලු‍.



අදහස් (2)

කෙළ ගහන්න ගිහින් අමාරුවේ වැටිලා

Pradeep Kumara Friday, 14 March 2025 10:02 AM

ඒ මනුස්සයාට ස්නායු ප්‍රශ්ණයකුත් ඇති. නැත්නම් මාස්ක් එක දාගෙන කෙල ගහද්දී ඒ කෙල නැවත මූණට සහ කටට වැටෙන එක තේරෙන්න ඕනනේ.

:       0       1

රිතික් Friday, 14 March 2025 01:16 PM

අන්තිම වාක්‍යය වැරැදියි. කේන්තිය සමග හිනාවක් එනවා නෙමෙයි එන්න ඕනේ. "අදටත් මෙම ගැමියාට හරි හරි යන්න අන්කල් කී විට හොඳ ලුණු ඇඹුල් ඇතිව දෙකක් පවසනවාලු"

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 269 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 795 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1207 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site