විමුක්ති එස් රුද්‍රිගු
මෙම වසරේ පළමු මාස 7 තුළදී ශ්‍රී ලාංකිකයන් 173,189 ක් විදේශ ගතවී ඇතැයි ශ්‍රී ලංකා විදේශ සේවා නියුක්ති කාර්යාංශය ප්‍රකාශ කළේය. ඉන් 106,229 ක් පිරිමි පුද්ගලයන් බවත් 66,960 දෙනකු කාන්තාවන් බවත් විදේශ සේවා නියුක්ති කාර්යාංශය පැවැසුවේය.
මෙම වසරේ පළමු මාස 7 තුළදී විදේශගතව සිටින ශ්‍රී ලාංකිකයන් ඇමෙරිකානු ඩොලර් බිලියන 4.43 ක මුදල් ප්‍රමාණයක් මෙරටට ඒවා ඇති අතර එය 2024 වසරේ පළමු මාස 7 ට සාපේක්ෂව සියයට 19.5 ක වර්ධනයකි.
එසේම පසුගිය ජූලි මාසයේදී විදේශගතව සිටින ශ්‍රී ලාංකිකයන් මෙරටට ඩොලර් මිලියන 697.3 ක මුදලක් මෙරටට එවා තිබූ අතර එය විදේශගතව සිටින ශ්‍රී ලාංකිකයන් මෙම වසරේ මසකදී මෙරටට එවූ වැඩිම විදේශ ප්‍රේෂණ ප්‍රමාණයද විය.
විදේශගතව සිටින ශ්‍රී ලාංකිකයන් 2018 වසරින් පසුව මෙරටට එවූ වැඩිම මුදල් ප්‍රමාණය පසුගිය වසරේ වාර්තා වූ අතර එහිදී විදේශගතව සිටින ශ්‍රී ලාංකිකයන් මෙරටට ඩොලර් බිලියන 6.57 ක් ඒවා තිබිණි. එය 2023 වසරට සාපේක්ෂව සියයට 10.1 වර්ධනයක්ද වූවේය.