මිනිසුන්ට අද ලැබෙන පඩිය මදි කාලා බීලා ඉන්න. පිට පළාත්වලින් වෙළෙන්දෝ පාරිභෝගිකයෝ ආවොත් තමයි අපිට බිස්නස් කරන්න පුළුවන්. දැන් ඉස්සරට වඩා තරගය වැඩි වෙලා. දැන් ඉස්සර වගේ පිට පළාත්වලින් වෙළෙන්දෝ එන්නේ නැහැ.
|
එස්. පී. ගනේෂන් ටයර් ව්යාපාර ස්ථානය පටන්ගෙන වසර 20ක පමණ කාලයක් ගත වී තිබේ. මෙහි ආරම්භක නිර්මාතෘවරයා ගනේෂන් මහතාගේ මාමාය. ඔහුගේ ඇවෑමෙන් මෙම ව්යාපාර ස්ථානය මොහුට පැවරී තිබේ. ටයර් ඇතුළු රබර් නිෂ්පාදන රාශියක් මෙම වෙළෙඳසලේ දක්නට ලැබේ. අතීතයේදී රබර් ආශ්රිත නිෂ්පාදන රටින් ආනයනය කළත්, වර්තමානයේ දේශීයත්වයට මුල් තැන දෙමින් ලංකාවේ නිෂ්පාදන අලෙවි කිරීමට ප්රමුඛත්වය දී ඇත. මේ දවස්වල බිස්නස් කෙසේදැයි සොයා යන ගමනේ ගනේෂන් මහතා අපට හමු වූයේ කොළඹ ගල්වළ මැසෙන්ජර් වීදියේදීය.
Q : මේ දවස්වල බිස්නස් කොහොම ද?
“මේ දවස්වල බිස්නස් ගත්තොත් අන්තිමයි. සේවකයන් නඩත්තු කරගෙන බිස්නස් එක පවත්වාගෙන යන්න අමාරු තත්වයක් තියෙන්නේ. ඉස්සර මෙහෙම නොවෙයි. සේවකයෝ ගොඩක් තියාගෙන මං ව්යාපාර කටයුතු කරගෙන ගියේ. චන්ද්රිකා කුමාරතුංග ජනපතිනිය හිටපු කාලේ වගේම මහින්ද රාජපක්ෂ ජනපතිවරයාගේත් මුල් කාලේ හොඳට බිස්නස් තිබුණා. එතැනින් පස්සේ අපේ බිස්නස් එන්න එන්න වැටුණා. කොරෝනාවලින් පස්සේ ව්යාපාරිකයෝ විදිහට අපි හිටපු තැනිනුත් පහළට වැටුණා.”
Q: බිස්නස් අඩු වෙන්න බලපාපු හේතුව කුමක් ද?
“අපි දැන් විකුණන්නේ දේශීය නිෂ්පාදන විතරයි. රටින් ගෙන්වන්නේ නැති නිසා අපේ ව්යාපාර සියල්ලම වාගේ වැටුණා. ඉස්සර රටින් ගෙන්නන කාලෙත් බිස්නස් හොඳට තිබුණා. මං හිතන්නේ දැන් ජනතාව අතේ සල්ලි නැති නිසා තමයි බිස්නස් අඩු වීමට හේතුව.
මිනිසුන්ට අද ලැබෙන පඩිය මදි කාලා බීලා ඉන්න. පිට පළාත්වලින් වෙළෙන්දෝ පාරිභෝගිකයෝ ආවොත් තමයි අපිට බිස්නස් කරන්න පුළුවන්. දැන් ඉස්සරට වඩා තරගකාරිත්වය වැඩි වෙලා. දැන් ඉස්සර වගේ පිට පළාත්වලින් වෙළෙන්දෝ එන්නේ නැහැ.
ඒ අයට අද කොළඹ ඇවිල්ලා බඩු ගෙනියන එක පාඩුයි කියලා හිතනවා ඇති. මටම වෙන් වෙච්ච පාරිභෝගිකයෝ වගේම නිෂ්පාදන ලබා දෙන පිරිසකුත් සිටිනවා. ඒ අයත් එක්ක තමයි අපි මේ ගමන එන්නේ.”
අමිල චින්තක ගමගේ
ඡායාරූප:
ලහිරු හර්ෂණ
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
බිස්නස් ගෙනියන්නේ හරිම අමාරුවෙන් - කොළඹ මැසෙන්ජර් වීදියේ ටයර් ව්යාපාරික එස්. පී. ගනේෂන්