• අගෝස්තු මාසයේදී මෙරට සිවු දෙනකුගෙන් යුත් පවුලකට මූලික අවශ්‍යතා සපුරා ගැනීමට අවශ්‍යවූ මුදල රු. 65,576 ක්
• වැඩිම මුදලක් අවශ්‍ය වී ඇත්තේ කොළඹ දිස්ත්‍රික්කයේ. එම මුදල රුපියල් 70,736 ක්
• දෙවැනියට වැඩිම මුදලක් අවශ්‍ය වී ඇත්තේ ගම්පහ දිස්ත්‍රික්කයේ. එම මුදල රුපියල් 70,376 ක්
• අඩුම මුදලක් අවශ්‍ය වී ඇත්තේ මොණරාගල දිස්ත්‍රික්කයේ එම මුදල රුපියල් 62,712 ක්

විමුක්ති එස් රුද්‍රිගු

ශ්‍රී ලාංකික පවුලක ජීවන වියදම මෙම වසරේ ජූලී සහ අගෝස්තු මාසවලදී සුළු වශයෙන් පහළ ගොස් ඇතැයි ජන හා සංඛ්‍යා ලේඛන දෙපාර්තමේන්තුවේ නවතම දත්ත වාර්තා පවසයි.

මෙම වසරේ අගෝස්තු මාසයේදී මෙරට සිවු දෙනකුගෙන් යුත් පවුලකට සිය මූලික අවශ්‍යතා සපුරා ගැනීමට 65,576 ක මුදලක් අවශ්‍ය වී ඇති බවත් එය මෙම වසරේ ජූලි මාසයට සාපේක්ෂව ජීවන වියදමේ සුළු වශයෙන් පහළ යාමක් බවත් ජන හා සංඛ්‍යා ලේඛන දෙපාර්තමේන්තුවේ නවතම දත්ත වාර්තා පෙන්වා දෙයි.

අගෝස්තු මාසයේදී පවුලකට සිය මූලික අවශ්‍යතා සපුරා ගැනීමට වැඩිම මුදලක් අවශ්‍ය වී ඇත්තේ කොළඹ දිස්ත්‍රික්කයේ බවත් කොළඹ දිස්ත්‍රික්කයේ ජීවත්වන සාමාජිකයන් සිව් දෙනකුගෙන් යුත් පවුලකට සිය මූලික අවශ්‍යතා සපුරා ගැනීමට මෙම වසරේ අගෝස්තු මාසයේදී රුපියල් 70,736 ක මුදලක් අවශ්‍ය වී ඇති බවත් එම දත්ත වාර්තාවේ සඳහන් වේ. එයද මෙම වසරේ ජූලි මාසයට සාපේක්ෂව ජීවන වියදමේ සුළු වශයෙන් පහළ යාමක් බව එම දත්ත වාර්තා පෙන්වා දෙයි.

එසේම දෙවැනි ස්ථානයට පවුලකට සිය මූලික අවශ්‍යතා සපුරා ගැනීමට වැඩිම මුදලක් අවශ්‍ය වී ඇත්තේ ගම්පහ දිස්ත්‍රික්කයේ බවත් ගම්පහ දිස්ත්‍රික්කයේ ජීවත්වන සාමාජිකයන් සිවූ දෙනෙකුගෙන් යුත් පවුලකට සිය මූලික අවශ්‍යතා සපුරා ගැනීම සඳහා රුපියල් 70,376 ක මුදලක් අවශ්‍ය වී ඇති බවත් එම දත්ත වාර්තාවේ දැක්වේ. එයද මෙම වසරේ ජූලි මාසයට සාපේක්ෂව ජීවන වියදමේ සුළු වශයෙන් පහළ යාමකි.

මෙම වසරේ අගෝස්තු මාසයේදී පවුලකට සිය මූලික අවශ්‍යතා සපුරා ගැනීම සඳහා අඩුම මුදලක් අවශ්‍ය වී ඇත්තේ මොණරාගල දිස්ත්‍රික්කයේ බවත් එහි ජීවත් වන සිවු දෙනකුගෙන් යුත් පවුලකට සිය මූලික අවශ්‍යතා සපුරා ගැනීමට රුපියල් 62,712 ක මුදලක් අවශ්‍ය වී ඇති බවත් එම වාර්තාවේ දැක්වේ.

එසේම පසුගිය ජූලි මාසයේදී මෙරට සිවු දෙනකුගෙන් යුත් පවුලකට සිය මූලික අවශ්‍යතා සපුරා ගැනීමට 65,936 ක මුදලක් අවශ්‍ය වී ඇති බවත් එය මෙම වසරේ ජූනි මාසයට සාපේක්ෂව ජීවන වියදමේ සුළු වශයෙන් පහළ යාමක් බවත් ජන හා සංඛ්‍යා ලේඛන දෙපාර්තමේන්තුවේ නවතම දත්ත වාර්තා පෙන්වා දෙයි.