තම සුවතාව රැක ගත යුත්තේත්, පවත්වා ගත යුත්තේත් අප විසින්මයි. සුවතාව ගිලිහුණු විටෙකදී විවිධ ලෙඩ රෝගවලට ගොදුරු වීමට , දෛනික ජීවන රටාවෙන් බැහැර වීමට , මානසික සුවතාව පවා බිඳී යාමට හේතු වේ. එබැවින් සුළු කාරණාවල පවා අපේ සුවතාව ගැබ්වී ඇත. ඇඳුම් පැළඳුම්වලින් අපේ සනීපාරක්ෂාව රැක ගන්නේ කෙසේද යන්න බලමු.
පුද්ගලයින් තෝරා ගන්නා සෑම ඇඳුමක් පැළැඳුමක්ම ශරීරයේ බාහිර අලංකරණය තීව්ර කිරීමට හේතු වනවා පමණක් නොව ඉන් අපට පහසුවක් ,ආරක්ෂාවක්ද දැනිය යුතු වේ. අපහසු ඇඳුමක් සුළු වේලාවක් ඉතා අකැමැත්තෙන් හැඳ සිටියද එය දිගු වේලාවක් පුරා හැඳ සිටීම අපහසු වන්නේ ඉන් අප බලාපොරොත්තු වන සුව පහසුව බිඳී යාම නිසයි. ඇඳුම් තෝරා ගැනීමේදී උඩ ඇඳුම මෙන්ම සිරුරේ පහසුව, සනීපය දනවන පරිදි යට ඇඳුම්ද තෝරා ගැනීමේදී අපි විශේෂයෙන් සැලකිලිමත් විය යුත්තෙමු.
ඒත් බොහෝ පිරිස් අද ඇඳුමේ පැහැය, වර්ගය, විලාසිතා මට්ටම ,අඳින පළඳින වේලාව නිර්ණය කළද තම යට ඇඳුම් ගැන කිසිඳු විශේෂයක් නොකරති. වේලීම සඳහා වැලේ වනා ඇති ඇඳුම පවා කිසිඳු ඉවක් බවක් නැතිව ඇඳ ගෙන යාමට හුරුවී සිටිති.ඒ තුළ කුඩා කූඹීන්, කෘමි සතුන් පවා සිටිය හැකියි. එසේ වුවහොත් එය ඔබට කෙතරම් අපහසුවක්ද?
තමා දෛනිකව පරිහරණය කරන යට ඇඳුම් සැමදාම හොඳින් සෝදා මනාව වියැළීමට ඉඩ හැර නැවත භාවිතයට ගත හැකියි.
බාගෙට වේළුණු යට ඇඳුම් පරිහරණය නිසා සමේ ආසාදන, දිලීර සහ තුවාල පවා ඇති වීමට පුළුවනි. එකම යට ඇඳුම භාවිතයද සුදුසු නොවන අතර කිහිපයක්ම මාරුවෙන් මාරුවට භාවිත කළ යුතුය. සමහර ඇඳුම් ක්රමවත් නොවීමේන් නිවසින් බැහැර වීමෙදිත් පවා සමහරු මහ මඟදිත් ඇඳුම් සකසමින් ගමන් කරති. සමහර යට ඇඳුම්වල සුවපහසුව කෙසේ වෙතත් පිටඔපය පමණි. ඇතැම් යට ඇඳුම් නිසා කකුල් කැපීම වැනි ප්රශ්න ඇති වේ. එවන් ඇඳුම් හැඳ පැළඳීමෙන් ගමනේ වාසිය පවා අහිමි වී යයි. එවැනි පුද්ගලයන්ට සිරුරට හිර නොවන පරිදි රුචිකත්වය මත ඇඳුම් තෝරා ගත හැකියි.
කොපමණ හොඳ වෙළෙඳ සන්නාම යටතේ ඇඳුම් පැළඳුම් තිබුණද තම අපේක්ෂාව ඉන් ඉටු නොවේ නම් සුදුසුම දේ මිලදී නොගැනීමයි. සමස්තයක් ලෙස ඇඳුම් පැළැඳුම් මගින් සමාජයේ කැපී පෙනෙන්නකු ලෙස ඔබ කෙතරම් ඉහළට ඔසවා තැබුවද එමගින් ඔබ අපේක්ෂිත සනීපාරක්ෂාව, ශාරීරික සුවය, පහසුව නොලැබේ නම් ඔබේ තෝරා ගැනීම කිසි විටෙකත් නිවැරැදි නොවේ.
-සටහන- මාධවී ධර්මරත්න
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
සීඝ්රයෙන් පරිවර්තනය වෙමින් පවතින ශ්රී ලංකාවේ සෞඛ්ය සේවා ක්ෂේත්රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
විලාසිතා කරමු: සනීපාරක්ෂාව රැකගමු